رد: تعبت مع الدايو ليجانزا و اعطالها و ارجو المساعدة العاجلة
 

السلام عليكم و اسف لانقطاعى و عدم الرد بسبب انشغالى باعطال العربية و اشكر الاخوة على مساعدتهم
الاخ I_AM_LEGEND بالنسبة لاستهلاك البنزين فقد قمت باعادة ضبط الكاتينة عند ميكانيكى اخر و غيرت البوجيهات و فعلا استهلاك البنزين تحسن كتير ثم قمت بتنظيف الرشاشات و غيرت فلتر البنزين وتحسن جدا موضوع التبطيل على السلانسية و لكنه مازال موجود و لا ادرى ما السبب كما انى اشعر فى الوقوف و الزحمة و كان العربية كهرباتها بتعلى و توطى برعشة بسيطة و لا ادرى ما السبب
هنالك عيب اخر حيث انه لما تكون فرامل اليد مرفوعة العربية بتمشى عادى و ايضا عند دوس فرامل او رفع رجلى من على الفرامل يحدث صوت تزييق و لا ادرى ما السبب و عند تشغيل السيارة و فرامل اليد مرفوعة او انى دايس فرامل الاقى العربية ما دورش الا بعد ثلاث اربع محاولات و الاقى لمبة ال ABS بتنور و بعدما تدور العربية بتطفى و لى استفسار اخر هل المفروض زيت الباكم ينقص مع الاستخدام ام لا لانى ملاحظ انه لا ينقص ابدا و هل من الممكن ان تكون الفرامل سبب الرعش و التبطيل

رد: تعبت مع الدايو ليجانزا و اعطالها و ارجو المساعدة العاجلة
 

بص يا استاذنا انا هقولك خلاصة العربية ديه
بالنسبة للتقطيع
1- ممكن تكون سلوك البوجيهات مش كويسة وديه لازم تجيبلها نوع نضيف او تجيب 4 استيراد في حدود 100 جنيه
2- ممكن وش الاسبراتير او الجاكوش مش كويس
3-ممكن تكون البوبينة منتهية
بالنسبة للفرامل
1-فرامل اليد ممكن تكون عاوز رجلاش او تغير التيل الخلفي
2- ممكن تكون فيه مشكلة في ماستر او سيرفو او abs الفرامل
3-بالنسبة لمشكلة الدوارة وانت دايس علي الفرامل فده اكيد عيب في ECU الي هوا الكمبيوتر
ولو عاوز اي حاجة فيها انا عندي واحد ميكانيكي 100/100 هيظبطهالك وهيخليها زي الفل
هوا في فيصل - العشرين
0196348590

رد: تعبت مع الدايو ليجانزا و اعطالها و ارجو المساعدة العاجلة
 

السلام عليكم
اخ Medo Tune بالنسبة لسلوك البوجيهات فقد عملنا تشيك و طلعت سليمة و بالنسبة للبوبينة ايضا طلعت سليمة و الدليل على ذلك ان مشكلة التبطيل تحدث فقط خلال النصف ساعة الاولى من تشغيل العربية اى ان العربية لسه ماسخنتش و لكن بعد ما بتسخن العربية امشى بيها باقى اليوم من غير ما تبطل و لكن بيكون فيه رعشة بسيطة مع دوس الفرامل هل من الممكن ان يكون هناك عيب فى البطارية مثلا حيث ان العربية فى اوقات كثيرة عندما تيجى تدور مبدورش من اول مرة بل تحتاج من ثلاث ال خمس محاولات حتى تدور علما انى اختبرت الرشاشات و قمت بتنظيفها و هى جيدة و بالرغم من ذلك يوجد استهلاك بنزين عالى
و رجاءا الميكانيكى اللى ذكرته قبلا هو راجل فاهم و كويس و ما هو اسمه و اين عنوانه بالضبط فى العشرين حيث انى اسكن بالقرب من العشرين و اكرر هو فاهم و كويس علشان انا اتهريت فتاوى من الميكانيكيا و شكرا

رد: تعبت مع الدايو ليجانزا و اعطالها و ارجو المساعدة العاجلة
 

هوا جنب شارع حسن رخا الي في العشرين عند تقاطع المساكن مع العشرين
لما تيجي ابقي كلمني قبلها عشان اجي معاك عنده 0196348590
وبخصوص عيب الصناعة الي ذكرته في الفتيس انا عندي واحد برده في العشرين اسمه محمد
بيصلح العيب ده

رد: تعبت مع الدايو ليجانزا و اعطالها و ارجو المساعدة العاجلة
 

alslam 3lekm blnsba ll raga el fl nkl la tklk ana 3ndy keda wa salt aloly 3ady fe kter mn el3rbyat el autumatic keda ama blnesba ll tbtel mmomkn telaeh mn ID aw feh haga fl komputer ..anta fe lmba el check btnor ? yaret troh elzagazeg fe mecaneky asmo abozaid fe elahrar ganb mostashfa el ahrar ana rohtelo ana bardo mn el kahra

رد: تعبت مع الدايو ليجانزا و اعطالها و ارجو المساعدة العاجلة
 

و الله العربية ديه حكاية لكن لما تتظبط. أنا شايف حضرتك ماشي علي الطريق الصح و العربية بيبان فيها التصليح و بدأت تتحسن. كمل و ربنا يكرمك و شوف الميكانيكي اللي قال عليه الأخ ميدو و ربنا يكرمك.

رد: تعبت مع الدايو ليجانزا و اعطالها و ارجو المساعدة العاجلة
 

سيدي الفاضل المشكلة بسيطه ان شاء الله وحلها سهل جدا جدا وعن تجربة حقيقية
سيدي الفاضل فحص الكومبيوتر لا يعطي اي اكواد ودا طبعا غريب ولا يوجد تفسير له
لقد قمت بقياس الاشارة من حساس العادم ووجدها غريبة - بدون دخول في تفاصيل غير حساس العادم - وذلك عن تجربة - والله اعلم