رد: محتار الفيرنا ولا اللوجان
 

رد: محتار الفيرنا ولا اللوجان
 

اولا بالنسبة للاستاذ drasd حضرتك دلوقتي بتقول الفيرنا بتركبها سنة وبعدين بتبقي زي اللي بقالها 10 سنين ماشيه ممكن اعرف انتا بتقول كدا بناءا علي ايه

اولا العربية معايا بقالها 3 سنين والحمد لله محستش في مره ان مستواها قل عن يوم ما جبتها

يا ريت لو انتا بتحب عربية متجرحش في التانية وبعدين اديك قولت بلسانك عربية البلد كلها واخدها تاكسي وده معاناه ان العربية ديه عملية ولو مكنتش قد انها تشتغل تاكسي مكنتش انتشرت بالمنظر ده


بالنسبة لابوحميد صاحب الموضوع

اولا مميزات الفيرنا

1/ ماتور جبار
2/ عفشة رياضية تستحمل كل البلاوي اللي موجوده في البلد ديه وبتديك اداء رياضي ملهوش حل
3/ عربية نعمة جدا ومتحسش ان الماتور بتاعها داير واي تعديل بتعمله فيها بيكون ملهوش حل
4/ عربية قطع غيارها رخيصة وسعر اعادة بيعها ممتاز وكل الميكانيكيه بيفهموا فيها
5/ ابعادها ممتازة وسهل جدا تتحكم فيها في الزحمة
6/ ثابته علي السرعات العالية مع التجنيط ب 15
7/ استهلاكها للبنزين ممتاز عملت معايا 13 لتر في 330 كيلو من اسكندرية للقاهره وطبعا لف هناك وهنا
8/ تكيفها فوق الممتاز ولا يؤثر علي سحب الماتور

عيوبها

1/ واطيه علي الارض
2/ فراملها مش قوية اوي يعني مقبوله
3/ ضيقة نوعا ما ولكن مش ضيقة اوي


بالنسبة للوجن هقولك علي مميزاتها وعيوبها اللي اعرفها واللي معرفهوش غيري هيقولك عليه

اولا مميزاتها

1/ واسعه
2/ عالية
3/ شنطتها كبيره
4/ خامات التبلوه جيدة وفيها كمبيوتر الرحلات جميل


ديه مميزاتها اللي اعرفها

عيوبها

1/ علوها طبعا بيقلل نسبة ثباتها في السرعات العالية
2/ صوت ماتورها عالي
3/ قطع غيارها مش متوفره اوي
4/ صيانتها غالية
5/ الميكانيكه صعب يفهموا فيها بسبب الكمبيوتر اللي محطوط في كل عربيات الرينو
6/ سعر اعادة بيعها ضعيف
7/ لسه محدش يقدر يحكم عليها لان مبقلهاش سنة ونص في السوق
8/ مكان الكلاكس وزراير الزجاج مستفز جدا

رد: محتار الفيرنا ولا اللوجان
 

<!-- / message --><!-- sig -->
لك منى كل إحترام أخى العزيز كورسير ،،،،، ولكن لى تعليق بسيط على كلامك

1- بالنسبة للثبات فاللوجان حققت المعادلة بين العلو عن الأرض و الثبات فاللوجان لا تقل أبدا أبدا عن الفيرنا فى الثبات .

2- صوت المتور ينخفض بعد مرحلة التليين ،،،، ويختفى بعد الغيار الثالث ،،،، ولكنه ليس بالصوت المزعج يعنى مش هتصدع و أنت راكب العربية

3- عندك حق فى حكاية قطع الغيار لكنها بدأت و ستستمر فى الإنتشار بمرور الوقت

4- العربية بقالها سنة و نص فى السوق و محدش أشتكى منها ، أو ندم أنه جابها وكل اللى يجيبها يقولك فيها كل اللى أنا عاوزه و زيادة

5- بالنسبة لأزار الكلاكس و الزجاج الكهربى القائد هيتعود عليه من رابع أو خامس مرة أو يمكنك الأنتظار حتى نزول الشكل الجديد اللى متعدل فيه الكلاكس و الزراير.

ومن وجهة نظرى الخاصة أن الفيرنا مش أحسن من اللوجان فى حاجة لكن اللوجان أنسب سيارة لشوارع مصر و كمان العفشة مريحة جدا جدا جدا و تعطيك عزل تام عن الشارع و كأنك جالس على وسادة هوائية أو ريش نعام

و يأتى جودة التوكيل فى صالح اللوجان أيضا فتوكيل EIM أفضل من غبور بمراحل

هذا كل تعليقى على كلام حضرتك و لكنى أحييك على الحيادية و إن كنت أخطأت بعض الشئ فى حكمك على اللوجان فهذا قد يعود إلى عدم تجربتك لها

لك منى أفضل تحية ،،،،،،،،،،،،، و الله الموفق

<!-- / message --><!-- sig -->

رد: محتار الفيرنا ولا اللوجان
 

ومن وجهة نظرى الخاصة أن الفيرنا مش أحسن من اللوجان فى حاجة لكن اللوجان أنسب سيارة لشوارع مصر و كمان العفشة مريحة جدا جدا جدا و تعطيك عزل تام عن الشارع و كأنك جالس على وسادة هوائية أو ريش نعام
ازاي يعني مش احسن من اللوجان امال الماتور يبقى ايه محرك الفيرنا افضل بكثير

رد: محتار الفيرنا ولا اللوجان
 

معلش يا عم أنا آسف ....... يبدو أن حضرتك مخدش بالك من الكلمة دى

"ومن وجهة نظرى الخاصة"

دى وجهات نظر ...... و كل واحد فينا و ليه وجهة نظر

و أنا مع حضرتك أن متور الفيرنا أحسن من متور اللوجان .... و لكن متور اللوجان مش تعبان وبيدى أداء ممتاز

و من وجهة نظرى الخاصة أن الواحد مش لازم يضحى بكل مميزات اللوجان عشان خاطر المتور ،،،،،،،،،،،،

تقبل تحياتى ...GIFT4U

رد: محتار الفيرنا ولا اللوجان
 

لأ .. معلش عايزك تفهمني النقطة دي
انا مالك للفيرنا لاكتر من 3 سنين من الزيرو و عايز افهم اية الحكاية دي
معنى كدا ان بتاعتي زي اللي بقالها 30 سنة ؟
كويس و الله... عربية معمرة جداً اهو

رد: محتار الفيرنا ولا اللوجان
 

توكل على الله واشترى بروتون ساجا طبعا احسن من الاتنين