|
رد: ليه كسرنا ورا فيات قله ؟؟
الانطباع الى سائد عند البعض " متهيالى مش كتير " ان سيارات فيات غير اعتماديه بسب اعطالها !! يا جماعه الكلام ده مش منطقى .
مش علاشان عربيه مطحونه فى الشارع و بقالها اكتر من ربع قرن بتلف و بتجوب شوارع مصر فى اسوأ الظروف من طرق مكسره لقطع غيار مضروبه لاهمال للصيانه و اخيرا لقدم عمر السياره نفسها ..... و تيجى العربيه تعطل او تعمل فيك فصل بايخ يبقى نقول فيات وحشه . العربيات القديمه ديه ادت الى عليها و بزياده عشرين حبه , اعتقادى الشخصى ان مافيش اى عربيه حديثه مهما كان نوعها ممكن تستحمل تمشى 25 سنه فى اسوأ الظروف زى ما استحملت سيارات فيات . بحسبه بسيطه العربيات ديه اكتر عربيات فى تاريخ السيارات المصرى استحمالا و اكتر سيارات عمرت فى تاريخ مصر من ساعت ما مشى فى مصر عربيات اساسا سيارات فتره الاربيعنيات او الخمسينيات او الستينيات مخدمتش فى الطرق المصريه زى سيارت فيات " الى عمرها بيزيد عن 25 سنه " من حقبة السبعينيات و التمانينات . قارن سيارات فيات فى افتره ديه لمثيلاتها من السيارات اليابانيه مثلا ...النتيجه معروفه . ف تاريخ فيات من حيث الاعتماديه مش محل شك سيارات فيات من اكتر السيارات اعتماديه تاريخ فيات من حيث التصميمات المختلفه عن اى ماركه اخرى مش محل شك فيات كماركه حاليا مش محل شك فيات حاليا من اكتر الشركات نموا فى اوروبا حتى فى ظل الخسائر الفادحه لسوق السيارات الاوروبى فيات تعتبر من اقل شركات السيارات انخفاضا فى معدلات بيع السيارات و ده اترجم ل زياده حصتها من السوق الاوروبيه " بعد خسائر الشركات الفرنسيه تحديدا " فيات فى مصر .. التوكيل نزل كل الموديلات الى ممكن تنزل و تتباع ..... لان فى موديلات كتير عند فيات لكن لو التوكيل نزلها كلها اكيد مش حتتباع لاسباب اما لانها بمواتير كبيره زى الكروما مثلا او لارتفاع تمنها و عدم ملائمتها للسوق المصرى . البونتو و اللينيا و الجراند بونتو و البرافو ...... من انجح موديلات فيات و نازلين بأسعار اعتقد انها متناسبه جدا جدا و اقل من مثيلاتها الاوروبيه . مع احترامى لكل الماركات بس ليه اشترى الانترا او لانسر و ياريس و انا عندى لينيا و بموتور تيربو و اقصى عوامل الامان و تصميم غايه فى الروعه و كماليات محترمه !!؟؟ |
رد: ليه كسرنا ورا فيات قله ؟؟
اعتقد ان كل الناس جاوبت صح على السؤال وباختصار فيه عوامل واسباب كتير ادت لتحول قطاع كبير من المستهلكين وبالاخص المصريين عن الماركة العريقة
بس السؤال هو ايه اكتر العوامل ديه تاثيراً وايه اقلها وهل الحال نتيجة مباشرة لعامل او اتنين ولا نتيجة لكل العوامل ديه مجتمعة ؟ ظهور البديل الاسيوى (اليابانى ثم الكورى) الارخص فى السعر وتكاليف الصيانة انقطاع الصلة المباشرة بين شركة النصر المصرية وشركة فيات العالمية ضعف التوكيل المحلى تعدد البدائل للمستهلك المصرى تدنى المستوى (العالمى) لفيات كشركة واخيرا اشكر احمد انور على الطرح المتميز |
رد: ليه كسرنا ورا فيات قله ؟؟
ابو نورا اختصر كل الموضوع في نقاط مركزه و جاب المفيد
