مصر موتورز مجتمع السيارات - مجموعة استفسارات عن نيو اكسنت 2010

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - مجموعة استفسارات عن نيو اكسنت 2010 (https://www.masrmotors.com/vb/showthread.php?t=26199)

رد: مجموعة استفسارات عن نيو اكسنت 2010

العربية بالفعل كلها تجميع كورى فيما ماعدا التكييف والسنتر بيتقفل فى مصر وبالنسبة الى الماتور سحبة كويس جدا اما بالنسبة للتكييف انا معرفش علشان انا لسة معملتيش الالف كيلو ومبروك مقدما

رد: مجموعة استفسارات

اقتباس:

المشاركة الأصلية كتبت بواسطة hamdymsr (المشاركة 185299)

1 - السيارة كورى بالكامل
2 - موتور 1600 عفشة رياضية مساعدين غاز
3 - السيارة بتكون كاملة منيول او اتوماتيك ولكن بدون مرايات كهرباء ومفيهاش abs ولا air bags ولا Ebd وفوانيس الشبورة فى الأتوماتيك فقط
4 - مفيهاش بارك سينسور
5 - كل العربيات الجديدة مفيهاش مؤشر حرارة ودى حاجة متقلقش انت راكب عربية زيروووووووووو يعنى شيل موضوع الحرارة ده خالص من دماغك طول ما انت بتابع مستوى المية فى القربة والردياتير
6- تكيفها زى الفل
7 - موضوع منيوال ولا اتوماتيك دى حاجة ترجعلك وحسب طريقة سواقتك .... انا شخصيا عربيتى منيوال
8 - الوكيل مكانة فى كل حتة فى القاهرة يعنى المهندسين والمعادى وممكن تروح قليوب او ابو رواش فى هناك منافذ بيع او تروح لأى موزع معتمد مش هتفرق
8 - بصراحة موضوع الصيانة القريبة منك معرفش عنها حاجة

يارب تكون الردود وافية وواضحة وانا فى الخدمة

حامدي بيه استفسار انا عامل 7000 في سنة يمين في الدركسيون تبقى زوايا وعملها في التوكيل ولا بره وانا حساس اوي اتجاه العربية رايك الخبير بقى

رد: مجموعة استفسارات عن نيو اكسنت 2010

نصيحة صغيرة جدا اليك
خد العربية بس تتاكد ان الكست بتعها هونداي مش اي نوع تاني من فضلك وياريت لو جبتها زيرو متعديش ال 100 لحد ما تعمل 3000 هتلاقي متور العربية فتح من نفسو لنفسو من غير ما تضغط عليه في السرعة وهيجيب معاك 180 مرتاحة على ال4 في الار بي م لو حبيت تزود لحد 220 هتضغط شوية بستعمال الاوفر دريف

رد: مجموعة استفسارات عن نيو اكسنت 2010

بس يا باشا العربية دي غول و معايا حاليا و ربنا يبارك فيها و يحميها لي عشان كل خروجة بخبطة و الحمدلله على كل شئ انها مش بتيجي في الصاج شبه مالهاش عيوب غير بعض الرتوش و كفاية انها تقفيل كوري بالكامل

رد: مجموعة استفسارات عن نيو اكسنت 2010

فعلا العربية معاى وعاملة 4000 كيلو وهى ماشاء الله ممتازة

رد: مجموعة استفسارات عن نيو اكسنت 2010

1 - العربية كوري منضربش فيها مفك في مصر
2-العفشة هاف سبور مساعدين غاز ناشفة شوية بس بتدي ثبات حلو على الطريق لحد سرعة 140 لو موزونة ... موتور 1600 سي سي cvvt قوة 112 حصان و عزم 143 ... موتور جبار و قوي
3- الكماليات فول اوبشن كلها ماعدا مرايات كهرباء و فرامل ABS و EBD و بدون اير باج و بدون فوانيس شبورة بدءا من موديل 2009 ... بس كشافاتها قوية و تسد محل الشبورة ... مفيهاش باركينج سينسور بس ممكن تركبه في محلات سبير كار كبيره قوي 400 جنيه
4- العيوب ابعادها غير واضحة هتاخد وقت طويل نسبيا على ما تحفظ ابعادها ( شكوى فردية ... غير عامة ) ... العزم على الغيار الاول قوي جدا لدرجة انه بينط بالعربية ساعات ... مفيهاش مؤشر حرارة بس كلمة مني استحالة تسخن لو متابع سوالئها ولو ظهرت اللمبة دة معناها ان العربية فيها حاجة غلط ... بس ارتفاع حرارتها محدش اشتكى منه
5- تكييفها فريزر ... لو مين متقدرش تشغله على الرابع هيخليك في القطب الشمالي
6- في رأيي المانيوال بتاعها افضل عشان الاوتوماتيك الكوري رخم
7- غبووووووووووووور منتشر
8- مركز الصيانة دة ترجع للمعرض او تتصل بالوكيل :01FDAB~189: