|
رد: ملاحظات مشترى جديد للسيراتو SX 2010
1000 mabrouk
|
رد: ملاحظات مشترى جديد للسيراتو SX 2010
مبروك السياره الجديده ! نحن السابقون وأنتم اللاحقون !
1- ازاى يا راجل جنط 17 و كاوتش عريض و تخليه ضغطه 26 ؟؟ ده ح يقلل السحب ويزيد جدآ من استهلاك البنزين ! السياره معى داخله على 8000 كم والعجل على مقاس 32 زى الكتاب ما بيقول ! 2- فعلآ مع الوقت العفشه بتتحسن وانت بتاخد على العربيه ! 3- ما تشغلش بالك بموضوع الحدفه الخفيفه دى ! ودى بالتجربه سببها عدم ضبط هواء فرد الكاوتش زى بعض بالضبط ! لآن طبعآ كل المحلات هنا فيها الآسطى بليه و معدات قياس و نفخ متهالكه ! دور على مكان نفخ اطارات محترم ! 4- استهلاك البنزين داخل البلد حسب الكومبيوتر عندى عمره ماعدى 11 لتر/ 100كم وفعلا على الطريق وصل الى 7 لتر/100 كم ! بس أعتقد ده استهلاك تراكمى ! يعنى مش لحظى ! يعنى بيحسب لك التغير مع طول التريب ! 5- ماتسمعش كلام محبط كتير و نفض للمشككين زى أنا ما عملت فى عز الهجوم على السيراتو واستمتع بسيارتك ! Dr. Bolbolan ptmnlo123per122 |
رد: ملاحظات مشترى جديد للسيراتو SX 2010
السلام عليكم ورحمة اللة وبركاتة
انا عضو جديد وقد لفت نظرى تقريرك الرائع جدا وعاوز اذكر بعض الملاحظات لانى من مستخدمى السيراتو منذ عامين لانى كان معايا سيراتو ex موديل 2008فتحة سقف وفى الحقيقة كانت مريحانى لكن كانت مشكلتى معاها فى حاجتين 1 الفرامل كانت لما بكون على سرعة متوسطة وادوس فرامل كانت العربية بتزحف ولما كلمت التوكيل سئلت قالو انها علشان مش abs بس الرد دة مكنش مريحنى لانى مكنتش بجرى بيها قوى علشان تعمل كدة وللاسف دة كان السبب فى حادثة حصلتلى من اسبوعين على الطريق الدائرى اتسببت فى تقريبا ضياع العربية لانها دمرت الجزء اليمين الامامى لدرجة انها جابت شاسية يمين وللشهادة لولا انها عربية عضمها قوى مكنتش ابقى موجود فى الدنيا لان كل اللى يشوف العربية يستعجب انى لسة عايش ومعنديش خدش واحد وللة الحمد المهم ان الحادثة حصلت لنفس السبب وهوا انى كنت على سرعة 100ك بس كان فى مسافة كبيرة بينى وبين المكروباص اللى دخلت فية بس لان العربية زحفت يجى 30متر بعد ما دوست على الفرامل ودخلت فى الميكروباص 2 المشكلة التانية اللى كانت بتقابلنى مع العربية انها مع مرور الوقت تقريبا بعد 10000الى 12000 الف كيلو ابتدى سحب العربية يقل وخصوصا لما كنت بشغل التكييف ولما سئلتهم فى التوكيل قالولى ان دة عادى جدا اللى قالقنى حاليا انى بعد الحادثة معايا سيراتو 2010 بتاعة اخويا لغاية ما اجيب حاجة جديدة وشايف فيها نفس العيب فى الفرامل لانها كاتيجورى بدون abs وبردو بحس ان الفرامل فيها مش اد كدة وبعدين مش مريحة زى الشكل القديم فكنت عاوز استفسر عن اذا كانت الكاتيجوى الاعلى اللى فية abs حضرتك شايفة كويس ولا فية مشاكل وبعدين اذا كان فى حد معاة سيراتو الشكل الجديد وبقالة فترة بيستعملها يقولى هل السحب بتعها زى ماهى جديدة ولا بيتغيير مع الوقت وعاوز راى حد فى ايهما أفضل