رد: رحلة العذاب و الضنا
 

والله يا حازم انا مش عارف اروح في انهي اتجاه
روحت دورت على لانسر كريستاله و خلاص كنت باحط الفلوس في ايد الراجل و بعدين قلت اما ارفعها ف البنزيه
و كنت اتكلمت مع صاحبها لاقيته راجل محترم جدآ و عرفت انه متابعها من ايام ما كانت زيرو مع جاره
كنت خلاص هاديله الفلوس
و لما رفعتها ف البنزينه عرفت انها متخرشمه من تحت و كمان الكبوت متغير و الشاسيه ملحم
المهم العربيه خرابه
دورت على عربيه في حدود 40 الي 50 الف في كونتاكت
اتكعبلت ف اوبل فيكترا
بصراحه كمالياتها تهبل
و مظهرها آخر قيامه
و عليها ثبات الكل بيتحاكا عنه
و كانت في زمانها امل الشباب كلهم
عارف انه ليها سلبيات انه قطع غيارها غاليه
بس البديل ايه
انا نفسي في عربيه اسوقها على طول و مش كل يوم و التاني صيانه
قالوا العربية دي قطع غيارها غاليه بس بتعييش
انا عملت المستحيل عشان ادبر المبلغ ده كاش
و كمان معايا موافقه من شركة كونتاكت اني اقسط في حدود 1500 جنيه ف الشهرلاربع او خمس سنين
اعمل ايييييييييييييييييييييييه ؟
كان نفسي تكون عربيه اوتوماتك و زيرو عشان انساها ييجي كده خمس سنين
بس الله اعلم الخير فين

رد: رحلة العذاب و الضنا
 

الاوبل فيكترا
المكيف هيقرفك لو انت هتستخدمو
واحد صاحبى معاه 2001
والمكيف مطلع عينو بيروح التوكيل وبردو مفيش اسبوع ويعطل
انا مش برشح الاوبل فى مصر الا اذا كانت خليجى
تقبل تحياتى

رد: رحلة العذاب و الضنا
 

سيدى العزيز انا هديلك شوية نصائح أتمنى تفيدك
أولاً لو هتشتري عربية مستعملة بالتقسيط (وعلى حد كلامك ب1500 في الشهر) يعني لا أعتقد أنه هيتوفر عندك أي مبالغ لتصليح أعطال أو تغيير أي شيء فيها، يعني عايز تركب وتمشي ومتصرفش، يبقى في الحالة دي دور على عربية وانت بتشتريها تكون فاحصها ومفصصها جايب أولها وآخرها ومطمن تماماً ليها وإلا هتندم أشد الندم.
ثانياً مش لازم فيكترا وحجات غالية (بالنسبة لسنة صنعها) وخليك في الي يريحك من جميع النواحي وخاصة الناحية المادية، يعني بثمن فيكترا موديل قديم ممكن تركب فيرنا أو لانوس أو أي حاجة تانية من فئة أقل بس سنة صنعها أحدث، وبالتالي هتتجنب عيوب الزمن والاستهلاك بشكل أكبر، وفي الأول والآخر طول ما هيا شايلة رجلي من على الأرض ومريحاني وفيها إلى أنا عايزه وقافلة بقها ومحترمة تبقى حبيبتى وروح قلبي.
ثالثاً ممكن بقى تديني معلومات عن تقسيط المستعمل بتاع كونتاكت لاني بفكر أعملها بس مقلق منهم؟
يعني الفايدة الي هياخدوها منك كام في السنة والمقدم الي دفعته كام على القسط الي ذكرته ده؟ وهل الاجراءات بتاخد وقت وسخفية ومملة وتطلع الروح؟

وأخيراً تذكر إن العلاقة ما بين الاستعجال في شراء العربية والتدبيس في حاجة مش كويسة علاقة طردية :)

