رد: مشكلة عداد الحرارة فيات برافا 2001
 

السلام عليكم ورحمته وبركاتة
العيب ده موجود فى السيارة الماريا والبرافا 1.3 والحل يسيط جدا هو لحام جميع الوصلات الخاصة بالارضى من البطارية وضفيرة لوحة العدادات وذلك يحل المشكلة
اذا بقيت المشكلة موجودة يلزم تغير لوحة العدادات كاملة تركيب اللوحة من الخلف ديجتل
يمكن أكون زعلتك ولكن هو ده الواقع
وشكرا
محمود أبو زيد خبير سيارات

رد: مشكلة عداد الحرارة فيات برافا 2001
 

انا مزعلتش ولا حاجه وشكرا لردك ا/ محمود
بس هوه اكيد ده سبب العيب ؟؟
يعنى اروح لكهربائى يلحم كل وصلات الارضى ؟؟
ولو مرحش العيب اغير لوحة العدادات منين ؟
ولوحة من الخلف ديجيتال ديه مش فاهمها ممكن تشرحهالى اكثر اذا امكن ؟
اسف على ازعاجك

رد: مشكلة عداد الحرارة فيات برافا 2001
 

روح للكهربائى لتغيير الترموستات الحرارة لان هذه الترموستات تتلف من وقت للاخر زى ترموستات سخان الميه

رد: مشكلة عداد الحرارة فيات برافا 2001
 

السلام عليكم
شوف ياسيدى انا عندى برافا منذ 2001 نفس الموديل الموضوع ده عبارة عن مشكلة عداد ولا علاقة له بالسلك الارضى او الترموستات ولا الكلام ده كلة
العربية زى الفل وهاتلاقيها مبتسخنش ولا حاجة ورائعه سواء بالتكييف او لا ولكن دة عيب عداد
وبالتالى امامك حل من اثنين
الاول انك تتعايش مع هذا الوضع وتقوم بمراعاة بعض الحركات اللى لها علاقة بتابلوة العدادات يقوم مؤشر الحرارة يرجع الى مكانة الطبيعى قبل النصف بشرطة:
1- فى بداية اليوم قم بالسماح بتسخين السيارة قليلا قبل البدء بالحركة وياحبذا لو استنيت لما مؤشر الحرارة يصل الى النصف وغالبا باقى اليوم لن يرتفع منك.
2- فى حالة ارتفاع المؤشر اضغط على زر تصفير كيلومتر الرحلات ضغطة بسيطة وهتلاقية ينزل لك المؤشر.
3- حاول تتجنب المطبات لان لها تاثير قوى على هذا العيب - يعنى بعد المطب الجامد هتلاقى المؤشر طار فى العالى
4- ساعات لما تنقر بصوابعك على العداد امام المؤشر يعود مرة اخرى لمكانة مع مراعاه عدم الخبط على التابلوة بقوة لان دة هيعالج المشكلة فى اللحظة ولكن مع الوقت لن يجدى نفعا.

الحل الثانى انك تروح لحد بتاع عدادت يحاول يصلحها لك وفى الغالب هيقولك نشترى عدادات تابلوة استيراد ودة موضوع انا ماحبوش
وابقى بلغنى اخر التطورات وناوى على اية

رد: مشكلة عداد الحرارة فيات برافا 2001
 

بص انت كلامك فعلا مظبوط انا رحت لميكانيكى امبارح فالقومية العربية
علشان كان عندة مشكلة ان العربية بتبرجل اوقات لمل بكبس بنزين وقلتلة على عيب العداد
قاللى ديه فعلا مشكلة بالعداد نفسة وهوه ممكن يصلحه بس انا معمللتش عنده حاجه لان بصراحة مستريحتلوش لانه قاللى مشكلة البرجله ده idl الموتور وانا كنت عارف ده وكنت محتاج بس افكه يتنظف ويركب تانى بس هوه صمم انه لازم يتغير وكان بيقنعنى اخد واحد استيراد من عنده فحسيت انه بيستغل الامور ف انشاء الله هروح مركز الصيانه اللى ذطرته ففيصل واشوف المشكلتين وارد عليك

رد: مشكلة عداد الحرارة فيات برافا 2001
 

على فكرة انا عندى بوادر مشكلة idle ,المركز اللى فى فيصل بيقولى اشترى واحد جديد وده حوالى 700 جنية
هل سبق ان حليت المشكلة عن طريق التنظيف
ياريت تقولى النتائج

رد: مشكلة عداد الحرارة فيات برافا 2001
 

فوه فعلا جديد حوالى 700 بس الميكانيكى اللى رحتله قاللى استيراد يعمل فى حدود 300 بالتركيب
هشوف كده لو اتحلت بالتنظيف هقوللك ولو متحلتش انا اكيد هغيره لانه مشقلب حال العربية خالص