رد: FIAT 131 الاسطوره
 

ال 131 عربيه حلوه بس اهم حاجه تكون حالتها نضيفه شاسيه و ابواب و تابلوه و موتور
لو حالتها حلوه حتبقي احسن من الشاهين بمراحل

الله يخليك يا اسلام باشا شكرا لمرورك:)
العفو يا وائل باشا
بص يا سيدي
الشاهين و الدوجان اتصنعوا في مصر من 1991 او 1992 مش فاكر بالضبط
كانوا بينزلوا بموتور ال 131 القديم الكامه واحده السفليه اللي صوته خشن دا و 1600
بعد كده الشاهين من سنه 1996 بقت بموتور 1300 و برضه كامه سفليه(تقنيه قديمه)
و دي كنت تلاقي زرار الانتظار لونه احمر
و الدوجان نزلت بموتور 1600 اللي هو موتور التمبرا و كامه واحده برضه لكن علويه
انتهي انتاج الدوجان سنه 1998 او 1999 متهيالي.
سنه 1997 نزلت الشاهين بموتور تمبرا ايضا لكن 1400 و الدوجان 1600.
بعد كده من سنه 2005 او 2006 نزل من الشاهين 1600 و 1400
و نزل منها كماليات يعني بقت هيا هيا الدوجان
كان الفرق بين الدوجان و الشاهين ان الدوجان كماليات و الشاهين فاضيه
لكن تقفيل الدوجان و خامتها كانت انضف من الشاهين بكتير

العفو يا نيسان انت تؤمر:)

رد: FIAT 131 الاسطوره
 

والله تشكر على المجهود والبحث فى سجلات التاريخ عن الاسطورة 131


ده انا هبقى اعدى اى حد راكبها قدامى احتراما وتقديرا لتاريخها الكبير

رد: FIAT 131 الاسطوره
 

العربيه دي في طفولتي كانت هي عربيه الشباب الاولى ... و كنت اتفرج عليها واقول لما اكبر يبقى عندي 131
ايام جميله
تسلم ايدك يا حازم باشا ... بتجيبلنا جواهر و درر

رد: FIAT 131 الاسطوره
 

هههههه
كدة تبقي فعلان اسطورة
حلو اوي الموضوع
شكرا يا حازم
بس المتور بتعها سمبل خالص

رد: FIAT 131 الاسطوره
 

العفو يا باشا علي ايه
لعلمك الموضوع دا كله عامله من دماغي
حتقول ايه بقي
عشق و شغف بالفيات:)

فعلا يا سامح باشا ايام جميله
ياما كان نفسي من و انا صغير يبقي عندي 132
لانها في العيله كانت عربيه الشباب الاولي فعلا:)
و لحد انهارده لما بشوف عربيه نضيفه تلاقي عيني راحت لها
و لو لقيت منها حاله شاذه مش بعيد ابيع السويفت و اجيبها
هيا عربيه حكايه فعلا
شوف السوبر لحد وقت قريب كانت بتتباع بتمن الشاهين الزيرو !!!!
يعني تجيب عربيه 85 بتمن عربيه موديل 98!!!!!!!!!!
الموتور دا بالنسبه لعصره كان حكايه
1600 96 حصان
2000 112 حصان
2000 انجكشن 122 حصان
2000 ابارث 140 حصان
كان قمه و في اعتقادي من افضل مواتير فيات
و من افضل مواتير العالم علي الاطلاق

رد: FIAT 131 الاسطوره
 

حبيت ارفع الموضوع لزياده عدد الاعضاء:)

رد: FIAT 131 الاسطوره
 

ptmnlo123per154بصراحة صورة 131 تحفة اتمنى ان تبقى موجودة بالحالة دية