|
رد: أكسيل اتوماتيك
اطلاقا مالوش دعوة بالشاسيه خالص دا بيبقى فى جلب كاوتش شايلة الشاكمان (كان الشاكمان متعلق فى جسم العربية من تحت ) و حتى فرضا واحدة من هوكات التعليق فكت حتتلحم بدون اى ضرر على الشاسيه بس غالبا حتطلع جلبة كاوتش ب 5 جنيه
اما شعور السحب فكل الاوتوماتيك كده |
رد: أكسيل اتوماتيك
اقتباس:
ومين احسن صنايعي بيشتغل فتيس اتوماتيك فى المنصورة ولكم جزيل الشكر |
رد: أكسيل اتوماتيك
السلام عليكم
للاسف كرتيرة الزيت عندى اتشرخت فلحمتها وغيرت ظرف اللونسيه فكنت عاوز اسال عن سعر طلمبة الزيت وعن سعر قواعد الماتور والفتيس ومصنعية تركيبهم ومين اللى يركبهم العفشجى ولا الميكانيكي علما بان السيارة اتوماتيك ومعلش سؤال اخر بما ان الاكسيل قريبة من الارض وانا سواقتى هاديه وبحاول اخد المطبات ع الهادى على اد ما اقدر بس قدر الله ماشاء فعل العربيه بتحف منى فى المطبات ةشرخت الكرتيره بتاعه الزيت ؟؟؟؟؟؟؟؟؟ وبحس بحفه ورا ناحية العجله اليمين ؟؟ هل يوجد طريقه معينه فى السواقه لتفادى وطو الاكسيل وقربها للارض وتفادى المطبات وخصوصا الصعبه ارجو الافاده لتعم الفائدة |
رد: أكسيل اتوماتيك
للاسف هى مشكلة عامة فى مصر بالذات الهوندا سيفيك مأساه بجد
لو حضرتك مشاويرك داخلية يعنى مفيش سفر بالعربية يبقى ممكن بسهولة العفشجى يعلى العربية بواسطة جلب مخصوص بتتحط مع السوست لكن عيب الموضوع ده انه بيقلل ثبات العربية على السرعات العالية (80 فطالع) |
رد: أكسيل اتوماتيك
السلام عليكم
كل عام وانتم بخير ( عيد الاضحى المبارك ) فى كذا حاجه مضايقانى فى العربيه (( اكسيل 94 اتوماتيك 1500 )) 1- صوت العربيه عالى لما بتكون على الوضع p -- D----R بدون دوس بنزين بعد البنزين كله بيروح وكله ناعم الميكانيكي قالى قواعد الماتور والفتيس عايزين يتغيروا ( ممكن اعرف سعرهم ومصنعيتهم ) (( واحد قالى الطبالوه بيتهز عاوز الكهربائي يعيد تقفيله وفرش الابواب ممكن يكون بيعمل زنه ورجه )) كل ده والعربيه واقفه . 2- العربية وهى بارده الكونتاك بيعلق كذا مره على بال ما يلقط التشغيل علما بانى مغير طقم البوجيهات ب 2 شمعه يابانى 3- هو لازم تسخن العربيه قبل ما امشي بيها لانى لو مشيت بيها بارده واجى اخد ملف بتفصل لوحدها (( يعنى مفيش حل غير تسخينها بالشفاط مثلا )) 4- العربيه بتحف فى المطبات 5- هو بالنسبة لتنك البنزين لما تنور علامة البنزين فى التابلوه يبقي فيه لسه اد يمشيني ولا مينفعش اخليها تنور يعنى ا حط بنزين باستمرار (( اصلى سمعت ان اقل من 5 لتر ميمشوش العربيه )) عكس مثلا 128 كانت معايا واللمبه شغاله كنت بمشي بيها فتره مثلا لحد ما اوصل للبنزينه؟؟؟؟؟؟؟ 6 - السحب بطييييييييييييئ من سرعة صفر الى سرعة 40 كم وبعد كده جميييييل ؟؟ ناس تقولى هو الاتوماتيك كده وناس تقولى لا لازم يكون فيه سبب ؟؟ 7- بحس بطقطه لما بكسر شمال فى الملف بس لما بزود بنزين انما لو بلف والعربيه هادية مش بسمع صوت الصقطقه هل ده بداية كوبلن ولا ده شئ طبييعي؟؟؟ ولو كوبلن ايه افضل نوع وسعره ايه وهل ينفع اغير ناحيه واحده ولا لازم الاتنين ؟؟؟ اسف للاطاله ومستنى ردودكم القيمه ولكم جزيل الشكر |
| الساعة الآن 04:17 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017