|
رد: تجربتى مع الكويت والبلاد العربية
اهم من كل ده انك تشوف كل حاجه بتتعمل في عربيتك
وده اكيد مش جوه اي توكيل |
رد: تجربتى مع الكويت والبلاد العربية
و الله يا اخى ده مركز زبالة و مفيهوش حد بيفهم او عنده ضمير روحتلهم برده من اسبوعين علشان كان عندى مشاكل فى عربيتى الليجانزا من تبطيل و استهلاك بنزين عالى جدا قام البشوات هناك قالولى مبدئيا عايزين نكشف و نفك ضفيرة الكهرباء و طبعا المبلغ المطلوب 700 جنيه و ده ملوش دعوة باصلاح العيب يعنى بعد عمل الضفيرة نبداء ندور على العيب و كع سعادتك انا لقيت كده قولتلوا لاء و متشكرين و قلت الحق يا عم انفد بجلدك لانك لو قعدت كمان شوية هتسيب العربية رهن و خرجت من عندهم على كهربائى كويس و خليته بص على العربية و الضفيرة و قالى العربية كويسة و الضفيرة مش محتاجة شغل و بالنسبة للبنزين فالحمد لله العملية كانت محتاجة تنظيف دورة البنزين و بقى الاستهلاك ممتاز
|
رد: تجربتى مع الكويت والبلاد العربية
ارجو من اعضائنا الكرام توضيح المركز المشكو فى حقة هل هو مركز القاهرة ولا الاسكندرية
لان احنا عارفين ان مركز القاهرة فيه مشاكل فعلا ومش عاملين معاهم عروض اللى عاملين معاهم عروض مواقع تانيه مش احنا لكن عروض مصر موتورز خاصة بمركز الاسكندرية وغير ساريه فى القاهرة لان الادارتين مختلفين تماماً ده العرض الخاص بالاسكندرية خصم خاص من شركه الكويت و البلاد العربيه لأعضاء مصر موتورز فارجو من الاعضاء تحرى الدقة وتحديد اى المراكز المقصودة لان لو ثبت فيه مشاكل او شكاوى من اى عضو من مقدم خدمة عاملين معاه عرض سيتم ايقاف العرض فوراً فى انتظار التوضيح .... |
رد: تجربتى مع الكويت والبلاد العربية
اقتباس:
أنا تجاربى السيئة والمريرة كانت فى القاهرة |
رد: تجربتى مع الكويت والبلاد العربية
اللى احنا بنقصدة يا أبو نورا هو فرع القاهرة اللى فى الدقى
|
رد: تجربتى مع الكويت والبلاد العربية
مع احترامى الشديد لكل من هو له تعليق انا شغال فى فرع الأسكندريه و انا جانى بعض الأعضاء و شافوا مستوى الخدمه الذى قدم لهم و متابعه ما بعد الأصلاح او الصيانه لأن احنا بنقوم بأعمال اصلاح على اعلى مستوى فى انواع كثيره من السيارات سواء كان ملاكى او اتوبيس او نقل اما بالنسبه لفرع القاهره اذا كان حصل سوء تفاهم او طريق الغلط فبردوا يا جماعه احنا تحت امركم فى اى وقت سواء فى القاهره او الأسكندريه و انا فى انظار اى استفسار و نأسف على اى شئ و لكن فعلا يا جماعه عندنا فى الشركه القدره على اكتشاف الأعطال و اصلاحها و العماله مدربه لأننا مركز معتمد يا جماعه و شكرا لحسن متابعتكم اخوكم حامد الصياد
|
| الساعة الآن 10:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017