مصر موتورز مجتمع السيارات - إزاى أعدل 128

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

- - إزاى أعدل 128 - ارجوا الدخول (https://www.masrmotors.com/vb/showthread.php?t=36653)

رد: إزاى أعدل 128 - ارجوا الدخول

العربية ماشاء الله شكلها حلو كده من غير أي تعديل

رد: إزاى أعدل 128 - ارجوا الدخول

ربنا يخليك يا ريس

رد: إزاى أعدل 128 - ارجوا الدخول

أنا من رأيى طارة أسبور مومو مضروبة:) بحوالى 100 الى 120 جنيه بالزور بتاعها هتحسن شكل العربية من جوه جدا وخاصة مع الديفل, وياسلام لو كملت الطقم وغيرت أيد فرامل اليد بواحدة كروم, ورأس الفتيس بمقبض مومو برضه.

وممكن تجيب 2 شريط ليدات (لمض صغيره) وتركبهم تحت التابلوه من جوه وتوصلهم على النور الواطى أو نور الصالون أو حتى بزرار لوحدهم, هيدوا وهج لطيف بالليل وهيحسنوا من شكل العربية, ومش هتكلفك أكتر من 50 جنيه بثمن الليدات ومصنعية الكهربائى.

وكسوة كويسة مش هتكلفك كتير برضه, وهتغير شكل العربية من جوه تماما لو أخترت اللون كويس.

لمع الفوانيس الأمامية من جوه وبره لو تعرف أو خلى كهربائى أو متخصص فوانيس يعملهالك, وطقم زينون كويس ب 350 جنيه هيظبط شكلها قوى بالليل.

وممكن تعدل على الفوانيس الخلفية وتخليهم زى الفيرارى مدورين, شكلهم هيبقى جامد جدا بس بلاش علشان هتتعب فى عمايلهم (مشاوير لسمكرية وقرف).

وبلاش الأسبويلر العالى والحاجات دى علشان شكلها وحش وملهاش لازمة.

ولو فى مقدرتك ممكن تجنط جنط 13 علشان الشكل ومش هيكلفك كتير أو أكبر, ولو بتحب الصوتيات ممكن تجيب طقم سماعات بايونيير وبازوكا وأمبليفاير لزوم الحركات وتبقى عملت عدة صوت كويسة.

بس أنا شايف أن زينون نضيف مع جنط كويس هيحسن شكلها جدا ربنا يباركلك فيها.

رد: إزاى أعدل 128 - ارجوا الدخول

تسلم ياباشا على المعلومات الجميلة دى بس انا عاوز اعرف اجيب كاسيت نوعة اية احلى حاجة يعنى

رد: إزاى أعدل 128 - ارجوا الدخول

اقتباس:

المشاركة الأصلية كتبت بواسطة Med0Car (المشاركة 283064)

تسلم ياباشا على المعلومات الجميلة دى بس انا عاوز اعرف اجيب كاسيت نوعة اية احلى حاجة يعنى

هو الأحسن والأرخص هو بايونيير, منتشر وكل اللى جابه بيشكر فيه, عندك أسعار بتبتدى من 500 فيما فوق جديد, وبأمكانيات كويسة وصوت نقى, والسونى شرحه برضه, الكينوود ليا تجارب غير كويسة معاه (بيبوظ:)) بس كاسيت أمكانياته كويسة.

ممكن تنزل عند محل من الكبار, Rocket اللى فى روكسى أو أدريان وتختار اللى يعجبك, روكيت أسعاره أرخص وعنده كل حاجة, هو قبل أشارة روكسى من ناحية قصر الطاهرة.

والموديلات كتير وصعب أنصحك, فيه حاجات فيها أكولايزر كامل, وحاجات بتدعم الفلاشة والميمورى, وحاجات بتشغل سى دى بس, فأنت وأمكانياتك.

رد: إزاى أعدل 128 - ارجوا الدخول

GIFT4Uارجو المساعدة في تعديل اكسيل 97 تعديل كامل موتور و جسم و جنوط و فوانيس و ممكن لو سمحتم صور لعربيات اكسيل متعدلة وممكن لو فيها رزاله مني عناوين الاماكن الكويسه اللي بتعمل التعديل ارجو الرد للاهميه