مصر موتورز مجتمع السيارات - أيهما أفضل MERCEDES C300أمBMW 320i ولماذا

مصر موتورز مجتمع السيارات (https://www.masrmotors.com/vb/index.php)

- ريفيوهات (https://www.masrmotors.com/vb/forumdisplay.php?f=3)

- - أيهما أفضل MERCEDES C300أمBMW 320i ولماذا (https://www.masrmotors.com/vb/showthread.php?t=31185)

رد: أيهما أفضل MERCEDES C300أمBMW 320i ولماذا

طبعا بعد كلام الاعضاء خصوصا الاساتذه انجكشن و ابو نورا و حورس.
مافيش كلام اقوله
و بالنسبه للمقارنه فالعربيتين زي ما ابو نورا قال ما ينفعش نفضل واحده عن التانيه
كل واحد بيشوف العربيه اللي تناسبه
انا عن نفسي بحب البي ام في لياقتها و انسيابيتها
لكن يوم ما اشتري عيني حتروح علي المرسيدس
و دا مش لعيب في البي ام و لكن لحبي للمرسيدس

رد: أيهما أفضل MERCEDES C300أمBMW 320i ولماذا

اقتباس:

المشاركة الأصلية كتبت بواسطة BmW MeRo (المشاركة 221289)

البى ام 320 لا تقارن ابدا مع المرسيدس c300

لان محرك ال320 اصغر ب100 سى سى من c300

لما تحب تقارن 320 قارنها c200

يعنى 316 تقارن c180

بعديها 320 تقارن بc200

بعديه الجميلة 335 تقارن بc300

بعديها العملاقة M3 تقارن بC36 AMG

طبعا لو قلنا تقدم وفخامة وشبابية والرياضية وقمة التكونولجيا يبقى

البى ام طبعا لكن لو عايز الرزانة والقوة والشكل فخم ومهيب يبقى

C بكل انواعها لكن انا افضل البى ام الفئة التالتة لانها تاريخ ممتد

من اول موديل نزل فيها ف عام 1972 فيعنى عراقة ما بعدها عراقة

لكن الC بدأت من مطلع الثمانينات وبعدين انت عايز المرسيدس

الالمانى ولا المصرى المصرى تفقيل زبالة ومعروف ان حوادث

المرسيدس المصرى منتشرة جدا وصوت الامة عمالة مشاء الله

بقلها تلات سنين بتذم فى التفقيل المصرى ل مرسيدس مصر

عايز الالمانى يبقى دى حاجة تانية برضة فى البى ام ابعد

عن تقفيل البافارية وشوف التقفيل الالمانى وفى كلتا الحالتين

دى هتفرق معاك فى السعر جامد بس هتاخد بقى عربية

تشد معاك ولا تخذلك ولا تجبلك شلل رعاش من اعطله الغربية

وبتوفيييييييييييييق

أول حاجه بشكرك على اهتمامك وردك بس اعتقد من ردك انك عايش برامصر لان معظم الموديلات اللى بتقول عليها مش موجوده في مصر زي 335 وc200معدتش بتنزل بقت 280دلوقتي وكمان c63مش موجوده في مصر برده إلى جانب انى لو عايز استوردها من برا مصر هتبقى موال تاني غير السعر اللى هيتضاعف عندك مثلا اقل فئة في ال3rd series بتبدأ من 33000دولا يعني بعد الجمارك 650000جنيه!!في حين ان ال320i اللى انا بقول عليها والاوبشنز بتاعتها تعتبر فل تقريبا ب360000

أنا حبيت أقارن بين ال320i والc300بالذات لاني مقتنع ان الاولى فيها كل اللى اللى أنا عايزه وامكانياتها وموتورها كفاية بالنسبه فمش مستاهله انى ابص ال330iاللى متفرقش عنها غير في الموتور بس
وقارنتها بالc300مش باي سي تانيه لإنى معجب بفخامه المرسيدس بس الس كلاس العاديه شكلها مش شبابي فقلت جايز البودي كيت الamgيعوض حكايه الشكل ده وبكده يبقى جمعنا بين الحسنيين الفخامه والماركه الكويسه والجوده وفي نفس الوقت الشكل الشبابي اللى يناسب سني ولا انت ايه رأيك؟؟

