مصر موتورز مجتمع السيارات - سيراتو ولا سول ( أشترى أيه )؟؟؟؟؟

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - سيراتو ولا سول ( أشترى أيه )؟؟؟؟؟ (https://www.masrmotors.com/vb/showthread.php?t=35894)

رد: سيراتو ولا سول ( أشترى أيه )؟؟؟؟؟

العربيتين من فئتين مختلفتين و لا يصح المقارنه بينهم
السيراتو تقليديه
السول حل من الاتنين يا تحبها يا تكرهها
و طالما انت حاببها يبقي توكل علي الله
لا هي اول ولا اخر عربيه في العمر

رد: سيراتو ولا سول ( أشترى أيه )؟؟؟؟؟

سبكوا من مين الافضل رغم ان رأىى الشخصى انا لسول تتفوق بمراحل
لكن سعرها عندنا بيبدأ من 115 او 130 مش فاكر
فالسعودية 46 الف ريال
يعنى حوالى 80 الف جنية مصرى
لك الله يا مصر وحسبى اللة ونعم الوكيل

رد: سيراتو ولا سول ( أشترى أيه )؟؟؟؟؟

بص يا أستاذ ( OTAODO ) هو فعلا أولا حسبي الله و نعم الوكيل فى جمارك مصر .. السيارة السول سعرها 46500 ريال بترخصها و تأمنها الشامل و ضمان خمس سنين من الوكيل أو 100 ألف كيلو .. يعنى ثمنها حوالى 69800 جنية مصرى مش 80 ألف ولا حاجة .. نقول 70 ألف .. تعالى بقى لما تيجي تنزلها .. هتدفع فى حدود 45 ألف .. يعنى الإجمالى 115 ألف .. هتلاقيها نفس السعر فى مصر .. لأن تقريبا الفول أوبشن منها بفتحة سقف فى مصر تقريبا 125 ألف جنيه . يبقى فعلا نقول حسبي الله و نعم الوكيل .. بس هنعمل أيه .. ده قدرنا ودى بلدنا .. تشترى من بره .. تدفع باقى حقها جوه هههههه ... لو لاحظتوا هتلاقو إن سعر السول قريبة جدا من السيراتو .. أغلى يمكن 5000 جنيه فى مصر .. ولازم نشوف الأراء .. عشان الناس اللى بتفكر فى كيا و محتاره بين السيارتين دول .. يبقو على نور بكل حاجة .. أنا شخصيا محتار والله .. بس تقريبا لحد دلوقتى الحمد لله حسب أراء الأعضاء .. قررت إن أخذ السول .. و نشوف بقى الأراء .. الموضوع مفتوح لكل اللى عايز يشارك برأيه .... فى إنتظار ردودكو ....

رد: سيراتو ولا سول ( أشترى أيه )؟؟؟؟؟

على فكرة يا أستاذ محمود

أنا رأيى
الشخصى وعن تجربة

الكيا البيكانتو أحسن
وأعرف واحد نصح والده بالكيا البيكانتو

وربنا يوفقك فى حسن الأختيااااار

رد: سيراتو ولا سول ( أشترى أيه )؟؟؟؟؟

عايز أوضحلكو كمان تأمين السيارات بيبقى إزاى فى دول الخليج .. عشان تعرفو أحنا قد أيه متطورين فى مصر .. فيه نوعين من التأمين .. النوع الأول هو ( تأمين ضد الغير ) وده تكلفته 250 ريال .. مميزاته .. إن سيارتك لو أتخبطت لا قدر الله .. و انت مش غلطان .. التأمين بتاع السيارة اللى خبطتك بيصلح سيارتك على حسابه ..مهما كانت تكلفتها .. ولو انت اللى غلطان . التأمين بتاعك بيصلح السيارة اللى أنت خبطتها .. و أنت ببتكلف بتصليح سيارتك .. و طبعا اللى بيحدد مين الغلطان .. المرور .. و بيتعمل محضر هناك . و أنت بتاخد المحضر و تروح الـتأمين اللى خبطك .. و مالكش دعوة خالص باللى خابطك أصلا و هما اللى يصلحهالك .. يعنى لما يحصل حادث .. لازم ييجي المرور .. و يعاين الحادث .. عشان ياخد القرار .. من اللى غلطان ... أما التأمين اللى من النوع الثانى .. تأمين شامل .. وده تكلفته 1500 ريال .. مميزاته .. لو أنت اللى غلطان .. تأمينك بيصلح للسيارة اللى خبطها و بيصلح سيارتك كمان .,. و لو ماكنتش غلطان .. تأمين السيارة اللى خبطتك بتصلحلك .. يعنى مش هتتكلف ريال فى الحالتين ..
طبعا كل السيارات الزيرو بتكون تأمين شامل .. لحد 3 سنين و بعدين لو حبيت تغير براحتك ...
تحيا مصر
انا بس حبيت أوضح لما بقولكو .. سعر السيارة بتأمنها الشامل و ترخصها فى المرور
تحياتى

رد: سيراتو ولا سول ( أشترى أيه )؟؟؟؟؟

نفس النظام المعمول به في الامارات ايضا
فعلا الواحد يشوف هناك الناس عربياتها تتخبط و ينزلوا يطمنوا علي بعض و بعدين يتصلوا بالشرطه
و لا خناق و زعيق ولا كلمه بينهم

رد: سيراتو ولا سول ( أشترى أيه )؟؟؟؟؟

اقتباس:

المشاركة الأصلية كتبت بواسطة hazem_khidr (المشاركة 253731)

انا اشتريت السول يا جماعة . و عاملة معايا لحد دلوقت 2000 كم .. بصراحة .. بسم الله ما شاء الله .. سيارة رائعة بجد .. ناعمة جدا .. ثابتة جدا على السرعات العالية . مريحة جدا فى قيادتها .. عفشتها مش ناشفة ولا حاجة زى ما الناس متوقعة .. صوت المحرك هادىء جدا حتى على السرعات العالية .. تحسها نشيطة .. كمان واسعة من جوه .. بصراحةة اللى هيشتريها هيكسبها .. خصوصا كمان انها عالية عن الأرض ودى هتساعد عشان المطبات فى مصر ..