مصر موتورز مجتمع السيارات

صفحة 2 من 3

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- شيرى إسبيرانزا CHERY SPERANZA (https://www.masrmotors.com/vb/forumdisplay.php?f=43)

- - Cherry QQ (https://www.masrmotors.com/vb/showthread.php?t=25178)

منعم الكنج

03-05-2010 06:43 PM

رد: Cherry QQ

اقتباس:

المشاركة الأصلية كتبت بواسطة حازم شاهين (المشاركة 175560)

فى الحقيقة
أنا مش حاسس إن شيرى QQ منتشرة قوى
كمان توكيلها مش مهتم قوى بيها

لكنها تتفوق على الماروتى فى الكماليات

باور تكيف زجاج كهربا سنتر ريموت

انا مع حضرتك فى موضوع مش منتشره اوى بس انا عن نفسى بشوفها كتير وسعرها رخيص وكمان توكيلها مع احترامى لحضرتك انا اعرف انه كويس وممتاز اما بالنسبه للامان حالها زيها زى اى عربيه صينى تعبانه شويه فى مواصفات الامان .اما بالنسبه للماروتى فهى فقيره جدا فى الامكانيات والاوبشنز وشكلها بالنسبه ليا وحش اوى .

حازم شاهين

04-05-2010 01:38 AM

رد: Cherry QQ

اقتباس:

المشاركة الأصلية كتبت بواسطة منعم الكنج (المشاركة 175684)

لا لا مش قصدى إن التوكيل وحش (بصراحة سمعت عنه كلام كويس من واحد صاحبى لكن قرأت كلام مش كويس على النت )

كان قصدى إن التوكيل مش مهتم ينشر العربية و يعملها الدعاية المناسبة
على الرغم إنها ممكن تنافس فى الفئة بتاعتها

و على فكرة هى سعرها 46500

ست البنات

04-05-2010 11:29 PM

رد: Cherry QQ

اقتباس:

المشاركة الأصلية كتبت بواسطة حازم شاهين (المشاركة 175560)

والله يا اخي حازم انا كمان مش حاسة انها منتشرة

انا طول ماني ماشية بالشارع بدور عليها عشان اسال صحابها

من شهر ماشفتش غير اتنين !! وللاسف ماعرفتش اكلم صحابها

ست البنات

04-05-2010 11:33 PM

رد: Cherry QQ

اقتباس:

المشاركة الأصلية كتبت بواسطة Bendary (المشاركة 175567)

الحقيقه انا لا اعرف كثيرا عن الشيرى وارى ان الاسبيرانزا 311 منتشرة اكثر منها بكتييييير
وعموما موديلات الصينى كثيره اوى اليومين دول
لكن اسمحولى اسأل عن سعر الشيرى ؟
اعتقد ان سعرها بين 45 -50 الف ؟

اذا كان اعتقادى صحيح فهناك بدائل اخرى بخلاف الصينى - لماذا لا تفكرين فى برايد
البرايد : امكانيات معقوله جدا واسعار صيانه وقطع غيار متوفرة واعتماديه عاليه جدا .
وعلى فكرة الماروتى مش وحشه - على الاقل ليها طلب فى المستعمل ( اعاده بيع ) احسن من الصينى .

تقبلوا تحياتى

هي الاسبرنزا مش وحشة ... بس انا لو حفكر بالاسبرنزا ... احط عليها اربع الاف واجيب بيكانتو احسن

لما سالت على الشيري لقيتها ب44 الف

البرايد مستعمل ... انا مش عايزة مستعمل

ست البنات

04-05-2010 11:35 PM

رد: Cherry QQ

يعني في الاخر ماعرفتش اخد قرار برضو

استحمل الماروتي على شكلها الوحش وفقر امكانياتهاا والا اجيب الشيري ؟؟؟

هل الصناعة الهندية افضل من الصيني ؟؟؟

هل الماروتي آمنة مقارنة بالشيري؟

واسفة اذا كنت اثقلت بالاسئلة عليكم

zoomaa&mizaa

05-05-2010 09:55 AM

رد: Cherry QQ

بسم اللة .... بصى يا ست الكل انا ركبت ال qq من الزيرو لمدة اربع سنوات وكانت اتوماتيك وانا دلوقتى راكب أبيزا موديل 2002 طبعا مفيش وجهة مقارنة طبعا بس انا مش هاخش فى تفاصيل كثير اا qq عربية محترمة على قد فلوسها تحتاج الى معاملة خاصة يعنى برفق قطع غيارها متوفرة فى توكيلها فقط تيل الفرامل بتاع اللانوس سربنتينة التكييف بتاعة اللانوس فلتر الزيت موجود برة عند اى حد فلتر الهواء والبزيين بتوع الماتيز سير الكاتينة والدينمو بتوع اللانوس اى ميكانيكى او عفشجى بيشتغل فيها عادى بس لازم تعرفى ان توكيلها كويس ولاكن اسعار قطع الغيار غالية وعند البيع الخسارة بتبقى شديدة يعنى انا واللة بايع العربية كما لو كانت كسر الزيرو ب 30 الف ومن وجهة نظرى هى افضل من الماروتى بكثير وشكرا ...

ست البنات

05-05-2010 09:12 PM

رد: Cherry QQ

اقتباس:

المشاركة الأصلية كتبت بواسطة zoomaa2007@maktoob.com (المشاركة 176603)

شكرا كتييير اخي الكريم على الافادة

الله يقدم الي فيه الخير واقدر اختار صح :(

الساعة الآن 08:57 PM.

صفحة 2 من 3

عرض 7 مشاركات من هذا الموضوع لكل صفحة