المشاركة الأصلية كتبت بواسطة فادى (المشاركة 251019)

بخصوص السحب أضيف الى استاذ احمد على بص على اسطوانة الدبرياج,
من مظاهر تلف اسطوانة الدبرياج:
- رجة عند الانطلاق بالسيارة خاصة لو كانت ساخنة.
- فقدان العزم فى المرتفعات الطويلة.
- رزعة عند تبديل السرعات و ترك الدبرياج.
بالنسبة لفقدان العزم انا لازم اسيب الدبرياج وادوس بنزين كمان عشان اطلع اي مزلقان (غيار اول طبعا ).... بتاع العفشة بيقول عايزة اسطوانة وديسك ..عايز اعرف ...كل عربية ليها اسطوانة خاصة بيها ولا هي standard وهل في نوع او ماركة معينة تنصح بيها؟ والاسعار؟
كمان بتاع العفشة بيقول انة هايركبها عن طريق انة يفك الفتيس وان الميكانيكي ها يحل المكنة ....اية رايك؟؟؟
الاونو بيتحطلها 92 او 90 بلاش ال80.
انا بحطلها 92 من يوم ما سيادتك رديت ..
طبعا العربية نطقت..

الsingle point injection مختلف عن الكاربيراتير, هو نظام حقن الكترونى لكن برشاش واحد,
حيث تقوم وحدة تحكم مركزية بالتحكم فى نسبة الوقود/الهواء مثل الحقن الاكترونى متعدد النقاط بالضبط, لكن الفرق الوحيد و النقطة السلببية الوحيدة فيه هو أنه لا يضمن توزيع متساوى للوقود على كل الاسطوانات.
الحقن احادى النقطة يخدع الكثيرين و يعتقدون انه كاربيراتير, نظرا لأن شكل ال"عمة" فيه متشابه مع عمة الكاربيراتير, لكنه لا يمت الى الكاربيراتير بصلة.

بخصوص التكييف فيجب العناية بصيانتة,
مبدئيا نضف السربنتينة (فى اى بنزينة) و غير فلتر التكييف (لو كان هناك فلتر) و اذا لم يتحسن الاداء اشحن فريون.