وميرسي على اهتمامك ياغالي

رد: أيهما أفضل MERCEDES C300أمBMW 320i ولماذا

اقتباس:

المشاركة الأصلية كتبت بواسطة horas3000 (المشاركة 221299)

استاذ فارس
اولا بشكرك علي ثقتك الغالية في و علي رسالتك
بالنسبة بقي لموضوعك

بص يا زعيم
اولا واضح انك عارف ان في فرق كبير بين ال C300 و ال 320 سواء في القوة او الفخامة حتي لانك بتقارن اعلي فئة في ال C باقل فئة في ال 3 و كل ده طبعا في صالح المرسيدس طبعا

من ناحية الحجم فالاتنين يعتبروا صغيرين و ضيقين خصوصا في الكنبة الخلفية فمفيش فرق كبير ما بينهم

بالنسبة لموضوع التميز فيكون في علمك ان ال C منتشرة اكتر من ال 3 و محدش هيركز قوي انها 300 من اول وهله بس بشكل عام العربيتين مميزتين لوحدهم في الشوارع المصرية و ده بسبب سعرهم طبعا

نيجي بقي للمصاريف و الصيانة. طبعا الاتنين قطع غيارهم مش رخيصة و الفرق مش كبير مع الاخذ بعين الاعتبار ان المرسيدس عموما اكتر احتمالا من البي ام خصوصا في ما يتعلق بمشاكل الكهرباء. و طبعا ال C300 تعتبر غول بنزين بالمقارنة مع ال 320 و في ظل الاوضاع الحالية في البلد و الاشاعات عن غلو البنزين ممكن تبقي خيار مش سليم قوي

بالنسبة لاعادة البيع فدي معروفة المرسيدس بتمسك سعرها عن البي ام و بفرق

اما بالنسبة للكماليات و الاكسسوارت فطبعا ال C300 هتتفوق علي ال 320 لانها زي ما وضحت تعتبر فئة اعلي

بالنسبة لشكل ال C فهي مبتفرقش بالنسبة لحجم المحرك لكن بالنسبة للتجهيز يعني ال classic غير ال Avengard غير ال Elegance و طبعا ال AMG kit بتحلي شكلها قوي و بيديه نفس رياضي قوي

من الكلام اللي فات ده النتيجة طبعا في صالح ال C300 في كل حاجة ما عدا الاقتصادية و هي اللي ارشحها لك لو معندكش مشاكل في الموضوع ده. اما كنصيحة ارشحلك و بقوه ال C200 CGI الجديدة مع ال AMG kit فيها كل اللي انت محتاجة و بديل اقتصادي لل C300 و شكلها خرافة و ملفت للنظر

و لمحاسن الصدف كان في واحده ماشية قدامي النهاردة لونها ابيض و سقف بانوراما مش طبيعية قعدت اطاردها عشان امتع نظري بيها و حتي لما صاحبها خذ باله و حاول يجري مني مسيبتوش الا لما غير طريقة

