رد: تحالف "خليجي" الأقرب لوكالة ميتسوبيشي
 

مع احترامى العملية مش عملية عربيات يبيعوها فين خدمة مابعد البيع

رد: تحالف "خليجي" الأقرب لوكالة ميتسوبيشي
 

يعني افهم حاجه
هو مصر مافيهوش فلوس ولا عقول لدرجه
اننا بقينا بنجيب خليجين يشغلوا فلوسهم عندنا !!!!!
حاجه غريبه.

رد: تحالف "خليجي" الأقرب لوكالة ميتسوبيشي
 

عيب المصرى انة بيحب المكسب السهل السريع بدون دعاية ولا خدمة حقيقية

رد: تحالف "خليجي" الأقرب لوكالة ميتسوبيشي
 

خدمة ما بعد البيع عندهم مش وحشة خالص يا أحمد باشا ،،،

و فتحوا مراكز صيانة كتير جدا في كل أمحاء الجمهورية

و حسب معلوماتي من كذا صديق إنهم بيهتموا فعلا برضاء العميل

اللي حصلك ده خطأ بشري ،،، هوا خطأ كبير صحيح بس خطأ وارد و أعتقد مفيش توكيل في مصر كان هيعالجه بطريقة أفضل من دي ،،

أنتا عارف أنا مش من عشاق ديهاتسو و لا حتي الياباني ،،، بس الحق يتقال برده

رد: تحالف "خليجي" الأقرب لوكالة ميتسوبيشي
 

انا معاك بس فين قطع الغيار يعنى لما اروح اسئلة على فتيس يقولى مفيش اسئلة على زجاج امامى يقولى مفيش احنا بنركبة بس ب350جنية
ولما اسئلة على فوانيس شابورة يقولى عندى الواحد ب 695 غير تركيبة وغير الضريبة وكمان مش بتاع السريون دة حيعدل فى الاكصدام يبقى دة توكيل اية

رد: تحالف "خليجي" الأقرب لوكالة ميتسوبيشي
 

http://contactcars.com/Images/News/Large/FrgAlrwas.jpg
الرواس الوكيل السابق
أكد فرج الرواس الوكيل السابق لسيارات "ميتسوبيشي" اليابانية في مصر أنه يثق في القضاء المصري العادل ومتأكد من الحصول على كافة مستحقاته وتعويضاته من الشركة اليابانية بعدما أنهت عقد الوكالة التجارية دون سابق إنذار.

وقال الرواس لملحق السيارات التابع لصحيفة "الجمهورية" الأربعاء إن إلغاء الشركة اليابانية عقد الوكالة مع شركة "مصرية" دون سابق إنذا تسبب في خسائر فادحة له ولشركته، رغم استمراره مع "ميتسوبيشي" لأكثر من ثلاثين عاما حقق خلالها نجاحات كبيرة بفضل تألق موديلات العلامة اليابانية وأهمها "لانسر".

وكشف الرواس عن أنه لا يوجد أي تفسير واضح من جانب "ميتسوبيشي" لقيامها بإنهاء عقد الوكالة والتفكير في وكيل جديد، مؤكدا في الوقت ذاته أنه على استعداد للاستمرار العمل مع الشركة اليابانية وتلبية كافة طلباتها من أجل استمرار عقد الوكالة.

وكانت المفاوضات بين الطرفين قد فشلت من أجل استمرار الوكالة لمدة جديدة، لكن قرار الشركة اليابانية تم حسمه بانتهاء العقد رسميا في 20 يوليو الحالي، لكن وزارة التجارة والصناعة لن تسمح بالتعاقد مع وكيل جديد دون حصول الرواس على مستحقاته وتعويضاته التي رفع دعويين قضائيتين أمام القضاء المصري من أجل الحصول عليها.

وقال الرواس إنه تم تقديم 890 حافظة مستندات لمحكمة الأمور المستعجلة في محكمة جنوب القاهرة في عابدين، مشيرا إلى أن عدد العاملين في شركته يصل إلى 1000 مهندس وموظف وعامل، فضلا عن 8 محطات خدمة وفائض كبير من السيارات لم يتم تصريفها بعد.

يذكر أن الصراع اشتد حاليا على خلافة الرواس في وكالة "ميتسوبيشي" في مصر بين عدد من رجال الأعمال المصريين والخليجيين أبرزهم حسام أبوالفتوح وكيل "اسبيرانزا" ، وكذلك شركة "الساير" الكويتية ، و"الحبتور" الإماراتية وعدد كبير من رجال الأعمال الخليجيين.
منقول

رد: تحالف "خليجي" الأقرب لوكالة ميتسوبيشي
 

اظن ان المصريين كوكلاء اخدوا فرصتهم كويس جدا ولم يحققوا اى نجاح غير نجاحات على حساب الجودة وحرمان المستهلك المصرى من الجديد ومحاوله ترويج سيارات فى مصر فى حدود الدنيا والله العظيم السوق المصرى ما هو الا هرج ومرج احنا محصوريين بس فى موديلات معينة ومحدودة لا مش بس كدة احنا ضمن فئة معينة وبنضحك على بعض الهاى لاين ومش عارف اية هى هى نفس العربية وبنزود تمن العربيات ب 40 جنية علشان عتب وكروم مزور بلاستيك وكلام فارغ وحساسات الخ ونفس العربية بنفس الجوهر دى مهازل السوق المصرى تقريبا سياراتة كلها دون المتوسط من حيث الفئة والاداء وسم ما شئت المواطن او المستهلك المصرى عدت علية اجيال ومسكين لسة متخوف حتى عند شراء سيارة زيرو انها تكون معيبة الصنع او مفيش قطع غيار او خدمة وياريت كدة بس برغم المهازل من الانتاج اللى اقل ما يوصف بانة زباله الزباله فى الانتاج المحلى ولسة ناس كتير حاطة ضمن اختيارتها وتسأل وناس تانية تدافع باستماتة شديدة عن سيارات مجهوله الهوية او اكل عليها الزمن ونام وصحى ومات الخ
ربنا يكون فى عونكم فعلا شكرا اسف للاطاله