مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

- - صوت اسبور (https://www.masrmotors.com/vb/showthread.php?t=34126)

رد: صوت اسبور

أهو انا العلبة إلى شوفتها إلى كانت استيراد نفس الشكل كـدة وكـانت بـ 500 جنية

العلبة نوعها TWIN LOOP CHAMBER MUFFLER

بس جامدة اوووى

http://www.mufflermall.com/images/twinloop.JPG

الفيديو بتاعها اهـى

http://www.youtube.com/watch?v=lj_vR5A82g0

هـى استيراد بـ 500 و هـى على النت موجودة بـ 105 دولار ,, لو حسبتها فى 6 هتعمل 630 جنية ,, الفرق مش كتير تفتكر لو الواحد حب يشتيرها من على النت مثلا ً هتوصل ولا كان الله يحب المحسنين وضاعت فلوسك يصابر :>

رد: صوت اسبور

اقتباس:

المشاركة الأصلية كتبت بواسطة bibo_dew (المشاركة 250494)

أهو انا العلبة إلى شوفتها إلى كانت استيراد نفس الشكل كـدة وكـانت بـ 500 جنية

العلبة نوعها TWIN LOOP CHAMBER MUFFLER

العلبة جامدة طحن, دى عايزة موضوع لوحده:)

بس ده عامل نظام شكمان كامل فى العربية, ومغير الهيدرز وعازلها, ومغير المواسير بقطر أوسع, ومغير علبة البيئة والريزوناتور, يعنى عامل شكمان كامل والعلبة كملته لا أكثر.

يعنى علبة شكمان زى دى على لانوس ولا فيرنا مش هتطلع نفس الصوت, بس الصراحة صوتها رهيب.

أنا اللى كان عينى عليها من فترة هى ال cherry bomb glass pack سعرها من على النت فى حدود 30 الى 25 دولار يعنى بحوالى 200 جنيه بالشحن.

http://www.cherrybombmufflers.net/im...-glasspack.JPG

صوتها

http://www.youtube.com/watch?v=ABNmF...eature=related

العلبة دى عجبانى جدا, وخاصة انها سترايت straight فهى بصراحة لقطة بالنسبة لسعرها وصوتها وأنها أمريكى.

رد: صوت اسبور

اقتباس:

المشاركة الأصلية كتبت بواسطة Injection (المشاركة 250813)

أنا اللى كان عينى عليها من فترة هى ال cherry bomb glass pack سعرها من على النت فى حدود 30 الى 25 دولار يعنى بحوالى 200 جنيه بالشحن.

العلبة دى عجبانى جدا, وخاصة انها سترايت straight فهى بصراحة لقطة بالنسبة لسعرها وصوتها وأنها أمريكى.

اها العلبة دى جميلة بردة بس انا عجبانى العلبة إلى فاتت اكتر لان تحس من صوتها قريبة لصوت الريس ,, انا بعشق صوت الريس انا نفسى اجيبة عشان صوته بس لاما بيقرص عليه كدة ,, فالعلبة دى صوتها قريب من صوت الريس ,,

,, بالنسبة للعلبة لو جبتها مثلا ً وركبتها على التمبرا بتاعتى ,, مش هتطلع صوت شكلها كدة

رد: صوت اسبور

اقتباس:

المشاركة الأصلية كتبت بواسطة bibo_dew (المشاركة 250942)

اها العلبة دى جميلة بردة بس انا عجبانى العلبة إلى فاتت اكتر لان تحس من صوتها قريبة لصوت الريس ,, انا بعشق صوت الريس انا نفسى اجيبة عشان صوته بس لاما بيقرص عليه كدة ,, فالعلبة دى صوتها قريب من صوت الريس ,,

,, بالنسبة للعلبة لو جبتها مثلا ً وركبتها على التمبرا بتاعتى ,, مش هتطلع صوت شكلها كدة

وأنا بموت برضه فى صوت الريس وعربيات الفورميلا وان:), وخاصة ال WHINE أو الأنين بتاع الموتور, صوت ملائكى.

بس للأسف الشكمان بالذات من الحاجات اللى بتتأثر جدا بالموتور, لأن صوت الديفل بيعتمد مبدأيا على الهواء الخارج من الموتور, يعنى سعة الموتور وعدد سلندراته, وعلى حجم أنابيب الشكمان والهيدر, وهل الشكمان سترايت ولا فيه علب وهل فيه تربو و و و, يعنى العلبة ممكن تبقى على عربية صوتها عامل زى صوت موتوسيكل صينى وعلى عربية تانية تخلى صوتها مرعب, ملاحظتش أن مهما العلب اللى بتتركب على السيات وال 127 أحجامها وأشكالها أتغيرت, صوت العربية لسه وحش برضه:).

بس أنا بتكلم نظريا, وأنا متفائل خير فى العلبة دى, وأكيد صوتها هيكون حلو مع أى عربية أثناء الكبس وكده.

وربنا يوفقك للأختيار السليم, وأعذرنى على اتأخير فى الرد