حاجة اخيرة يكون في علمك ان الاتنين ال C و ال 3 هيتغير شكلهم في 2013

حورس باشا اسمحلي اقلك ردك أكثر من رائع وفعلا شامل جدا ونبهنى لحاجات مكنتش واخد بالي منها زي البنزين مع انى زي مقلتلك مبفحتش العربيه مشاوير
وعلى فكره أنا بقارن بين الفئة اللى قبل الأخيره في ال3rd series والفئه الأخيره في الc-classوارجع لأى موقع فيه انواع البي ام عشان تتأكد من كلامي لإن مفيش فئة أعلى من ال320iغير ال330iومبتختلفش عنها غير في الموتور وخشب داكوتا يعني حاجات كماليات شكليه مش أكتر
لكن زي مقلت قبل كده انا بقارنها بالc300رغم فرق السعر(90ألف)عشان البودي كيت الamgمش أكتر يعني لو ماكنتش مرسيدس مصر نزلته السنه ده مكنتش هبص للسي كلاس أساسا
وكويس انك شفتها النهارد لاني فعلا عايز اعرف هي بتختلف في الشكل كتير عن السي كلاس ولافي حاجات بسيطه وكمان موضوع الc200amgده انا اول مره اسمع عنه انا متابع علاطول للسوق وبقرا مجلة عربيتى واخبار اليوم وكونتاكت كارز بس في قايمه اسعار العربيات عمري مشفتc200amg ده خالص ياريت لو عندك معلومات عنها وهل هي مستورد ولاخليجي ولايه نظامها لانها بجد لو موجوده هتبقى خيار جميل جدا وهتبقى مشكله البنزين اتحلت

http://www.contactcars.com/images/Ne.../big/363_1.jpg

رد: أيهما أفضل MERCEDES C300أمBMW 320i ولماذا

اقتباس:

المشاركة الأصلية كتبت بواسطة hazem_khidr (المشاركة 221435)

شكرا على اهتمامك وردك وتشريفك للموضوع
وفعلا انا لاحظت كل اما الواحد بيكبر في السن بيفضل المرسيدس حتى لمجرد اسمها بغض النظر عن الشكل

رد: أيهما أفضل MERCEDES C300أمBMW 320i ولماذا

اقتباس:

المشاركة الأصلية كتبت بواسطة fares515 (المشاركة 221812)

العفو يا زعيم
مبدايا لازم تعذرني لاني بتكلم بمواصفات السوق الكويتي بحكم اني عايش هنا
ال 320 هي اقل فئة في ال 3 هنا دي حتي بتنزل من غير iDrive و ال C300 بقت اعلي فئة بعد ما لغوا ال C350 و من هنا بنيت كلامي
بالنسبة لل C بقي ففي 2010 مرسيدس لغت المواتير ال Kompressor لانها مخالفة لقوانين البيئة الجددية المطبقة في اوروبا فال C200 و ال C 180 كومبرسور مبقاش ليهم وجود و نزل مكانهم ال C200 CGI و ال C250 CGI
و الاتنين بينزلوا بمتور 1800 CC مع تيربو مع فرق قوه حصانية لل C250 طبعا مع شوية كماليات زيادة
و في الكويت الاتنين نازلين بال AMG Kit و الفورقات الشكلية ل 2010 تتمحور في اللمبات ال LED في الاكصدام بدل الفوجات و المرايات الجديدة و تعديل بسيط علي الفوانيس الخلفية و دي صورة ليها

http://www.carsguide.com.au/images/u.../C200_wide.jpg

و دي صورة من غير ال AMG Kit

http://www.autoevolution.com/images/...2010-406_2.jpg

غير كده مفيش تغيرات تذكر

انا بصيت علي كونتاكت لقيت ال C250 موجوده و ال C200 مش موجوده ممكن تبقي تسال و تشوف اذا هتنزل و لا لا و تشوف اذا بينزلوا بال AMG KIT ولا لا لكن اعتقد انك ممكن تطلبها و هما يعملوهالك و طبعا لو مش فارق معاك موضوع الضمان اكيد هتلاقي منها خليجي

و انا تحت امرك في اي استفسار لاني كنت مهتم بال C و مجمع عنها معلومات
و ان شاء الله لو رجلي خدتني ناحية التوكيل هصورها لك كام صورة واضحة

رد: أيهما أفضل MERCEDES C300أمBMW 320i ولماذا

السي 200 في مصر مش بتنزل بالفعل بدايه من موديلات 2010

رد: أيهما أفضل MERCEDES C300أمBMW 320i ولماذا

من حيث الشكل البى ام دبليو من حيث سعر اعدة البيع المرسيدس