مصر موتورز مجتمع السيارات - العربية اتجرحت ... حسبي الله ونعم الوكيل

صفحة 2 من 4

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - العربية اتجرحت ... حسبي الله ونعم الوكيل (https://www.masrmotors.com/vb/showthread.php?t=24302)

corsair

20-04-2010 11:14 AM

رد: العربية اتجرحت ... حسبي الله ونعم الوكيل

يبقي انتا اكيد في مصر يا معلم لازم تتحك مفيش عربية في مصر بيمر عليها سنة الا ولازم يبقي شكلها زبالة من كتر الحك ومتزعلش نفسك ويمكن يكون ربنا بيفاديك من حاجه اكبر وتقبل تحياتي

ميدو ستار

20-04-2010 01:32 PM

رد: العربية اتجرحت ... حسبي الله ونعم الوكيل

يا باشا ماتزعلش نفسك
والله كنت معدى من تقاطع والعربية لسة مكملتش شهر وسواق تاكسى غبى جاى على يمينى وريح على الباب الجانب اليمين مع انى كنت ماشى فى طريقى مش طريقه رمى بوز العربية علشان يعدى هوا ريح على العربية وجرحها والمهم خدوهم بالصوت نازل يزعق بس على مين !!!!
متزعلش احنا هنا فى مصر (مطبات صناعية وغير صناعية -طرق تترصف بالليل وينسوا يعملوا البلاعات تانى يوم تلاقى البلاعة منورة فى وسط الشارع - زبالة ف كل الشوارع -ميكروباصات وتكاتك وتاكسيات ....وإلخ إلخ إلخ
قدر الله وما شاء فعل

Devill Blood

21-04-2010 05:13 AM

رد: العربية اتجرحت ... حسبي الله ونعم الوكيل

شوف يا باشا طول مانت عايش فى بلد زحمة هايحصلك ده دايما يعنى مثلا أنا فى المنصورة عندنا زحمه شديدة جدا ولكن أقل بكثير من القاهرة ومش بجرح غير فين وفين وطبعا بيبقى شوية بهايم واللى أنا عايز أقوله أن عربيتك هاتتجرح هاتتجرح فحلك الوحيد تروح تقعد فى سيناء ولا مرسى مطروح ولا أى مكان فى الصحرا أو أنك تسيبها كده لله

lol64

21-04-2010 06:45 AM

رد: العربية اتجرحت ... حسبي الله ونعم الوكيل

ولا يهمك يااسلام كلنا فى الهوا سوا وتحيا مصر وشوارع وزحمه مصر

Brave Heart

21-04-2010 08:54 AM

رد: العربية اتجرحت ... حسبي الله ونعم الوكيل

ياباشا ولا يهمك فداك والله
وربنا اكيد نجاجك من حاجه تانيه

محمد بدوى

22-04-2010 09:44 PM

رد: العربية اتجرحت ... حسبي الله ونعم الوكيل

ياباشا متزعلش نفسك
انا معايا نيو اكسنت 2010 من 10/2009 عايز اقولك انها اتجرحت 4 مرا ت لحد دلوقتى اولها فى المرور وانا برخصها من عربية الينترا جديدة وثانيها وثالثها وهية مركونة فى امان الله اما رابعها فديه حاجة تغيظ
كنت فى مدينة نصر وداخل شارع يوسف عباس (اللى بعد منصه السادات اعتقد ده اسمه ) وفوجئت بموتوسيكل دخل فى العربية من اليمين وجرحلى الجانب الايمن من الاول الى الاخر وعمل شوية رسومات ولاكأنها فن سريالى . المهم نزلت وانا فاكر انها غلطتى او حتى غلطته ولكن الناس اللى كانت واقفة اجمعوا ان فى سيارة بيضاء هية اللى خبطتة ورمتة عليا.
وطبعا المحترم ده طلع يجرى. حسبى الله ونعم الوكيل
المهم متزعلش نفسك وقدر الله مانشاء فعل

atgps

22-04-2010 09:55 PM

رد: العربية اتجرحت ... حسبي الله ونعم الوكيل

اقتباس:

المشاركة الأصلية كتبت بواسطة Devill Blood (المشاركة 168333)

يا باشا عمر ما كانت الزحمة سبب حوادث أو تجريح عربيات فهناك عواصم دول الزحمة فيها قد القاهرة مرتين ولكن كل واحد ماشى فى الحارة بتاعته، المشكلة هى ان مافيش نظام وفيه فهلوه وخصوصا من الميكروباصات والنقل، عندهم جهل شديد جدا بالسواقة وفاكرين ان الفهلوة هى السواقة.

الساعة الآن 05:01 AM.

صفحة 2 من 4

عرض 7 مشاركات من هذا الموضوع لكل صفحة