المشاركة الأصلية كتبت بواسطة spear7 (المشاركة 244079)

لا من ناحية فلوانس بلاش دلوقتي اللوجان يعتبر اتهضمت شوية و اتعرف لها انما فلوانس استنى حبتين خصوصا اني سمعت انها كمبيوتر زي الميجان بس مش عارف الكمبيوتر نفس الميجان و لا حاجة نضيفة زي الاوكتافيا المهم لو عاوز حاجة بين 110 ل 120 يبقى سيراتو او لانسر ايفولوشن 1500 اللي هي القرش و دول شكل و قوة يعني عربية عربية و موتور حديد و عفشة حلوة للانسر ناشفة في السيراتو حبتين بس قطع الغيار غالية حبتين بس مش زي رينو يعني و ممكن النترا قطع الغيار اللي ممكن تلاقيها على الرصيف بس ورق و على العموم دور و شوف و ابحث العربية مش بنشتري النهاردة نغير بكرة و على فكرة سيبك من موضوع الاقتناع انتا بتروح المعرض ممكن تغير رأيك في ثانية زمن هههههههههه وربنا معاك و معايا و يهدينا كلنا للأصلح

المشاركة الأصلية كتبت بواسطة POP EL GAMED (المشاركة 244238)

سؤال مهم بس لحضرتك هو انت مالك للميجان عشان تقول كمبيوتر نضيف او مش نضيف
مشاكل الميجان يا سيدى الفاضل مش فى الحساسات(او الكمبيوتر ب لغتك) انما كانت فى الكويلات ودى اتعدلت من اخر 2006 عشان كده مفيش حد بيشتكى من الكويلات فى الموديلات اللى بعد كده وكان فيه بعض المشاكل فى سوفتوير الفتيس الستيبترونيك ودى كانت بتتحل بتغيير السوفت وير المشكله كانت نتشه فى الفتيس وعند بعض الناس التانيين دبه فى النقله
واخر سؤال مهم جدا انت ركبت فلوانس وسوفتها مسافه تخليك تقول الكلام ده
انا سوقت الفلوانس وجربتها كذا مره والستيبترونيك وسوقتها على المودين اوتوماتيك وستيب وفى الحالتين الفتيس كانت متجاوب عن فتيس الميجان 2 ومكانش فيه نتشه فى النقلات رينو دى شركه بتصنع عربيات من القرن ال19 على فكره مش شركه مكملتش 50 سنه فى الصناعه عشان تقارنهم ببعض ياريت قبل ما حضرتك تنصح حد بحاجه تكون جربتها تجربه كامله ووافيه تخيلك تقدر تحكم عليها وخد بالك انى حتى مرضيتش اقول الكلام ده لصاحب السؤال وكنت منتظر انه يقولى ايه المشاكل اللى قابلها فى الميجان الاول عشان افهم هو ايه اللى كان مضايقه منها وربنا يهديك ويهدينا للاصلح