|
رد: اوبترا بتقطع ..ما هو السبب؟؟
لأ العربية لا بتسحب للوراء ولا الموتور ما بىيزاودش ... الي بيحصل ان لما ادوس بنزيل صوت الموتور بيعلى ... يعنى بيزود .. انما مفيش سحب ... لازم ادوس دبرياج وبهدوء ارفع رجلى عشان العربيه تبتدى تسحب تانى ..
|
رد: اوبترا بتقطع ..ما هو السبب؟؟
تشخيص مبدئى 98% أسطوانة الدبرياج خلاص راحت عليها, لأن الأسطوانة هى اللى بتوصل الموتور بالجير بوكس, ولما المادة اللى عليها بتتشال بعد فترة, بتبدأ تهرب قوة الموتور ومبتنقلش كل قوة الموتور للجير بوكس, وبالتالى صوت العربية بيعلى ومفيش حاجة بتحصل, وعلى العموم أسطوانة الدبرياج من 100 الى 150 وعيب تغييرها أن المصنعية بتبقى فوق 100 جنيه حسب الميكانيكى.
|
رد: اوبترا بتقطع ..ما هو السبب؟؟
بس كده مش يبقى بدرى أغير اسطوانة الدبرياج؟؟ دى زيرو ومكملتش 4 سنين.. ايه سبب انها اتكلت كده بسرعه .. دنه مشاويرى كلها طريق سريع .. على الأقل 100 كم فى اليوم ... واستخدامى للدبرياج مش عالى ... انا عامل حتى الان 75000 كم فى 3 سنين !
|
رد: اوبترا بتقطع ..ما هو السبب؟؟
بعد البحث والتنقيب مرة تانية النسبة أرتفعت ل 99%, اللى بيحصل معاك ده أسمه clutch slippage ومعناه بدل مالديسك بيتحرك مع الموتور ويحرك الجير بوكس, بيتحرك مع الموتور وبيفوت مع الجير بوكس,والأعراض هى نقص فى العزم و صوت الموتور بيعلى عند المطالع أو عند المشى على الأول والتانى, وبيشتغل عادى لما بتشيل رجلك براحة لأنك كده بتقلل فرص أن الأسطوانة تفوت يعنى بتخلى الأسطوانة تدور براحة علشان زى ماقلت ماتفوتش, ودى هيه الأعراض اللى عندك.وأنا كان عندى مشكلة زى دى فى لانوس وغيرت ديسك ودبرياج عند55 الف.
http://www.performance-cafe.com/images/027141033n1.jpg المادة اللى على الديسك دى حاجة عاملة زى المطاط, ودى هى اللى بتربط الموتور بالجير بوكس, بعدفترة زمنية معينة المادة دى بتتشال, زى تيل الفرامل بالظبط وبيبقى لازم يتغير علشان ميفوتش زى حالة حضرتك.وده شرح للى بيحصل http://static.howstuffworks.com/flash/clutch-fig2.swfhttp://static.howstuffworks.com/flash/clutch-fig2.swf وبما أن حضرتك كده كده هتروح للميكانيكى خليه يكشفلك على زيت الماستر ومنظومة الدبرياج, يمكن أطلع غلطان, بس عموما السبب الرئيسى للأعراض دى هو تلف الديسك. |
رد: اوبترا بتقطع ..ما هو السبب؟؟
ألف شكر على ردودك .. بس بالشكل ده أخاف أروح عند ميكانيكى وأروح التوكيل أفضل ... عندك فكرة أسعار الحاجه دى ايه؟؟ وخدمة التغيير هتكلف كام؟؟
مع الشكر ... |
رد: اوبترا بتقطع ..ما هو السبب؟؟
أنا كنت جايب ديسك وأسطوانة ب 250 جنيه, والميكانيكى خد مصنعية 150 وكان بيقول أنه كارمنى!!!
التوكيل هيبقى على الأقل ضعف السعر ده. وحل الفتيس مش مشكلة كبيرة, ولو الواحد عنده أدواته كان عملها بنفسه. و؟أنا بقول حضرتك تروح لميكانيكى كويس يكشف عليها ويشوف العيب جاى منين بالظبط (هوه ديسك وأسطوانة:)), ويقولك هياخد مصنعية كام, لأن التوكيل أسعاره نار, بس الائمن التوكيل طبعا لأن الميكانيكى هيقعد العربية معاه طول النهار وأحتمال يبيتها. |
رد: اوبترا بتقطع ..ما هو السبب؟؟
الاخ تامر
ممكن تكشف على الاسطوانة بدون فك بطرق كتيرة منها : --دور العربية --شد فرامل اليد --عشق الرابع او الخامس --اطلع بالعربية عادى كأنها هتمشى ====لو بطلت على طول يبقى الاسطوانة سليمة ====لو الموتور اخر فى التبطيل يبقى الاسطوانة ماتت |
| الساعة الآن 03:06 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017