مصر موتورز مجتمع السيارات

اقتباس:

المشاركة الأصلية كتبت بواسطة Horsepower (المشاركة 226888)

السلام عليكم ورحمة الله وبركاته,
كنت عايز أشارك حضراتكم موضوع إن شاء الله يكون خير للجميع,,,
الموضوع هو مصحف السيارة,,,
الحمد لله كلنا عندنا مصحف في عربياتنا ,,,
إللي جاله هدية من صديق أو قريب لما إشترى عربيته ,,, و إللي إشتراه بنفسه ,,, وحاطينه في العربية ,,, بس لي سؤال ,,, ليه إحنا حاطين الصحف في العربية؟؟؟
علشان يحمينا؟؟؟ وهو المصحف بيحمي لوحده؟؟؟
آخر مرة مسكت المصحف إللي في عربيتك وقرأت فيه كان إمتى؟؟؟
طيب رأيك إيه في إن المصحف يفضل مسجون في عربية وورقه ينشف من حر الشمس ولا صاحب العربية بيقرأ فيه ولا سابه لحد يقرأ فيه؟؟؟

فاكرين الحديث الشريف ده:
روى ابن أبي خيثمة { أن النبي صلى الله عليه وسلم أوصى بالهر ، وقال : إن امرأة عذبت في هرة ربطتها } وفي الصحيحين { دخلت امرأة النار في هرة حبستها فلم تطعمها ولم تدعها تأكل من خشاش الأرض }
ده عن هرة (قطة) ,,, أمال عقاب حبس المصحف الشريف في العربية دون قراءة هايكون إيه؟؟؟
المصحف من مخلوقات الله وغذائة بالقراءة فيه,,, و علشان تاخد ثواب منه بمشيئة الله عز وجل لازم تقرأ فيه الأول ,,, وتدعي ربنا يحفظك إنت ومن معك في العربية بحفاظك على القراءة فيه وفي العربية.

كل الهدف من الموضوع ده إن شاء الله إننا نعاهد الله و أنفسنا في هذه الأيام المباركة في هذا الشهر الكريم إننا نقرأ في مصحف السيارة قدر المستطاع وكلما وجدنا الفرصة لذلك,,,
والفرص كتير,,,
وقت تسخين العربية الصبح,,,
وإنت مستني حد (مراتك واللا صاحبك واللا قريب ليك) وقاعد في العربية ماواركش حاجة,,,
وإنت سايق ومراتك معاك ,,, ممكن هي تقرأ في المصحف,,,
أولادك كمان,,,
أصحابك و أهلك,,,
وقت ما نكون رايحين نصلي مثلا و نكون على وضوء وننزل بدري شوية عن موعد الصلاة نقرأ في مصحف السيارة.

كل سنة و حضراتكم بألف خير و آسف على الإطالة,
والسلام عليكم ورحمة الله وبركاته,
أحمد سامي

جزاك الله خيرا على التذكرة
و لكن هناك خطأ قد لا يكون مقصود هو أن القران كلام الله و ليس مخلوق من مخلوقات الله
جزاك الله خيرا مرة أخرى