رد: من فضلكم عايز الافاده ضرورى لانوس شيفورليه ولا فيرنا
 

ايه يا ايمن باشا فينك من زمان وبعدين ليه مجتش معانه الناس سئلو عليك
اما انا برشحلك الفيرنا عربيه حلوه وربنا يقدم الى فى الخير

رد: من فضلكم عايز الافاده ضرورى لانوس شيفورليه ولا فيرنا
 

معلش ياجماعة بس أنا لازم أقولكم إن أنا وأخويا معانا لانوس وفيرنا
وبجد اللانوس أحسن من الفيرنا في حاجات كتير قوي
منها مثلا الثبات على الطريق اللانوس احسن من الفيرنا لأن الفيرنا بتعوم بعد
المية خمسة وتلاتين اما اللانوس لأ
كمان القدرة على السيطرة على السيارة في الملفات
بجد بجد الفيرنا كانت حتتقلب في لحظة في ملف عادي قوي لولا ستر ربنا
في حين اللانوس عدت منو عادي قوي

واخيرا ارشحلك اللانوس احسن من الفيرنا بكتيييييييييير4BY4

رد: من فضلكم عايز الافاده ضرورى لانوس شيفورليه ولا فيرنا
 

من وجهة نظرى الفيرنا افضل بمراحل ، توكيل افضل بكتير من شيفروليه ، لو حتجيب ال full option يبقى طبعا و من غير كلام الفيرنا افضل ( فيها مفتاح ريموت و انذار ) مش موجودين فى الانوس ، ده طبعا قوة الموتور اللى الاخوة الاعضاء اتكلموا عليها
ده غير ان الانوس سعرها مبالغ فيه بطريقة مستفزة : الفاضية ب 64 الف ، الكاملة ب 68 الف .
انما الفيرنا الفاضية ب 63 الف و الكاملة ب 67 الف .
موضوع الثبات فى العربيتين واحد ( وعن تجربة طويلة جدا للعربيتين ) : الانوس بعد ال 140 زى الفيرنا بالظبط صدقنى ، و بعدين ده مش عيب ولا حاجة وحشة ، لان انت بتجيب عربية فى حدود الفئة السعرية دى مش مطلوب منها انها تبقى بثبات ال bmw ام نصف مليون .
يعنى هى بتديلك قيمة مقابل السعر ، مش مطلوب منها اكتر من كده . و بعدين السرعة اللى فوق 130 يا جماعة مابقتش مطلوبة فى ظل حالة الطرق اللى مايعلم بيها الا ربنا ( كل 10 متر تلاقى مطب او نقرة ) ، و كمان الزحمة اللى بقت حتى على الطرق السريعة .
لو عايز حاجة ثباتها عالى و بتاعة مناورات يبقى ال m11

رد: من فضلكم عايز الافاده ضرورى لانوس شيفورليه ولا فيرنا
 

أرشحلك الفيرنا، بدون الدخول في تفاصيل؛ لأن الاثنين قريبين من بعض، بمعنى إنهم في نفس الفئة السعرية يعني هتلاقي في دي عيب مش في الثانية والعكس، وفي دي ميزة مش في الثانية والعكس، لكن المحصلة واحدة؛ لكن الفيرنا توكيلها أفضل قليلا وموتورها أقوى، وعموما الاثنين قريبين جدا من بعض، اعمل استخارة وروح جرب الاثنين واتفرج عليهم، وإلا قلبك يطمن ليها خدها ومش هتندم إن شاء الله.