رد: نيسان تيدا أم ميتسوبيشي لانسر أم كيا سيراتو ؟!!! - حاجة تحير
 

اولاً الف شكر لردك الجميل

و مبدأ ( اشتري ليا و للسوق ) ... دا اللي احنا ماشيين بيه ....

و الله يا باشا ان جت للحق .....

اللانسر مش بطالة .... و النيسان مش بطالة ....

بس حكاية ان النيسان ملهاش سوق دي ... فمش عارف ..... انا ملاحظ ان النيسان سواء صني او تيدا منتشرة في مصر ( خصوصاً الصني ) و يمكن التيدا مش منتشرة بس شفت كتيير راكبينها ...

و برده بعض الناس بتشكر في اللانسر : من نحية أمان - قطع غيار - معروفة - مفيش عيب ظاهر لحد دلوقتي

و البعض الآخر بيشكر في التيدا : أمان أعلى - ملقوش عيوب إلا إن الشكل الخارجي مش مقبول قد كدا - معمرة و اوسع من اللانسر ..... الا ان التيدا عائلية اكتر ما هيا شبابية ... يعني اللي يشتريها يحافظ عليها ....

العربيتين احلى من بعض صراحة ... و على العموم الاسئلة الكتيرة متضرش برده ...

و جزاك الله خيراً على ردك المفيد و المتواضع

رد: نيسان تيدا أم ميتسوبيشي لانسر أم كيا سيراتو ؟!!! - حاجة تحير
 

ايوة با باشا النسيان منتشرة بس سوقعا صعب في البيع

رد: نيسان تيدا أم ميتسوبيشي لانسر أم كيا سيراتو ؟!!! - حاجة تحير
 

و الله يا باشا انا احترت جداً في الموضوع دا ....

هوا عموماً العربية لوالدي مش ليا .....

و الوالد بياخد رأينا يعني قبل ما ياخد قراره بنفسه ...

و الصراحة دوخنا على معارض كتييير و جربنا و شفنا .....

و الوالد عاجباه حالياً اللانسر و التيدا .... بس اللانسر زيرو صراحة سعرها عالي جداً , يعني 125 ألف كتير عليها قوي ...... لان مفيش تطوير الا في حاجات بسيطة ......

و التيدا كذلك ......

و احنا بنبص برده لحكاية اعادة البيع احتياطياً يعني ...... و احنا ناس عشريين شوية ( يعني احنا حالياً معانا لادا 2105 روسي موديل 94 ) عربية انتيكا قوي ...... بس زعلانين انها ح تتباع :) لأني صراحة مشفتش عربية في قوتها ( برغم شكلها و قلة امكانياتها ) الا انها عربية اقتصادية جداً و قوية جداً جداً ..... :)

لكن زي ما تقول كدا العصر الجديد بيفرض عليك نظرية التغيير من حين لآخر ....... علشان كدا الوالد عاوز يجيب عربية تكون عشرية برده ..... يعني منزعلش او منندمش عليها بعد كدا ....

و بعد اللف في منتديات كتير برده ... يعني انا لقيت ان معظم الآراء ( بالنسبة لسيارة عائلية ) كلها تتجه الى التيدا .........

الا اننا برده مقررناش .... و لازم نسأل أكتر ...... :)

رد: نيسان تيدا أم ميتسوبيشي لانسر أم كيا سيراتو ؟!!! - حاجة تحير
 

السلام عليكم
انا انصحك بالسيراتو فموتورها اقوى موتور كما ان كماليتها جبارة و واسعة من الداخل و خاماتها ليست سيئة
صلى استخارة و ربنا يوفقك لللخير دائما...

رد: نيسان تيدا أم ميتسوبيشي لانسر أم كيا سيراتو ؟!!! - حاجة تحير
 

من الواضح إن انت بتميل للتيدا
استخير الله و توكل على الله

رد: نيسان تيدا أم ميتسوبيشي لانسر أم كيا سيراتو ؟!!! - حاجة تحير
 

لانسر بومة 1600cc ونيسان تيدا صعب يدخلوا فى مقارنات مع كيا سيراتو وهيونداى إلنترا للأسباب التالية:

1- دى سيارات يابانية ودى كورية وهناك إختلاف فى الخبرات، دا إحنا فى أبسط أمورنا لو هنشترى بطارية مثلا بنفضل اليابانى عن الكورى ولو حتى كانت فردة كاوتش يبقى ما بالنا بعربية.

2- جودة الخامات واضحة جدا فى السيارات اليابانية عن الكورية، إفتح عربية يابانى وأخرى كورى وإنت تعرف الفرق.

3- أنت مش بشترى عربية عشان شكلها وأوبشنها وبس أنا بشترى عربية محترمة تعيش وتدينى راحة فى القيادة وثبات على الطريق وده متوفر فى اليابانى عن الكورى.

4- لا توجد أى (وأكرر أى) شكاوى من مستخدمى لانسر بومة (مثلا حيث أننى مجربها) والكل بيشكر فيها بعكس النيو سيراتو لا يستطيع أحد الحكم عليها الآن لأنها مكملتش حتى 100000 كم ومع ذلك هناك شكاوى منها سواء فى العفشة الناشفة والتعليق الخلفى المكون من قطعة واحدة فقط و غيرها من المشاكل اللى هتظهر بعد كده.

5- الكلام عن الشكل القديم للانسر وكإنه من أيام الستينات والسبعينات كلام غير مقبول، فالسيارة شكلها رياضى وياسلام عليها بالإسبويلر تحفة، يمكن السيراتو شكلها وأوبشنها أفضل ولكن أساسها ليس أفضل وعربية لم تجرب فترة كافية عشان نحكم على نجاحها، المصريين بيجروا ورا الشكل وحجم العربية والغيرة وده إللى خللى العربية منتشرة.

6- إنت ممكن تشترى موبايل صينى فيه كل الإمكانيات من خطين وتليفزيون وراديو وشاشة باللمس ولكن هل معناة إنه أفضل من نوكيا أو سامسونج أو آيفون مع إنهم كإمكانيات أقل من الصينى، ياريت نبص على عمق المواضيع وبلاش نبص على الشكل والإمكانيات فقط فاليابانى يابانى والكورى ليس بجودته فى جميع المجالات.<!-- google_ad_section_end -->

رد: نيسان تيدا أم ميتسوبيشي لانسر أم كيا سيراتو ؟!!! - حاجة تحير
 

أولا: مفيش مجال لذكر السيراتو بجانب اللانسر والتيدا.
ثانيا: أي سلعة إلا بيحدد ثمنها حاجتين أساسيتين (وفي حاجات تانية طبعا):
1- جودتها.
2- انتشارها في السوق وتوفر قطع غيارها.
ولذلك تساوت الللانسر مع التيدا إلى حد ما في السعر؛ لأن اللانسر تتفوق في الانتشار وتوفر قطع الغيار، والتيدا تتفوق في الجودة.
ولذلك فأعتقد أني لو مكانك لاحترت بين الاثنين، لكني أميل أكثر للتيدا بالنسبة للآباء والأمهات، بمعنى أنها عائلية، يعني الخلاصة هي:
لو قلت إن العربية ليك إنت يبقى لانسر.
أما لأبيك يبقى تيدا بلا شك، واستخير بنا سبحانه وتعالى في الأول والآخر، وربنا يوفقك.