مصر موتورز مجتمع السيارات - صندوق الفيوزات و خريطته لهيونداى

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - صندوق الفيوزات و خريطته لهيونداى - ﻻفيتا (https://www.masrmotors.com/vb/showthread.php?t=31775)

رد: صندوق الفيوزات و خريطته لهيونداى - ﻻفيتا

اقتباس:

المشاركة الأصلية كتبت بواسطة samehlila (المشاركة 225009)

بسم الله
كده هتلاقي فيه علبة فيوزات تانية فرعية تحت التابلوة و غالبا هتلاقيها شمال جنب فيشة الكمبيوتر و عليها غطا كأنها جزء من التابلوة و دي هتلاقي فيها فيوزات للولاعة و نور الصالون و فيوز فرعي للكاسيت و كمان فيوزات العدادات و لو عندك ايرباج هتلاقي له فيوز و كمان لو فيه مرايات كهربا و لو الفتيس اوتوماتيك هتلاقي فيوز للاوفر درايف و كمان فيوز لوحدة التحكم عن بعد و الايموبلايزر و ممكن تلاقيها في داخل علبة التابلوه نفسه

و الفيوز اللي انا شاورت لك عليه غالبا و في معظم العربيات بيكون فيوز الكاسيت و نور الصالون و الولاعه و التلاتة بيكونوا مرتبطين ببعض لو اتحرق بيحصل عطل في التلاته دول اما التاني اللي مكتوب عليه rad2 ده مش فيوز ده كتاوت او كونداكتور او ريلاي الراديو و ده غالبا بيبقي موجود في العربيات اللي فيها اريال كهربا علشان حمل الايريال يبقي عليه مش علي الكاسيت او لو الكاسيت خرجه قوي جدا و الوات بتاعه عالي فبيحتاج تغذية مباشرة من البطارية فبيتعمل ليه الريلاي ده
و اي خدمة

و طالما عندك البلجات دي كلها ابقي علي الفيوز شوية يعني انتا غالبا هتلاقيه 10 او 15 امبير خلليه 20 امبير علشان لو ركبت حاجات كتير في نفس الوقت مش يتحرق بسهوله من الحمل
سلام
م / سامح ليله

السلام عليكم و رحمة الله و بركاته
كل سنة و انتم طيببين و بخير يارب..
بعد نصيحة الاخ سامح جزاه الله خيراً الحمد لله قدرت افتح علبة الفيوزات الى تحت الدريكسيون و لقيت خريطة الفيوزات (طبعا كله كورى لأن العربية اساساً نازلة لكوريا) ترجمت على قد ما قدرت و لقيت فيوز ولاعة السجاير (시가라이타 --- Cigar lighter --- 15A) و لقيته فعلا محروق بدلته بواحد من الفيوزات الاحتياطية و اخيراً الولاعة اشتغلت (اساساً هنستخدمه علشان mp3 player)
الف مليون شكر للاستاذ سامح.... و جزاكم الله خيراً اخوانى.

رد: صندوق الفيوزات و خريطته لهيونداى - ﻻفيتا

بسم الله
الف مبروك علي اصلاح العطل و كل سنه و الناس كلها بخير
و اي خدمة
م / سامح ليله

رد: صندوق الفيوزات و خريطته لهيونداى - ﻻفيتا

ساسو أنا سعيد جدا! لانك قدرت تصلح العطل. أنت فعلا إنسان مثابر. أقولك الحق لو أنا كنت مكانك كنت سبتها زى ما هى أو رحت لميكانيكى بس بجد فرحة الواحد لما بيصلح الحاجة بتبقى مخلياة يتنطط لانه أكتسب خبرة..
ومش هنسى أنى أشكر الأستاذ سامح لانه كان نعم العون. أحلى حاجة حاجة أن يكون فى المنتدى واحد فاهم والحقيقة دى بيسعدنا ويخلينا نحب المنتدى اكتر وأكتريا أستاذ سامح....

سؤأل للأستاذ ساسو.... حضرتك جبت الفيوز منين؟؟ وبكام سعره؟؟ وتركيبة كان أزاى ( باللحام ولا بيتشد ويتحط غيرة زى فيشة الكهرباء؟؟) نرجو الإفادة يا أستاذ ساسو ليعم الفائدة على الكل

لكم منى كل الشكر

رد: صندوق الفيوزات و خريطته لهيونداى - ﻻفيتا

معدكش نيفا يا باشا
هههههههههههههه

رد: صندوق الفيوزات و خريطته لهيونداى - ﻻفيتا

اقتباس:

المشاركة الأصلية كتبت بواسطة tham1010 (المشاركة 228294)

السلام عليكم و رحمة الله و بركاته
بالنسبه للفيوز انا جبته من نفس مكان الفيوزات (دائماً هناك فيوزات احتياطية) عرفت الفيوز المطلوب قيمته كام و بدلته.
بالنسبه لطريقة الشرح بسيطة هتلقيها فى اللينك من Videojug
http://www.videojug.com/film/how-to-...e-a-blown-fuse

و تحياتى للجميع..

رد: صندوق الفيوزات و خريطته لهيونداى - ﻻفيتا

متشكر يا ساسو. كويس أنه يبقى فى العربية فيوزات أحتياطى. وكمان متشكر على الفديو بجد مفيد جداً. ممكن أسألك حضرتك بتحط فى عربيتك الافيتا بنزين 90 ولا 92 ولا 80؟؟؟

رد: صندوق الفيوزات و خريطته لهيونداى - ﻻفيتا

اقتباس:

المشاركة الأصلية كتبت بواسطة sasso_soha (المشاركة 228684)

السلام عليكم ،،،،
استفسار لنفس المشكلة بس في فيرنا 2010 مكان الولاعه وقع فيه دبوس فعمل قفله و مش عايزه تشتغل تاني تبقي فيوز برضه ؟؟؟ و مكانه فين اذا سمحتم ...