|
رد: انا قربت اتجنن
ولاتتجننى ولا حاجه .....المفروض الاسئله دى تكون فى قسم الاسبرانزا.....دا قسم الجاك محدش فيه جرب العربيات دى ......واللهم انى صايم...
|
رد: انا قربت اتجنن
ام فعلا يا د كتور كمال عندك حق تخيل فاتت عليا دي معلش اظاهر اني مش في نفس مستوي زكائك وشكرا للاضافه فعلا علي اساس العربيه لسه مش وصلت عندكم وبعدين كلنا الحمدلله صايمين انا مش فاهمه ايه المقصود بالكلمه الصراحه عموما ميرسي الرد الجينتل موت ده
|
رد: انا قربت اتجنن
انا باقول اللهم انى صايم ....مش قصدى تريقه والله...لاكن مش عايز اقول انطباعى على الm11 و التيجو يمكن نفسك فى واحده منهم ومش عايزك تزعلى من رايى.....لاكن لو عايزه رايى ومن منتدى الاسبرانزا لانى درست العربيتين دول قبل ماأشترى الجاك.....اولا الm11 فيها عيوب فى حساس البنزين وابو الفتوح مش لاقى حل للموضوع ده وناس كتير شارياها وعامله تجمع فى قسم الاسبرانزا ورافعين قضيه....ثانيا التيجو فيها عيوب فى العفشه ....كل شويه عايزه تربيط....فيها عيوب تقفيل فى الببان....لازم ترزع الباب مره وتنين عشان يقفل....العربيه تقيله على الماتور....خصوصاا ال1600....عموماا ده مش رأيى انا بس دى اراء فى المنتدى من اللى ركبوها .....ومع ذللك انا شايف العربيتين منتشرين وناس كتير راكباهم.....وربنا يباركللك فى اى حاجه تختاريها.....ورمضان كريم علينا جميعاا
|
رد: انا قربت اتجنن
د.كمال, أحيى حضرتك على ردك الهادى والمتزن والمفيد, بس المشاركة الأولانية فى أعضاء أفتكروها تلميح , بس المهم النية, ومشاركة حضرتك التانية مفيدة جدا بجد.
nottygamal الأستاذ كمال كان بيقول رأيه فقط, وفعلا السؤال ده مكانه قسم الأسبيرانزا, ورغم أنى أعيب عليه جملة "اللهم أنى صائم" علشان بتتفهم غلط, لكن حضرته كان بيساعد مفيش أكثر, وألتمس لأخيك سبعين عذرا. على العموم التيجو عربية صغيرة معمولة للoff roading مش للقيادة الدائمة داخل المدينة, فعزمها عالى لكن ثباتها على السرعات العالية قليل ومش فخمة زى الm11 وبصراحة أنا بميل أليها لشكلها وقدراتها. ال m11 عربية فخمة جدا وماليانة كماليات, وتضاهى النوبيرا وباقى رموز الفخامة والثبات, شكلها رائع, ثابتة على السرعات العالية, ومعمولة للقيادة فى المدينة وبتفكرنى بالسيفيك. عيوب الأثنين واحدة وهى أنهم صينى تقفيل مصرى, يعنى العربية مالهاش أمان, والجاك على حسب أعتقادى صينى أستيراد, فمبالك بعربية صينى بتتجمع التجميع الزبالة المصرى, طبعا بالأضافة الى كلام أستاذ كمال, وغير كده أى عربية بفخامة أو مميزات الm11 بضعف سعرها على الأقل, فالباقى راح فين, جودة قطع غيار قليلة وبتبوظ بسرعة وعيوب تصنيع ينطبق عليها وصف البطيخة ياحمرا ياقرعة:). والمنتدى معمول علشان نفيد ونستفيد, ولازم يكون فيه أختلاف فى الرأى ووجهات النظر, وعموما أنا بنصح حضرتك بالنظر لقسم أسبيرانزا وقسم المقارنات للأفادة, وقرار شراء عربية قرار كبير ومحتاج دراسة, فالصبر واجب. |
رد: انا قربت اتجنن
لا حول ولا قوة الا بالله
اخى العزيز فعلا الأم 11 كانت اول دفعة بها عيوب ولكن الحمد لله العربيه زى الفل وفى اثنين اعرفهم جابوها والحمد لله كويسه جدا ومفيش شكاوى الان منهم خالص بس بصدق فى بس صوت تزييق من الزجاج الخلفى بسيط لكن العربيه والله كويسه وفى واحد قريب منى جبها برضة والعربيه بدات تنتشر جدا وده اكيد له دليل كويس وربنا شاهد على الكلام الى بقوله اما بالنسبة للجاك انا اتفرجت عليها وهى عربيه حلوه بس معرفشى عنها حاجه وطبعا هى اغلى لانها بتيجى من الصين والله اعلم بوكيلها طبعا ماليكها بيشكروا فيها ويارب فعلا تستمر معهم وتكون كويسه لانها فعلا حلوه وهما هيقولوا رايهم بالأستخدام المهم استخير ربنا وياريت تسال الناس الى معهم الأم 11 عنها وربنا يرزقك بالخير ان شاء الله |
رد: انا قربت اتجنن
ميرسي اوي علي ارائهم ومعلش يا د كمال لو فهمت كلامك غلط عموما انا معرفش انطباعات الناس ايه بجد فيه شويه يقولوا حلو وفيه تانين يقولوا وحش بس انا بجد مبهوره بالجاك حاسه ان مفهاش غلطه وفي فرق سعر بينها وبين ال الام 11 وتقريبا نفس الكماليات كل الموضوع انا مش عايزه اشتري عربيه وادبس فيها واتبهدل وياريت تقولي رائيك في عربيتك ادام انت جبت جاك بي كلاس وشكرا علي كل ارائكم وميرسي اوي
|
رد: انا قربت اتجنن
بصراحة مشفتش حد قال على الجاك وحشة!!
الاختيار اختيارك اكيد ومسألة انك تدبس فعربية دى واردة بنسب مختلفة فكل العربيات زى الناس الى ادبست فالافيو وواحد ادبس فالنيو اكسنت وجابت موتور بعد الالف الاولى وهكذا الخ يعنى كل العربيات بيبقى فيها عامل بشرى فمعرضة انها يكون فيها عيب او شئ لكن الحمد الله الجاك معايا زى الفل ومبسوط منها بشكل مش طبيعى ولو رجع بيا الزمن هجيبها تانى حتى بعد ما زهوة العربية وانبساطها راااح |
| الساعة الآن 08:52 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017