بس تقصد بتدني المستوى العالمي لفيات :- مستوى الجوده ولا المبيعات ... لأنها تفرق كتير ومتهيألي تقصد التانيه بس لسه في سؤال مهم :_ فين ابو ياسين يعني كتب الموضوع و سابنا يومين نقدح زناد فكرنا و نعصر الذاكره و كل واحد ماشاء الله كاتب موضوع و في الاخر سايبنا ورايح تلاعب ياسين !! يا بشمهندس احمد ؟؟؟؟ يا هندساااااااااااا ايه النظام .... مش حترد علينا ولا ايه !!!!!! |
رد: ليه كسرنا ورا فيات قله ؟؟
ياااااااااااااااااااااااا ااه
سؤال و موضوع جامدين يا باشمهندس فيات من اكتر العربيات اللي خدمت في مصر من الستينات ال 1100 (القرده) و ال R و مرورا بال 128 و ال 127 و ال 131 و ال 132 و الريتمو وصولا الي الريجاتا معظم الموديلات دي كان اللي بيجمعها شركه النصر علشان كده كانت بتبقي رخيصه لذلك انتشرت انتشار رائع و هيا عربيات تستحق علي فكره انما لما شركه النصر بدات في تجميع الشاهين و بعدت كل البعد عن السيارات الحديثه لفيات بدأ اسم فيات يقل علاوه علي بقي الشباب اللي طالع مش شايف قدامه عربيه فيات جديده كلها عربيات موديلات سبعينات و حالتها تعبانه و لما بيلاقي عربيه جديده من اسم فيات يقول لاء دي وحشه طب ما كل واحد يفكر العربيات دي خدمت قد ايه زي ما مهاب بيقول و بعد كده اتكلم انا ركبت عربيات فيات كتييير جدا في حياتي لا عمر عربيه معايا سخنت ولا عمري ركبت 128 و كان الشاسيه مفتوح يمكن انا كنت بركب عربيات نضيفه منها و متحافظ عليها بس برضه عمر ما عربيه فيات كسفتني في اي مكان و عطلت و وقفت بيها علي طريق انا عن نفسي كانت الجراند بونتو في اختياراتي ايام ما كنت بجيب الياريس لكن ما جبتهاش لسببين اولا هاتش باك(ثقافه مصريه غلط طبعا) و كانت اغلي من الياريس ب 7 الاف جنيه و انا يدوب الياريس علي قد فلوسي و قطع الغيار اللي مكنتش حلاقيها في نطاق سكني(تيل فرامل سير كاتينه.. الخ الخ) بس ان شاء الله سيارتي القادمه حتبقي فيات خصوصا للارتفاع الغير مبرر للسيارات اليابانيه |
رد: ليه كسرنا ورا فيات قله ؟؟
اقتباس:
Please continue discuss the topic until I back to Cairo Forgive Me Pasha Sorry I do not have Arabic Key borad here |
رد: ليه كسرنا ورا فيات قله ؟؟
اقتباس:
بس اكمل التوبيك اعمل ايه يعني ؟؟؟؟؟ دا انا اكتر واحد كاتب فيه ... لو كتبت اكتر من كده الناس حتزهق مني دا بفرض انهم لسه متخنئوش مني اساسا !!!! الا اذا كنت عايزني اسد مكانك ....ptmnlo123per135 وماله... علشان خطرك انت بس .... يا سلام ... ptmnlo123per157 الشكر لكل من شارك بالموضوع ... فعلا يا جماعه المشاركات كلها هايله ووضحت لي حاجات كتير ... اوعدكم اول ما ارجع من دبي ابيع الفيرنا واجيب فيات لينيا او بونتو علشان بحب الهاتشباك مع تحياتي... ابو ياسين ( الشهير باحمد انور )ptmnlo123per198 |
رد: ليه كسرنا ورا فيات قله ؟؟
الموضوع ده كان محرر الاخبار زانقه في الحيطه و بيضرب فيه ... فقلت اجيبه مع اخواته
|
| الساعة الآن 04:15 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017