|
رد: حكاية حضرتك فى توكيل سيارة حضرتك
موضوع جميل طبعا يا باشا بس انا عمرى ما تعاملت مع التوكيلات الحمد لله كله مستعمل ومتهيئلى لو هشترى جديد هجيب خليجى وخلاص لان كل التوكيلات اسوء من بعض زى ما بسمع
|
رد: حكاية حضرتك فى توكيل سيارة حضرتك
مع أحترامى لكل أرائكم و مشاركتكم الغرض من القصة كان المتعة و التسلية لكن توكيل فولكس من أكثر التوكيلات احتراما
و على فكرة فى توكيلالت كتيرة جدة محترمة و أمينة ( بس مش أمينة رزق ) انا هجكى موقف حصل مع عميل بس المرة دى بصفتى مهندس و رشة عميل غير ديسكات امامية و تيل فرامل طبعا و رجع تانى بعد حوالى اسبوع و قالى ( انا غيرت ديسكات و تيل و فى رعشة مع الفرامل ) قلتله ( ممكن اشوف الفاتورة لو سمحت ) قالى ( اتفضل) شوفت الفاتورة و قلتله ( ممكن أجرب مع حضرتك ؟) قالى( أتفضل ) و فعهلا لاقيت رعشة مع دواسة الفرامل قلتله( أحنا أسغين جدا أحنا هنغير الديسكات دى ضمان قطع غيار و كمان حنديك فلوس ) الراجل بصلى على انى مجنون و قالى ( بلاش تريق يا بشمهندس ) قلتله (أنا مش بهزر فى خطأ فى الفاتورة و حضرتك محاسب عليها مرتين حضرتك أطلع فوق للكاشير و خليه يكلمنى فى التليفون لو مش واضح الكلام اللى كتبته على الفاتورة ) كنت ماضى على البند بتاع التيل و كاتب أرجو التصحيح لا يمكن ان تتخيل فرحة العميل لما عربيته اتصلحت و كمان أخد فلوسه و كمان بكون حريص جدا على حق العميل فى الضمان بس العميل اللى بيستهبل سورى يعنى بطلع عينه |
رد: حكاية حضرتك فى توكيل سيارة حضرتك
والله ربنا يبارك لك يا باشمهندس وياريت كل واحد يهتم بحقوق الناس فى شغلة زى حضرتك ما عملت بس يايت تحكيلنا مواقفك مع العملاء الغلسين برضو ptmnlo123per135
|
رد: حكاية حضرتك فى توكيل سيارة حضرتك
لست مدافعا عن التوكيلات و مراكز الخدمة بل أريد فقط تقريب وجهة النظر بين العملاء و مراكز الخدمة فهناك من يتهم بعض مراكز الخدمة بالسرقة و انهم يقوموا بتغيير بعض قطع الغيار السليمة من اجل تحقيق مزيدا من الأرباح لا استطيع إنكار ذلك نهائيا و لكنى اقول انه لايزال الشرفاء الذين يحاولون جاهدين إرضاء العميل لا لمصلحة العميل و لا حتى الوكيل با لإرضاء ضمائرهم
فالكثير من العملاء يطلبون تغيير أجزاء أرى أنها صالحة للأستخدام و بالطبع أرفض و أنصحهم بعدم تغيرها و منهم أيضا من أطلب منه تغيير جزء من الضرورى تغييره و هم يرفضون ظننا منهم أننى أحاول خداعهم و التربح على حسابهم فهل يعقل تغيير ديسكات عجل أمامية بدون تيل فرامل ؟؟؟؟؟ و هل يعق عمل عمرة محرك بدون تغيير بوجيهات؟؟؟؟؟ أنها عدم الثقة التى لا اعرف من أين أتت و من المتسبب فى وجودها أريد النقاش و الإفادة |
رد: حكاية حضرتك فى توكيل سيارة حضرتك
اقتباس:
مفيش ثقة في اي حد المستهلك المصري نفسه مستهلك مظلوم و مهزوم و مضحوك عليه في قرارة نفسه من قبل حتي ما يتعامل مع اي جهة و ده بيفقد مقدم الخدمة رغبته في خدمة العميل اساسا بيكون في وجهة نظره عميل ما يستهالشي غير المعامله دي لانه مهما كان صادق معاه و كان بيخدمه علي قدر استطاعته برده هيفضل متهم انه غشاش و نصاب و حرامي و عايز يكروتني و خلاص ان من احتكاكي ببعض مراكز الخدمة العيب مش دائما في الافراد و بنسبه كبيرة مش في الاداره لأن الادارة نفسها اكيد مش مدية اوامر لموظفينها انصبوا علي الناس و اخدعوهم و مشوهم زعلانين دي تبقي ادارة غبية مش ادارة نصابه و لكن بيبقي عيب ظروف بلد و جو غير مناسب للعمل الاحترافي و غياب نظام عمل بتؤدي إلي ......................... . Something Always Goes Wrong |
