مصر موتورز مجتمع السيارات - تجارب السيلاريو................ .....!!!!

مصر موتورز مجتمع السيارات (https://www.masrmotors.com/vb/index.php)

- سوزوكى Suzuki (https://www.masrmotors.com/vb/forumdisplay.php?f=33)

- - تجارب السيلاريو................ .....!!!! (https://www.masrmotors.com/vb/showthread.php?t=26761)

رد: تجارب السيلاريو................ .....!!!!

مشاركة مكررررررة

رد: تجارب السيلاريو................ .....!!!!

اقتباس:

المشاركة الأصلية كتبت بواسطة damdam41 (المشاركة 191071)

انا شفت العربية اليوم فى معرض فى اكتوبر ركبتها بس مسقتهاش و كانت كالتالى
العربية شبابى من الدرجة الاولى و حريمى اكتر يعنى تنفع للمدام و هى واخدة الواد ابنى و رايحة اى مكان لكن معتقدش ان اى واحد ركب عربية سيدان عادية ممكن يركبها
العربية صغيرة عما كنت متخيله من الصور بتاعتها و من جوه عاوزة ناس مش تخان لكن فىنفس الوقت مش ضيقة
العربية شكلها جميل و تبلوها جميل فعلا
الشنطة ضيقة و الكراسى الخلفية بتتفح للاخر بس على حساب الشنطة طبعا
العربية طبعا موفرة للبنزين جدا لانها 1000 سى سى يعنى تنفع فى وسط البلد او المشاوير اليومية لكن اعتقد هايتعب اللى بيسافر او بيروح مشاوير طويلة بيها
الراجل صاحب المعرض قالى ان فيها ABS و EBD و فيها اتنين ايرباج فى الفول اوبشن
زجاج كهربا اتنين للمانيوال و اربعة للاوتوماتيك و الطارة بتاعة الدريكسيون مالتى بس دى بتاعة الاوتوماتيك لكن المانيوال عادية
الاطارات مقاسها 14 و بصراحة انا حاسس انها 12 مش 14
اللاسعار طبقا لكلامه
مانيوال هاف اوبشن تكيف - باور 55
مانيوال فول اوبشن تكيف - باور - سينتر - زجاج كهربا امامى 62500
اوتوماتيك فول اوبشن تكييف باور سنتر زجاج امامى و خلفى كهربا طارة ملتى 70000

العربية وسائل الامان فيها جامدة و نقفليها جيد و شكلها جميل بس شبابى مائل للحريمى و عيبها انها 3 سلندر و 1000 سىسى لكن هى بصراحة
اعتقد لو هاتجيب مانويل هات اى تن و لو اوتوماتيك يبقى على طول سيلاريو
اتمنى اكون افتدكم و اسف لو فى حاجة نسيتها

هي جميلة فعلا وبتمنى اركب حاجة صغنطوطة كده بس دخولها بالسعر ده يخلليني قبل ما أشتريها أفكر في الأكسنت والفيرنا أقوى في الأداء وتصد في السفر وأكبر وأوسع ونفس الفئة السعرية
يعني الواحد يفكر فيها لو أرخص من غيرها لكن 70 ألف في الكتكوتة دي؟
طب أنا متنازل عن الحجم والقوة ليه لو مفيش توفير

رد: تجارب السيلاريو................ .....!!!!

فى الاعلان بيقول انها بتعمل4.4 لتر لكل 100 كيلومتر
هل فيه حد جرب التاكد من المعلومة دى عمليا

رد: تجارب السيلاريو................ .....!!!!

سؤال: يعنى ايه 3 سلندر و ليه ده عيب فا السيارة؟؟
ارجو الرد...شكرا

رد: تجارب السيلاريو................ .....!!!!

سؤال: يعنى ايه 3 سلندر؟ و ليه ده عيب فى السيارة؟؟؟
ارجو الرد......شكرا

رد: تجارب السيلاريو................ .....!!!!

لاء مش عيب الماروتى بتاعتى 3 سلندر
و بتوفر لى ثمن بوجيه لما اشترى بوجيهات سن طويل للعربية

الى مسؤلى توكيل سوزوكى هام جداااااااااااااااا

للاسف انا من مالكى السيارة سزوكى سيليريو
1000 سى سى موتور رقم 1154681 اشترتها من المصرية للسيارات من شهرين قراءة العداد الان 9000 كم فقط لاغير واثناء السير العادى انفجر الاطار الخلفى بالجنط ودة مقاس 155/65 - 14 وانا متاكد انى لو رحت التوكيل مش هينصفونى دانا علشان اكلم مسؤل يرد على علشان انا لفيت مصر كلها على مقاس العجلة مش لاقية وفرع الهايكستب يقولى اللى فى مقار واللى فى مقار يقوللى ابو رواش .. وهكذا لحد مدونى رقم ا/ نادر 0129922022 ودة لايمكن يرد ويقللولى نعملك اية يعنى دة بعد موسيقى ساعة وانا والله مدخلة فى حاجة دى لوحدة وانا ماشى على مصر الاسكندرية زراعى بعد صلاة الفجر بدون اى مقدمات وبسبب انا كنت شغال فى توكيل قبل كدة سالت على المقاس دة فى مصر كلها مش موجود فغصب عنى لجات للتوكيل .

تخيل عربية تركبها 45 يوم وبعد كدة تركنها علشان كاوتش مش موجود ودة ابسط حاجة طب لاقدر الله اى قطعة غيار تانية هعمل اية 55 الف جنية / 45 يوم . دان لو هدفع زيهم ولابلاش علشان ميقلوش بتاع كلام

م / محمد قطب (مهندس صيانة السيارات شركة زيتكو للبترول )
0144074905 - 0123292755 - 25291655
mohamed.koutb@eastzeit.co m