رد: مشكلة كريستالاوية
 

اكشف علي صليبه الدركسيون ممكن تكون عاوزه تتخرط او تجيب واحده استعمال.
لو مش الصليبه يبقي الاسكاترا عاوزه طقم اصلاح
دا حاجه من الاتنين
يا اما
الكاوتش الامامي فيه فرده السلك بتاعها وحش بيخلي الدركسيون يتهز منك اول ما تطلع و لحد 20 او 30.
او
يكون عندك كوبلن داخلي بايظ (معتب) و دا بيعمل رجه من 10 الي 30 و بعدين الرجه تروح و دا يتغير و يبتعرف اي كوبلن بايظ برفع كل فرده علي حده و و تشغيل العربيه و تحريك الفتيس لحد ما يشوف الفرده اللي فيها خشونه من الفردتين الماميتين

رد: مشكلة كريستالاوية
 

انا كان الكوبلن بايظ في العربية قبل كدة و كان بيطلع صوت طقطقة عند الدوران...لكن مكنش بيطلع صوت والعربية ماشية عادي

ده اللي اقدر افيدك بية
ان شاء الله تلاقي الحل

رد: مشكلة كريستالاوية
 

الكوبلن الخارجي في حاله التلف يصدر صوت طقطقه.
اما الكوبلن الداخلي يصدر هزه في السياره

رد: مشكلة كريستالاوية
 

المشكلة دي كانت عندي بس في كيا برايد
الدربكة دي من العفشة انا حليتها بتغير العفشة كاملة علبة دريكسيون مساعدين كبالن مقصات
اما النتشة دي من قواعد المتوروكمان لو العربية سحبها ضعيف يبقي اسطوانة الديبرياج

رد: مشكلة كريستالاوية
 

صباح الخير يا gheana
الشكمان احتمال قوى جدا
قواعد الموتور والجير بوكس ممكن
رباط جيد للعفشه فى مكان ثقة +رباط جيد لقاعدة البدلات +رباط والكشف عن الصلة ما بين التارة و الاسكترا
ثم القيام بالتجربة
امابخصوص التحزيمه ممكن بوجيهات او ممكن زيت الجيربوكس والفلتر الخاص بة لم يتم تغيرةوما سبق ممكن يسبب الرعشة كما ذكرت فى استفسارك
يمكنك ايضا تحديد مكان الاقامة لاصف لك مكان جيد تقوم فية بالاعمال السابقة

رد: مشكلة كريستالاوية
 

شكرا لكل اخوانى اللى أفادونى

حازم باشا خضر شكرا جزيلا على الرد وتفسير حضرتك هو اللى انا متوقعة نسبيا لكن الكوتش الامامى انا لسة مغيرة من شهر فاظن ان ممكن تكون الكابالن فعلا

docamroشكرا جزيلا على الرد

لكن اللى حضرتك بتقول علية فعلا هو الكوبلنالخارجى زى ماقال حازم باشا لكن الاخر مايسمى بالكوبلن الداخلى أو رأس الكوبلن

black list

شكرا جزيلا على الرد
بس انا لسة مغير العفشة كاملة من شهرين تقريبا ماعدا علبة الدركسيون فعلا
بالنسبة لاسطوانة الدبرياج انا العربية عندى اوتوماتيك فمش عارف ماهو اللسبب المقابل فى حالة الاوتوماتيك


الاخ محمد فيصل

جزاك اللة خيرا على الاهتمام والرد وصباح الفل

هو بالنسبة للشكمان فأنا بصراحة مكشفتش عليةفمش عارف اذا كان هو السبب بس بيتهيألى لو هو السبب الخبطة هتفضل موجودة فى الارض المضحضرة والارض العادية لكن عندى فى الارض المستوية الخبطة بتقطع



بالنسبة لقواعد الموتور انا كاشف عليها ومقرط عليها من حوالى ثلاث شهور

وبالنسبة للسكن فأنا ساكن فى شبرا لكن لو تعرف أى حد داخل القاهرة قولى

جزاكم اللة خيرا جميعا

رد: مشكلة كريستالاوية
 

اولا الصوت العالى ده اعتقد كهرباء زياده ... روح لميكانيكر خليه يظبطلك الكهرباء

ولو انجيكشن ممكن يكون حساس TPS فيه مشكله بس اعتقد ان انت كاربراتير .. صح ؟؟؟

ثانيا موضوع الدربكه ده اكيد العفسه محتاجة تربيط او جلب .. وممكن يكون من الشكمان زى ما اخواننا قالوا ...

اما عن موضوع النتشه فده من الفتيس ودى مالهاش اعتقد لان دى مشكله فى الكلتشات بس غير زيت وفلتر الفتيس وجرب ممكن تروح او تخف على الاقل ...

وربنا يوفقك ويباركلك فيها ...