أجيب كيا سيراتو الشكل الجديد ولا اجيب كيا كارينز وبعدين عاوز لو حد عندة معلومة عن اذا كانت سيراتو 2011 هتكون مختلفة عن الموجودة دلوقتى ولا هى هى لانى ليا تجربة سابقة انى اشتريت كيا سيراتو 2008فى شهر 11/2008 وبعدها بكام شهر نزل الشكل الجديد وطبعا انتو عارفين ان لما ينزل شكل جديد بياثر على سعر القديم خصوصا فى البيع عموما انا اسف على الاطالة وخصوصا ان دى أول مشاركة لى وأرجو من اى عضو اذا كان عندة معلومة ما يبخلش بيها وشكرا جزيلا ملحوظة مهمة 2008 كنت بروح للتوكيل فى ابو رواش بحس انى التوكيل كلة مستنينى وبيحاول يساعدنى وطبعا بعد الحادثة الاخيرة لما روحت علشان اعمل مقايسة اصلاح للعربية واجراءات شركة التامين وخلافة حسيت انى فى سوق الجمعة محدش عاوز يرد عليك واذا كنت بتدور على مهندس المسئول عن سيارتك تدخل للورش تدور علية وتنزل تحت وتطلع فوق وناهيك عن التليفون لدرجة انى فضلت اتصل من الساعة 12.30لغاية 2.30 من غير ما السيد المهندس ما يرد لدرجة انى من غيظى روحت التوكيل ودخلت الورشة ولقيتة قاعد على مكتب فى الورشة وقدامة طبور من العملاء ولما قلتلة على انى بكلمة اكثر من ساعتين سواء على الموبايل او على الارضى قالى انة لوحدة النهاردة وعلية ضغط كتير تخيلو المفروض توكيل كبير والعملاء بتوعة فى ازدياد والعاملين فية فى تناقص هى دى مصر طبعا المهم انى لغاية النهاردة ما اخدتش المقايسة لكن مهندس التوكيل بيقولى انها حادثة جسيمة والعربية لازم تتهلك لان تكاليف الاصلاح تتعدى الحد المتاح للاصلاح علشان كدة انا قلت لغاية ما تتم الاجراءات اكون استقريت على اللى انا هجيبة وخصوصا انى حاليا بستعمل عربية اخويا السيراتو 2010اللى انا قلت عليها اسف مرة اخرى على الاطالة |
رد: ملاحظات مشترى جديد للسيراتو SX 2010
اقتباس:
الحمدلله لقينا واحد عمل حادثه بسيراتو ( اهلاك كامل ) وبيشكر فيها و ح يشترى سيراتو برده ! السيراتو أفضل أم الكارينز ؟؟ استفتى قلبك واحتياجاتك ! كلهم نازلين من رحم واحد ! هى دى مصر يا......أستاذ على ! واللى على ...على ! ( أقصد شركة كيا طبعآ ) ! Dr. Bolbolan ptmnlo123per122 |
رد: ملاحظات مشترى جديد للسيراتو SX 2010
اقتباس:
|
رد: ملاحظات مشترى جديد للسيراتو SX 2010
أولا الف مبروك عليك وربنا يكفيك شرها ....
ثانيا أنت ممتاز في طريقة سردك للأحداث وشرحك المبسط التفصيلي ( السهل الممتنع ) ثالثا أتمنى أن تواصل كتابتك لملاحظاتك المهمة في الفترة القادمة . |
رد: ملاحظات مشترى جديد للسيراتو SX 2010
بصراحة أنا أتفق تماما مع حكيم المنتدى والأستاذ إيهاب ان الفرامل ممتازة ولو قررت تجيب ان شاء سيراتو ماتتنازلش عن ال ABS لأنها بتفرق كتير
ومادام جيبنا سيرة الفرامل ماحدش يعرف يقولنا هل ممكن نركب ال ESC اللى التوكيل شالها من العربية علشان يحننوا سعرها بصراحة ال ESC مهمة جدا فى اتزان العربية فى سيرها ومهياش موجودة لا فى وكيل ولا خليجى |
| الساعة الآن 10:25 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017