رد: حكاية حضرتك فى توكيل سيارة حضرتك
اقتباس:
احيك على موقفك المشرف ياريت كل مهندسين التوكيلات يبقى عندهم ضمير كدة ptmnlo123per112 |
ptmnlo123per1127ممممم
توكيلات ومهندس استقبال وحضرتك وخوشى ptmnlo123per145 اذن انت دسيسة من التوكيلات الاعداء .............. اقبضو عليييييييييييييييييه ptmnlo123per115 على فكره انا كنت مساعد مهندس استقبال فى احد التوكيلات المعروفة جدا زمان الكلام ده كان 97 - 98 بس انا كان شغلى الكمبيوتر اللى بندخل علية الجوبات jobs وباقيت السيستم فوق والتقارير والبرينت سيرفر والشبكة وكده لاكن مكانش ليا فى العربيات خالص وفى الاواخر كده علمونى ازاى املى الفورم بتاع استلام العربية وشوية حاجات كده المهم كنت اكتر من نص اليوم معاهم على الكونتر وشايف كل حاجة بتتعمل من اول استلام العميل لحاد تسليم العربية بالورشة بالمخازن حتى مدير المركز ياما كنت بقعد على مكتبة وانا بعمل حاجة فى جهازة واشوف واسمع اللى بيحصل اللى عايز اقولة ان التوكيلات لا تختلف كثيرا عن اى شركة فى مصر نفس الناس ونفس الطباع وفيه شركات ادارتها صاحية وشركات ادارتها فى التوهان وشركات مش فاضيين الا انهم ياكلو فى بعض ويومهم مشاكل من اولة لاخرة يا مع نفسهم يا مع العملاء ديه الحقيقة والله عن تجربة علشان محدش يفتكر ان التوكيلات بس اللى كده او قطاع العربيات بس لاكن عن التجربة كعميل فانا ليا مغامرات كتير مع التوكيل بتاعى لانه سىء فعلا اداريا وفنيا وكموارد وكل حاجة بصراحة يعنى هما كان كفاية اوى عليهم الادا لاكن ينزلوا عربيات اكتر من كده لاء لو عايزين تفاصيل المغامرات بالتفصيل احكيلكوا بس ده راى عامة فى التوكيل بتاعى كمان جربت اتعامل مع مركز خدمة تبع التوكيل القديم (وليد توفيق) وكان سيء برضو للاسف مع ان الناس فاهمة العربية كويس والضغط على المركز مكانش كبير بس برضو الشغل طلع فيه غلطات كتير تنم عن الاهمال والكسل وقلة الضمير من الصنايعية فالصورة الاجمالية متختلفش كتير لكن وجود مسؤل فى توكيل زى حضرتك فى المنتديات وتفاعلة مع الناس بالشكل ده اكيد هيقرب كتير بين موقف ووجه نظر العميل والتوكيلات عامة وهيفيد الطرفين فى انهم يفهموا اكتر ايه اللى ليهم وايه اللى عليهم لان غالبية عملاء التوكيلات الحاليين اساسا عمرهم ما تعاملوا مع توكيلات ولا يعرف عن التوكيلات اكتر من اللى كان متداول فى السنين اللى فاتت عن ان التوكيل ده سفاح واللى بيتعامل مع التوكيل يا مغفل يا حرامى الصورة ديه اتغيرت وبتتغير والنمازج الوحشة بتخسر فعلا والسوق بيرفضها دلوقتى بشكل تلقائى مهما كان التوكيل مهيمن على السوق والكلام عن التوكيلات يطول بس لازم ادى فرصة للناس كلها تقول رايها وتسلم ايدك على الموضوع المتميز ده |
| الساعة الآن 01:16 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017