|
رد: عايز معلومات عن لادا اليكو
الشكر الجزيل لطارق باشا على الاهتمام والرد
|
رد: عايز معلومات عن لادا اليكو
الأليكو مع والدي من زمان
العربيه لو حالتها كويسه وموتورها كويس هاتها العربيه عزمها حلو وبتشد كويس جدا عيبها زي ما اتقال في عدم توفر بعض قطع الغيار الخارجية لو حضرتك بره القاهره منصحكش بيها الصنايعيه هيبهدلوها لإن صنايعيه كتير مش هيرضوا يلفوا على قطع غيارها مشكله كمان إن التابلوه بتاعها بيتهز جامد وانتا سايقها لو جبتها انزل بيها لسروجي كويس يبطنلك التابلوه العربيه كويسه لكن شوف ميكانيكي كويس جدا يكشفلك عليها لان اغلب اللي بيجيبوا اليكو بيركبوا فيها قطع غياؤ مش بتاعتها فلازم يتكشف عليها كويس وتتأكد من القطع اللي فيها لإن دا هيفرق في سعرها جاااامد واهم حاجات تتاكد منها حاله الموتور والصدأ وربنا يوفقك فيها إن شاء الله لو كانت كويسه وياريت تقولنا مطلوب فيها كام والموتور كام في الميه |
رد: عايز معلومات عن لادا اليكو
أعتذر
نسيت أقول لحضرتك أهم حاجه الأليكو صاحبه أتقل دركسيون في مصر كلها أتقل أتقل بجد دركسيون أتقل من الـ 128 ومن اللادا ومن الدوجان ومن الشاهين أنا جربت دا كله وبجد مفيش أتقل من الأليكو أنا لما أنزل بيها مشوار لازم أروح دراعي بيوجعني من الدركسيون فيه ناس متفرقش معاهم النقطه دي بس فيه ناس تفرق جدااااا بالذات لو حضرتك متزوج وفيه مدام ممكن تسوق العربيه في الحاله دي مستحيييييل أنا قلت أقول لحضرتك وحضرتك تحدد أهميه المسأله |
رد: عايز معلومات عن لادا اليكو
نورتنى وشاكر لحضرتك على الرد المستفيض الذى افادنى كثيرا والى المزيد من المشاركات وشكرا
|
رد: عايز معلومات عن لادا اليكو
اقتباس:
من ناحية إن الدركسيون تقيل مع إحترامى لحضرتك الكلام دة غير صحيح لإن إحنا عندنا العربية دى و الدركسيون بتاع الاليكو هاف باور يعنى نص باور بالعكس دة أخف بكتيرررررررررررررر جدآ من اللادا العادية ومن ال128 أنا سقت العربيات دى كلها والصراحة الاليكو أخف دركسيون فيهم كلهم واللى يأكد كلامى إن العربية على اسكترا وأعتذر على الإطالة ولو فى أى طلب أو أى حاجة بخصوصها أن تحت آمركم |
رد: عايز معلومات عن لادا اليكو
نورتنى بمشاركتك يادسوقى باشا وانا دلوقتى محتار بس الاهم اسعار قطع الغيار غالية قولى اية رأيك ولوفية واحدة موديل91 تساوى كام وشكرا
|
رد: عايز معلومات عن لادا اليكو
اقتباس:
مشكلة قطع الغيار إنى فى الإسكندرية وقطع غيارها نادرة شوية بس فى ناس جابوها وبالنسبة لقطع الغيار أسعارها بالمقارنة بالعربيات التانية مش غالية تعتبر فى الوسط يعنى معقولة ومتزعلكش المهم إنك تلاقيها . لو إنتا فى القاهرة يبقى إطمن قطع غيارها متوفرة فى القاهرة وبأسعار أحسن من هنا أكيد. وعلى فكرة العربية على الطريق ناعمة وجميلة جدآآآآآ وكمان سحبها حلو أوى يعنى أنا عادة بمشى على 100أو 120 وبتبقى جميلة مع العلم إنى بحطلها بنزين 80 كمان وسحبها للبنزين قليل جدآآآآآآآآ يعنى تفول العربية وتمشى بيها حوالى 400 كيلو من غير ما تفول تانى بس بالنسبة للسعر أنا معرفش سعرها كام دلوقتى والله لإنى مفكرتش أبيعها ومعلش طولت عليك |
| الساعة الآن 07:04 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017