رد: الغيارات بتيجى بالعافيه و الدبرياج بيتهز فى الماشيه !!!!
 

واضح جدا ان فى مشكلة عند الميكانيكى .....اما غير الزيت بزيت مش تمام او حصل خلل اثناء تغيير الزيت ....اما فى حاجة ف الاسطوانة او الديسك ...او نظرية المؤامرة و انا استبعدها ..و هى ان ممكن يكون الميكانيكى ده غير امين لدرجة انه ربما يكون غير الاسطوانة بتاعتك او لعب ف حاجة عندك او غير حاجة من عربيتك (مش عايز اشكك ف نفسك )...بس ارجو منك انك تاخد حذرك و اوعى تسيب عربيتك لميكانيكى او صنايعى مهما كنت عارفة و مهما كانت الظروف ...و ربما تكون الحكاية شوية هواء و تنتهى ...راجع الدبرياج و ابقى كارك قبل ما تحرك الفتيس و شوف زيت الفتيس تانى و خلى اى ميكانيكى يعلى الدبرياج .....سنة بسيطة ..و جرب ..بالتوفيق !

رد: الغيارات بتيجى بالعافيه و الدبرياج بيتهز فى الماشيه !!!!
 

طب معلشى انا واجع دماغ حضرتك
دلوقتى انا كنت ناوى انزل بكره الصبه الساعه سابعه اجربها و ارجعها تانى الجراج ولو كويسه مكلمش الميكانيكى هل حضرتك شايف كده صح ؟و لا حكاية دواسة الدبرياج دى دليل على ان فى مشكله ؟و كون ان الفتيس شغال كويس والعربيه واقفه مش سبب كافى انها اتظبتط
ومثلا هل ممكن تكون لما بتسخن بتظهر المشكله ؟
أنا بجد أسف جدا على الازعاج لكنى مصدقت نى لقيت حضرتك لان الموضوع بقاله يومين و محدش رد و انا كل يوم ااكلم الميكانيكى بقولى جاى و ميجيش و مش حابب امشى بيها لو فيها مشكله

رد: الغيارات بتيجى بالعافيه و الدبرياج بيتهز فى الماشيه !!!!
 

ياباشا ولا يهمك وكلنا تحت أمرك

عموما

جرب عربيتك على مرحلتين فى مكان غير مذدحم

مره صباحا لمدة نصف ساعه مثلا

ومره ظهرا وشوف الجديد أيه

لأن من الوارد مع سخونة الجو والزيت بتظهر المشكله بتاعة أنخفاض مستوى الدواسه

وأرجو أن يصلح لك الله الأحوال
دون الحاجه لميكانيكى

والتجربه خير برهان ( مع مراعاة الظروف الحاليه لحين الأطمئنان على الآداء )

علشان نعرف

أيه المفروض نعمله بعد التجربه

رد: الغيارات بتيجى بالعافيه و الدبرياج بيتهز فى الماشيه !!!!
 

شكرا يا باشا لردك هوا المشكله وانا عارف نها غلط احنا ممكن نسيب العربيه عند الميكانيكى اسبوعين مثلا و المفروض ان فى ثقه لانه محل محترم و متخصص جيب و اوبل بس وعنده عربيات كتير قيمه و غير كده المهندس صاحب الورشه صديق عمى و والدى وده لاننا مش بنستخدمها كتير والدى مش بيسوق وانا مش بسوق كتير بس واللهى الواحد احتار كل مره اسيبهاله اسبوعين ساعات اكتر وترجع فيها مشاكل برده
بلنسبه لموضوع رفع الدبرياج اهوا اساسا مرفوع اوى يعنى القيمه اللى العربيه بتتحرك فيها عاليه وده لانها من زمان كان فيه مشكله فى الغيارات بس واضحه اوى بقى الكلام ده من سنتين اوى اكتر و حصل انهم علوا الدبرياج و لحموه على كده و العربيه مشيت سنتين كاملين الفتيس تمام بس الغريب فعلا ان لامشكله دى تظهر مره واحده بالرغم انى مديهاله كويسه كان بيغير بس مرايات و بيشيك على الزيوت كلها

رد: الغيارات بتيجى بالعافيه و الدبرياج بيتهز فى الماشيه !!!!
 

بجد شكرا ياباشا
بس على فكره المشكله دى لما ظهرت كنت راجع بيها بليل والجو كان الى حد ما بارد بس الدنيا كانت زحمه وتقريبا مشيت فتره طويله فى اشارات

رد: الغيارات بتيجى بالعافيه و الدبرياج بيتهز فى الماشيه !!!!
 

ياريت برضه تبقى تطمن على مستوى زيت الدبرياج

وأكشف على ماستر الدبرياج التحتانى

حتلاقى كاوتشه شبه كاوتشة الكبلنج بتاع العربيه

شوف تحتها أو حواليها زيت ولا لا

رد: الغيارات بتيجى بالعافيه و الدبرياج بيتهز فى الماشيه !!!!
 

هوا انا يا باشا مش على درايه قوى بمكان زيت الدبرياج والحاجات دى
انا ان شاء الله هنزل بكره سبعه الصبح اجرب العربيه بمده نص ساعه و هبقى اجرب اقف و اطلع و اهدى بحيث اغير اكت من مره و فى نفس الوقت فى مكان فاضى منعا لحدوث مشاكل لو لقدر الله حصل مشكله و الفتيس علق و معرفتش امشى
لو ظهرت المشكله هكلم الميكانيكى يجيى ياخدها لو مظهرتش يبقى كويس وربنا يستر عندنا فرح الاسبوع الجاى ومحتاجينها و مش عايزينها تكسفنا