ربنا يوفقك إن شاء الله لما فيه الخير

رد: رحلة العذاب و الضنا
 

السلام عليكم
انا المفروض ممكن ادفع لحد 50 الف نقدآ
لقت اجيب الفيكترا عشان الاوبشنز الي فيها تهبل
و كمان عربيه تحفه
و بصراحه عايز اعمل نقله نوعيه كبيرة تعوضني سنين الحرمان
بصراحه كده و على بلاطة
عايز احس اني عملت حاجه تفرحني و تفرح حبايبي اولادي و مراتي
المهم
بالنسبه للتقسيط من كونتاكت للمستعمل
في مجموعتين تختار منهم
المهم تروح عندهم و تملا ابليكيشن
يعملوا عنك استعلام
و يحددوا لك القسط ممكن لحد كام
و بعدها بتشوف العربيه الي بتعجبك
بس يكون سعرها مع المقدم الي هتدفعه مع القسط في حدود القسط الي همه حددوه لك
و في الموقع عندهم معادلة جاهزة لنوع العربيه الي هتختاره
بس خلي بالك من سنة الصنع و فترة القسط
بتجيبلهم العربيهو صاحبها بيفحصوها بمعرفتهم بس انت بتدفع 250 جنيه فحص
و بعدين بيقوم صاحب العربية مسجلها لصالح شركة كونتكت
و بعدين بيسددوا همه تمن العربية بالكامل للراجل البائع
و بعدين بتسدد انت المقدم و معاه 1.5 في المية مصروفات
و تعمل شيكات بالباقي اقساط

ممكن نرجع لموضوعنا بقى
اجيبها و لا اجيب عربيه نوعها ايه
تكون حديثة في امكانياتها
حاجه تفرح كده
جاوبوني لو سمحتم
انا قلت لو الراجل صلحها تمام و فحصتها عند ميكانيكي محترم
و طمني عليها ميه ميه
هاتوكل و اجيبها و يبقى فيها الخير ان شاء الله
لو ما حصلش يبقى الله اعلم الخير فين
انا قلت بدل ما اجيب قسط و ادفع كل شهر 1500 جنيه
طب ما هيه عمرها ما هتصرفهم و لو حصل هابيعها و لو بخساره بعد كام شهر بهدله لو حكمت
ربنا ينجينا جميعآ
لو تقترحوا عليا نوع تاني اتفضلوا

رد: رحلة العذاب و الضنا
 

رد: رحلة العذاب و الضنا
 

يا حسين مش كل الكريستاله اللي في السوق ملحومه و بايظه
و برضه مش كل الفيكترا كماليتها تهبل
انا من رأيي ان المبلغ اللي معاك يركبك عربيات حلوه و نضيفه بس بلاش استعجال
و خليك في الياباني زي الكريستاله او الكورولا تسعينات افضل ليك
او فيرنا و لانوس موديلات اعلي
و بلاش الالماني علشان حتتبهدل معاه لو العربيه مش مضبوطه.
غير كده لو العربيه زي ما بتقول ملحوم فيها من قايم الباب دا كفيل يخليني مش اتفرجش علي باقي العربيه اساسا

رد: رحلة العذاب و الضنا
 

حازم حبيييييييييبي
اصدقائي و اخواني اعضاء المنتدى
الحمد لله
جبت كريستاله
1998
اوتوماتك
بحاله جيده
زجاج كهربه
2 وحده رفع
الحمد لله حالتها جيده
انا عارف انك متحيز للكريستاله
و بصراحه انا كمان بافضل اللانسر
عشان سهولة الصيانه و قطع الغيار
النهارده لاقيت اعلان لبيعها ع النت
كلمت صاحبها
حددنا ميعاد النهارده
قابلته على صلاة العصر
صلينا الأول
خرجنا نجربها و نفحصها
رجعنا على اذان المغرب
كتبنا عقدها و المغرب بيدن
و روحت بيها و الحمد لله

انت عارف
لما عيالي عرفوا اتجننوا م الفرحه
بنتي الكبيره عيطت م الفرحه
عشان احنا كان عندنا لانسر 2008 رياضيه زيرو
و لما بعتها كلهم اتاثروا
كان نفسهم نخرج بيها ف العيد
انا كنت فاهم كده
عشان كده كنت مستعجل
انا فاهم انه انتم كلكم كلامكم صح عن الأستعجال
بس انا فوضت امري لله
و فحصتها و استخرت
و اشتريتها من راجل محترم جدآ
و ربنا يكملها بالستر

عايز حبة نصايح حلوه من بتاعتكم

الحمد لله
انا احبكم ف الله
سلام