مصر موتورز مجتمع السيارات - أحساسك أية لما حد يقعد على عربيتك

صفحة 2 من 3

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - أحساسك أية لما حد يقعد على عربيتك (https://www.masrmotors.com/vb/showthread.php?t=25995)

corsair

15-05-2010 10:10 AM

رد: أحساسك أية لما حد يقعد على عربيتك

والله انتا غلبان يا زوما طيب صاحبك قبل كدا اللي هو انا طبعا روحت ادور العربية قبل كدا لاقت 4 شباب بيلفو حشيش وبانجو علي كابوت العربية والحشيش كان مغرق كابوت العربية قولي انتا لو مكاني هتعمل ايه ومره تانيه بردك نزلت ادور العربية لقيت بامبرز بتاع عيل مدهول كابوت العربية تقريبا كدا واحده كانت بتغير لابنها علي كابوت العربية انا جت عليا فترة حسيت فيها ان كابوت العربية ده سرير وكل واحد تعبان ولا حاجه الاقيه مريح عليه المره الجايه ان شاء الله هجيب مخده واخيطها في الكابوت علشان اللي ينام عليه ياخد راحته علي الاخر

MEMOO_1ST

15-05-2010 10:11 AM

رد: أحساسك أية لما حد يقعد على عربيتك

فعلا انا بردو الموضوع دا بينرفزني وفعلا في ناس بتقعد على العربية ولا اكنها المرتبة بتاعت بيتهم.
غير ان حصل مع واحد صاحبي في 128 الناس قعدت على العربية خلت البطارية لمست وكانت العربية هتروح فيها.
بس هوا فعلا سلوك مجتمع.
يعني مثلا انا قدام البيت عندي بارك كبير المفروض اركن فية بس للأسف بركن في الشارع اهون علشان الاولاد في الشارع عاملينو ملعب وطبعا كل شوية تسمع الكورة بتترزع في العربية غير لما يبقى في فريق مستني بيقعد على العربية فبجبها من قصيرها واركن في الشارع افضل.

zoomaa&mizaa

15-05-2010 08:39 PM

رد: أحساسك أية لما حد يقعد على عربيتك

ويسلام ويعينى لو أتجرأت وتكلمت كلمة واحدة تسمع أحلى كلام خد عندك مثلا يعنى هية هتنقص حتة . خلاص يا عم أه عندك أشبع بيها ... أكن دة حق من حقوق الطريق من حق كل مواطن يركن على العربية اللى تعجبة ptmnlo123per131

hazem_khidr

15-05-2010 09:51 PM

رد: أحساسك أية لما حد يقعد على عربيتك

بصراحه مش بتفرق معايا لو حد راكن
انما قاعد علي الكابود او الشنطه باعتبارها جزء من انتريه بيتهم ببقي في قمه غضبي
فبقولهم بعد اذنكم وسعوا او خدوا مفتاح العربيه اتفضلوا جوه بدل ما تبهدلوها!!!!
اللي يغيظك اكتر هو اللي يحط حاجه علي الكاوبد و يجرجرها و يخدش الكابود
ما ماهو حاصل عندي و حضطر ارش الكابود رغم ان العربيه فابريقه بسبب الحيوان دا ربنا يجازيه

alref

16-05-2010 04:02 PM

رد: أحساسك أية لما حد يقعد على عربيتك

ياعم دول بيقعدوا و يربعوا
تقولش دوار العمدة و مستنيين الفطير المشلتت

اعمل ايه انا بقي في الصاج المطبق ؟؟

ahmedraafat00

17-05-2010 03:40 PM

رد: أحساسك أية لما حد يقعد على عربيتك

انا بقى عربيتى للاسف على طول من بره متربه و مبهدله لان احنا مش عندنا بواب ولا سايس ياخد باله من العربيه
الاول كنت بتضايق لما الاقى العربيه مش نضيفه و كنت بقعد الصبح قبل ما انزل بيها انظفها و اتوسخ انا هههههه
وبعد كده الاقى شويه عيال قاعدين عليها او واحد و واحده بيحبوا بعض عيها
فمؤخرا قررت انى اسيب العربيه وسخه عشان محدش يقعد عليها و الحل ده جايب نتايج كويسه لحد دلوقتى
باستثناء مره واحده كنت رايح الكليه و سايب العربيه متربه على الاخر و حالتها زفت من بره لاقيت واحد و واحده نضفوا الكبوت و مسحوه مسحه معتبره و قعدوا عليها
مفيش فايده ههههههه

ahmedraafat00

17-05-2010 03:45 PM

رد: أحساسك أية لما حد يقعد على عربيتك

ومره كمان ببص من البلكونه الساعه تلاته باليل لقيت اتنين عيال صيع واقفين و بيلفوا سجاير و حشيش على سقف عربيتى عشان جيب بقى و هيستخبوا فيها
يلا بقى هنعمل ايه فعلا سلوك مجتمع

الساعة الآن 05:21 AM.

صفحة 2 من 3

عرض 7 مشاركات من هذا الموضوع لكل صفحة