رد: سحب الفورد فوكاس 2010
 

اخى الفاضل انا كان معايا فورد فوكس 2007 اسود زيرو فى الكويت

السيارة بالرغم انها كانت استندارد الا كان فيها مميزات لا توجد فى فئتها ( فتيس تبترونيك- 2 ايرباج- فتح الشنطه والتانك تاتش مع سنتر العربيه-فوج لايت خلفى -رفع مستوى الكراسى- كمبيوتر رحلات لقياس معدل استهلاك البنزين ودرجة الحراره الخارجيه والمسافه المتبقيه لنفاذ البينزين والكشف عالاعطال البسيطه ومره قعد يصفر لحد ماجننى وفى الاخر طلع السبب ان باب الشنطه مكنش مقفول كويس- فتح الكابوت يتم بمفتاح السيارة من الامام تحت علامة فورد )

اهم مميزات السيارة:
ا- السيارة وهم بالنسبه لفئتها كشكل واتساع واهم ما فيها هو الثبات غير العادى انا كنت بجيب بيها 170 و 180 كم وانا مش حاسس من كتر البثات مع العلم انا سوقت كرولا وتيدا وصنى و بومه وكرهت البومه بعد ماجربت الفوكس , والصالون الداخلى متسع جدا والشنطه واسعه جدا فى الصالون لكن الهاتشباك انا مش جربته

2- هيكل السيارة قوى جدا وكله صاج حتى الاكصطدامات واقوى من الكرولا بمراحل ونضافة الخامات الداخليه لا توصف

3 - التكييف ممتاز و ذلك فى جو الكويت فما بالك فى جو مصر؟ بس فيه ملاحظه لازم كل مره تفتح انت زرار الكمبروسر مش زى اليابانى تفتح الكمبروسر مره وخلاص لان الورار بتاعها تاتش

4- التحميل :اقصى عدد ركبته كان 3 فى الكنبه الى ورا وواحد جمبى وكان شىء طبيعى طبعا مش زى ماكانت العربيه فاضيه بس طبيعى

5- ملاحظه هامه السيارة تقفيل اسبانى وليس امريكى كما يعتقد البعض ولكنه تقفيل اكتر من ممتاز لسيارة ممتازه


6- قطع الغيار مااقدرش افيدك فيها لانى مش فى مصر بس للامانه الفورد معروفه فى مصر بندرة قطع غيارها فى مصر لان التوكيل اتغير اكتر من مره بس ده يرجع لامكانياتك انت وتقدر تروح التوكيل ولا لاء بس على فكره لو جيبت العربيه انت من نفسك هتروح التوكيل علشان العربيه مش هتهون عليك

خلاصة القول السيارة ممتازه كشكل ومواصفات واداء و قوه وتكييف واتساع داخلى بس هى سيارة غير يابانيه فهتبقى مش بسيطه زى اليابانى بس مش معقده قوى زى الباسات والاوربى والكمبيوترات الى تخوف وبس للامانه لو انت استخدامك هيهين العربيه هى مش هتقول لاء بس هى مش هتتهون عليك ولو امكانياتك الماديه تساعد انك تروح التوكيل وتعمل سيرفس منتظم فتوكل على الله فهى افضل من كل اليابانى فى فئتها بس انا معرفش سمعة الوكيل فى مصر عامله ايه وربنا يوفقك

رد: سحب الفورد فوكاس 2010
 

رد: سحب الفورد فوكاس 2010
 

رد: سحب الفورد فوكاس 2010
 

السلام عليكم كلام جميل
طيب ياجماعه أنا كنت بفكر أشتري سكودا A5 استعمال أيهما افضلهي أم الفورد
وعفوا على المقاطعة

رد: سحب الفورد فوكاس 2010
 

ياجماعة واللة العظيم العربية لا يعلو علية كما اشار الاخ الفاضل ,والاخ عصام من الكويت 4BY4bmkوباقى الناس تحب تفتى لما تحب تسال على قطع الغيار هناك معييار للمقارنة وهو سعر الفانوس الامامى والخلفى والاكصدام والتيل والمرايا والشبكة والفلترمقارنة ب اسعار التيوتوتا والمزدا والهوندا والاوبل والاوكتافيا مثلا
ان عندى 3 عربيات فورد 2 فوكس وواحدة مونديو وطول عمرى مابركبش غير الاوربى من 30سنة حتى الان وجربت كل اليابنى والكورى لايعلى على العربية الاوربى ولكن احتراس من الشيوعى لما يضحك عليك ويقولك المانيا الشرقية مثلا

رد: سحب الفورد فوكاس 2010
 

عربية ركوبة ركبتها في اتوماك مكنتش عايز انزل منها خامات نضيفة وصاج قوي وثبات خرافي وقطع غيار رخيصة بالمقارتة بباقي عربيات فئتها.