|
رد: سؤال لكل ملاك النيسان صنى ضرورىىىى
ميرسي ياباشا على محاولة الإفادة أنا إفتكرت عربيتك أوتوماتك لما إتكلمت عن الأوفر درايف
كمان ياباشا أنا مش كان قصدي إني ماينفعش أسوق العربية كتير أنا كان قصدي إني ماينفعش أسوق كتير وأنا مشغل الأوفر درايف ياعني أستخدمه بس لما أكون محتاجه ياعني بشد مع واحد باخد غرزة إحتاجت أسحب للحظة أطلع من موقف وبس لاكن ما أسافرش بيه سفرية كاملة لأنو لما كنت على الصحراوي وبعد بالظبط الـ160 الماتور زعق قويييي والتكيف فصل وإشتغل مروحة بس وفي التوكيل قالولي علشان إنتا كنت مشغل الأوفر درايف وبالتالي الماتور كان ماشي 160 على الرابع وكان محتاج ياخد الالخامس وإنتا كدة تعبت الماتور جدا وبصراحة ضميري وجعني بس بردو مافهمتش طيب إزاي هوا حاجة بتوفر بنزين وبردو إزاي ما أمشيش عليه على طول؟ آه ياباشا صحيح إيه الي مش عاجبك في التوكيل صحيح أنا بصراحة شايفهم ناس محترمين بس أنا عملت الصيانة الأولانية عند السبع إنتا روحت عند أنهي واحد؟ طيب ياجماعة الي عندو جواب أو تفاصيل عن الأوفر درايف ياريت ياجاوبني؟ |
رد: سؤال لكل ملاك النيسان صنى ضرورىىىى
ياعم الاوفر درايف ده ملكش علاقة بيه ده بيركب مع الموتور علشان يتحكم فى كمية البنزين اللى بيستهلكها وانت ملكش اى تحكم عليه
ثانيا / متمشيش بسرعات تزيد عن 100 فى الالف الاولانى ومتمشيش بسرعات تزيد عن 120 لحد 5000 لسه ميكانيزم العربية بيتظبط مينفعش 160 والكلام ده الا بعد 6000 كيلو و...ربنا يستر عليك ويحميك من السرعة اما التوكيلات فى مصر عموما مقابلتهم ممتازة لكنهم بياخدو مقابل المعاملة الممتازة دى فلوس بلا اى قيمة يعنى ممكن تجيب اى قطعة غيار من بره ارخص كتير واللى انا اكتشفته ان 70% من قطع غيار اللانسر تركب على النيسان واليابانى بتاعها مش غالى ماعدا تيل الفرامل والكلام ده للأى اكس (المانيوال ) لانى بصراحة لم اجد افضل من التيل الاصلى وبصراحة التيل الاصلى كنت بوصل سرعة 180 كيلو ولكن كان بيمسك العربية فى مكانها لدرجة انى كنت فاكر الفرامل بتاعتها اى بى اس لكن فوجئت انه تيل عادى لكن الانواع التانية بتصفر ومتمسكش العربية |
رد: سؤال لكل ملاك النيسان صنى ضرورىىىى
معلوماتي عن الاوفر درايف انه بيسقط نقله كان عندي في التريوس الاوتوماتيك لما احب اشد مع حد على سرعة بين 80 و 100 اشغل اوفر درايف تلاق العربية سقطت نقله بدل 4 بقت 3 و تلاقي RPM على و العربية اتجننت و جريت جامد بس ما ينفعش يشتغل بعد 120 و لا قبل 80 و العربية القديمة انا كنت مجننها كنت بشغلها مانيوال بمعنى امشي عللا حرف L لحد ما احرقعلى الغيار ثم اديها 2 ثم احرق عللا الغيار و اديها D ثم احرق على الغيار لحد ما تجيب 80 اشغل اوفر درايف لحد 120 و بعدين اطفيه بس كنت بالطبع بهلك العربية بس و الله شديت بيها مع لانسر 1600 اوتوماتيك في فرح الواد بتاع اللانسر كان هييتجنن مني
|
رد: سؤال لكل ملاك النيسان صنى ضرورىىىى
فى النيسان ملكش علاقة بالاوفر درايف خالص لان وظيفته تقليل استهلاك البنزين رغم القدرة الحصانية العالية ولذلك موتور النيسان صوته نسبيا اعلى من غيره فى العربيات الحديثة
|
رد: سؤال لكل ملاك النيسان صنى ضرورىىىى
ازاى مليش علاقة بيه؟
طيب ليه عاملين ليه زرار ON /OFF وامتى اشغله بالضبط؟؟؟ |
رد: سؤال لكل ملاك النيسان صنى ضرورىىىى
على فكرة الأوفر درايف موجود فى المانيوال والأوتوماتيك
وفكرته ببساطة، فى الأحوال العادية بتكون أخر نسبة بين الدخل الى الفيتيس (يعنى سرعة الموتور) والخرج هى 1:1 ولكن عند تشغيل الأوفر درايف تصبح سرعة الخرج أكبر من الدخل يعنى سرعة للسيارة أكبر وهو يعمل على التقلة الثالثة والرابعة بالنسبة للأوتوماتيك أو المانيوال فى حالة 4 نقلات. واللبس فى الموضوع انك عند فصل الأوفر (وليس تشغيلة) درايف بعزم أكبر مثل ما تنزل نقلة ويساعدك على الشد وليس العكس. والأوفر درايف موجود فى السيارات منذ زمن طويل وليس بالشئ الجديد. هناك شئ لم أفهمه من حضرتك لماذا فى سياراتك القديمة تبدأ بالـ L ثم النقلات الأخرى يعنى بتستعمله مانيوال وفى نفس الوقت يمكنك تشبيع الغيارات وانت على الـ D فما فائدة الأتوماتيك اذا؟ ولاتحتاج الى النقل مانيوال. على فكرة سياراتى الحالية اتوماتيك وأول سيارة لى اتوماتيك كانت منذ أكثر من 20 سنة وبينهم سيارات مانيوال طبعا. ومثل ما الأستاذ خالد ذكر، يجب عدم القيادة بسرعات عالية فى أول 5000 أو 6000 كيلومتر |
رد: سؤال لكل ملاك النيسان صنى ضرورىىىى
بردة محدش راضى يقول طريقة استعمال الاوفردرايف
امتى اشغله بالضبط؟ |
| الساعة الآن 11:18 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017