|
رد: حد يعرف حاجة عن الماهيندرا سكوربيو الجديدة 2011
ربنا يصلح الحال ربما تكون الكارينز افضل فى الشكل والقبول العام وتكون الماهيندار افضل فى الاداء الذى يعرف الافضل بالنسبة لكم هو انتم لابد من تحديد المطلبات الخاصة بكم بالنسبة للعربية وهى بعد استخارة المولى هتكون مفيدة ان شاء الله
|
رد: حد يعرف حاجة عن الماهيندرا سكوربيو الجديدة 2011
شكراً ليكم كل الأعزاء الى اهتميتوا ورديتوا على سؤالى
انا الصراحة ركبت الأتنين فى التوكيل ... طبعاً ممشيتش بيهم خالص لادى ولا دى لكن اول ماركبت الماهيندرا حبيتها وشكلها الى بتقولوا عليه مش مقبول فى عنيَّ حلو قوى قوى .... عربية جامدة كدة تحس ان شكلها له شخصية .... زى ما تكون مش هاممها ان الناس شايفينها وحشة مالية مركزها على الآخر ( عاملة زى الراجل الى واثق من نفسه ) انا شايفاها كدة .... ومش هزعل لو قلتوا ده رأى حريمى :) بس انا حبيتها ومش عجبانى الكارينز خالص حساها فافى كدة وعربية دلع رغم انها واسعة وعاجبة زوجى الغالى قوى لكن انا مش حاسة انها متينة خالص ومش هتستحمل شوارعنا المدشدشة ... عموماً احنا بنفكر الى مخلينا مترددين ان ضرايب الماهيندرا بقت 3000 جنيه فى السنة مش 1000 زى ما قلتوا زادت السنة دى عموماً الف شكر مرة تانية |
رد: حد يعرف حاجة عن الماهيندرا سكوربيو الجديدة 2011
طلما حضرتك اخترى الماهيندار يجب تعمل تقرير بعد الاستخدام عشان الكل يستفادة من خبرة حضرتك مع العربية والله هو الموفق دائما
|
رد: حد يعرف حاجة عن الماهيندرا سكوربيو الجديدة 2011
بصوا يا جماعة -بعد التحية-لازم نقارن بين العربيتين الاول كما قال الاعلان ثم نقارن بينهم من حيث وجهة نظر المشترى
اولا -هناك فرق فى الفئةيعنى الكارينز مينى فان و الماهيندرا 4*4 ثانيا -الكارينز صناعة كورى و مواصفات عالمية -بغض النظر عن الكماليات -الامان فيها حسب تقييم الاوروبى واخدة 4 نجوم وادى الفيديو بتاع الاختبار اهو http://www.youtube.com/watch?v=y5Iw4Qz6RGw ثالثا-محرك الكارينز من فئة جاما GAMMAواللى سعته اللترية 1.6 و بيدى قوة مقدارها 124 حصان عند 6300لفة.دقيقة مع عزم دوران هائل 145 نيوتن عند 4200 لفة .دقيقة+انه اقتصادى جدا 6.8 لتر /100كم مع القوة دى يقدر يشد دبابة مش عربية زى دى مع وسائل الاتزان الالكترونى EBD -ESP-و نظام فرامل مدعم بABS كمان قطع غيارها و خدمات التوكيل مش بطالة+توافر قطع الغيار بره التوكيل و رخيصة ------------------------------------------------------------------------------------- ناتى للماهيندرا محرك مصنع تحت اشراف ميتسوبيشى -لا يابانى ولا حاجة -بس شغالوفيه منه نوعين بنزين 2200سى سى و بيلد قدرة 126 حصان و ديزل و بيلد قوة 122 حصان مع دفع رباعى -حسب الاختيار و عشان ماطلعش فتاى معرفش حاجة عن وسائل الامان فيها ولا الكماليات 4BY4 |
رد: حد يعرف حاجة عن الماهيندرا سكوربيو الجديدة 2011
معلش يا جماعة نسيت اتكلم عن وجهة نظر المستهلك لكل من السيارتين
و باختصار عشان ما اطولش الكيا كارينز -سعرها مناسب -كماليات كتيير-امان -و عائلية من الدرجة الاولى-اعلى سعر اعادة بيع-اقل سعر قطع غيار بالتوكيل وخارجه-ثابتة-تستحمل-موتور اقتصادى -عفشة كويسة الماهيندرا-طبعا عشان الطرق فى مصر وحشة مفيش شك انها تستحمل -بس ده على حساب الراحة الداخلية -موتور مش وحش بس فيه اللى اقوى منه او زيه ف الكارينز و 1600 سى سى بس ما بتتصدرش اوروبا عشان عوامل الامان فيها (فيلم هندى ) من ناحية السعر عند اعادة البيع زيها زى الصينى يعنى اشترى ولما تبيع بيعها خردة و الا هتخسر النص على الاقل و اسف ع الاطالة 4BY4 |
رد: حد يعرف حاجة عن الماهيندرا سكوربيو الجديدة 2011
الماهيندرا إسكوربيو أسوأ سيارة أنا شوفتها في كل شيء .. أرشح الكارينز كويسة
|
رد: حد يعرف حاجة عن الماهيندرا سكوربيو الجديدة 2011
نفسى حد يرد يقول ليه الماهيندرا سكوربيو سياره سيئه اقراء المواصفات الى كتبها فى الصفحه السابقه واتكلم بعد كده قول ايه اللى ناقص عايز حد يقولى ايه العيب الى فى العربيه ده انا مع والدى 2010 اوتوماتيك مافيش اى عيوب نهائيا العيوب فعلا فى المانيوال وبالاخص ال2600 سىسى كان يوجد رعشه فى الفتيس و المقود ولكن فى الاوتوماتيك العربيه تمشى على عجين متلغبطوش و 6 سرعات ياريت حد يرد عليا
|
| الساعة الآن 08:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017