|
رد: البوتون ساجا
اقتباس:
|
رد: البوتون ساجا
السلام عليكم
اى حاجه للعربيه تكون اصلى تقدر تروح تركبها فى التوكيل كمان بدون محد يتكلم معاك هما حيخدو المصنعيه فقط انما لو قطعه غيار اى كلام طبعا حيعملو فليم هندى ... بمعنى اخر لو رحت بفلتر مثلا صينى حيقولولا انما لو رحت بفلتر لانسر اصلى محدش حيتكلم اللى انا مجربه ومغيره فعلا فلتر زيت لانسر يابانى = 27 جنيه فلتر بنزين لانوس =20 جنيه طقم بوجيه ان جى كيه=60 جنيه تيل فرامل امامى افيو =60 جنيه وده بعد السبع دوخات http://www.masrmotors.com/vb/showthread.php?t=42340 زيت مصر فينكس 195 جنيه 0101570898 |
رد: البوتون ساجا
السلام عليكم
الاستاذ محمد عبد المجيد الف الف الف مليون مبروك . المهم متتعبش نفسك بص على مكان مؤشر الزيت لو نقص فى خلال اسبوع وسمعت صوت وررررررررررررررر وانت كاسر المقود على اخره كده روح التوكيل وان شاء الله مش حيحصل معاك . اقول شويه نصايح عامه متخليش حد يرفع العربيه غير بالكوريك بتاعك الى فى شنطه العربيه عشان الحفاظ على جسم السياره من اسفل اريال السياره عشان ميتسرقش هات لاصق الديفكون المادتان اللى بتخلطو على بعض واخلطهم واعمل الاريال فيهم وركبه وابقى قابلنى لو انت نفسك عرفت تفكه ابعد العربيه اول ثلاث اشهر عن الشمس المباشره واشترى غطاء وتتر بروف مبطن 100 جنيه فى القاهره عندك ارخص طبعا ركب على الاكصدام الامامى والخلفى استيكرز بنفس اللون عشان الجروح والخدوش لو متعرفش حد انا اعرف واحد فى البرج القديم (برج العرب ) اطلبنى واوصفهولك دوسات العربيه شلها فى البيت وهات دوسات بلاستيك لها شفه من الحروف بـ60 جنيه للنظافه العربيه ركب زجاج فاميه درجه 3 ( فاتح ) للحفاظ على لون الفرش متعديش سرعه 100 كم س فى اول 5000 كم للحفاظ على الموتور احتفظ بورقه وقلم واكتب كل ملحوظه وبلغ بيها فى صيانه الاف الاولى اختم الضمان فى الاداره فى التوكيل واحتفظ بالمستندات والفواتير ومن فضللك ادعيلى بالخير واى حاجه انا معاك |
رد: البوتون ساجا
اقتباس:
أخى الكريم الفاضل / صلاح حكيم السلام عليكم ورحمه الله وبركاته ،،، لا أجد من الكلمات ما أوفيك حقك من الشكر والإمتنان والعرفان .... لم يكن ينقصنى سوى تلك النصائح الذهبية المختصرة المفيدة للحفاظ على سيارتنا... إستفسارات بسيطة :- 1- هل لصق الاريال سيعوق تغطية السيارة أم أن الإريال من النوع القابل للثنى ؟ 2- الإستيكر اللاصق لزوم الإكصدامات الأمامى والخلفى ، هل تقصد به الشريط الكاوتش أو الجلدى الأسود ذو الحواف الفضية والذى يتم تثبيته بعد التسخين على الاكصدامات والابواب للحماية من الخدوش ؟ أم أن هناك إستيكر بلاستيك مثل الجلاد يتم تثبيته على السيارة .... أعتقد هذا سيكون أفضل وأفضل ... أرجو وصف العنوان كتابه حتى لا أنساه أو أكتب لى رقم تليفون الرجل ببرج العرب. 3- بالنسبة لموضوع الزجاج الفاميه ... أخشى فى مثل هذا التغيير أن أقع تحت بطش رجال المرور وأنت تعلم تصرفات رجال المرور مع أصحاب السيارات ذات الزجاج الفاميه ... وهل تغيير هذا الزجاج لا يخرج السيارة من الضمان .. أعلم أن هناك لاصق شفاف مثل الجلاد يتم تثبيته على زجاج السيارات من الخارج وله درجات مختلفة ومتفاوتة من الالوان .. ..هل هذا ما تقصده أم تقصد تغيير زجاج السيارة نفسه ؟؟ 4- موضوع الدواسات ... لماذا لا أستخدم الدواسات المرفقة فى السيارة .. هل للحفاظ عليها وإطالة عمرها أم أن إستخدام الدواسات البلاستيك أوقع وأفيد ؟ نويت بإذن الله تعالى أن أقوم بتغطية كامل أرضيه السيارة والشنطة بفرش جلد من النوع المتوسط للحفاظ على الفابريكة ولكننى أخشى أن تنطلق الوسادة الهوائيه فى حاله إذا ما حاول الصنايعى خلع المقاعد من أماكنها لتمرير الفرش الجلد أسفل المقاعد. 5- بالنسبة لموضوع الشمس .... هل يتأثر لون السيارة الفابريقه بالحرارة وضوء الشمس ؟ بالرغم من إننى لدى جراج خاص يشبه التنده قمت ببناؤه أمام مدخل منزلى إلا أن الشمس تكون مسلطة على السيارة من بعد الظهر وحتى الغروب... القيمة الافيد فى هذا الجراج بالنسبة لى هو الحمايه من الامطار الغزيرة التى ينعم بها الله علينا فى الاسكندرية .... هل الغطاء الواتر بروف WATER PROOF يمكنه تحمل أشعه الشمس المباشرة والحرارة ولا يتكسر أو يتشقق ؟ هذا سيكون أفضل وذو فائدة مزدوجة ولكن سيكون السعر مضاعفا ... 6- لى ملاحظة بسيطة على سيارتى ولا أعلم إن كان هذا طبيعيا أم عيب فى سيارتى .. عندما أقوم بإدارة المحرك صباحا ... أسمع صوت المحرك متذبذبا وغير مستقر على سرعة دوران ثابته وهذا يكون واضحا جدا فى مؤشر عدد لفات المحرك RPM حيث يظل المؤشر يتحرك لمدة دقيقتين أو أقل مابين الألف لفه فى الدقيقة والألفين .... هل هذا طبيعى ومن خواص المحرك حتى يتم تسخينه بدلا عن الشداد أو مثبت السرعه فى السيارات القديمة ؟ مع ملاحظة أننى لا أقوم بالضغط على دواسة البنزين مطلقا ولكن يتم ذلك تلقائيا وفقط عن أول تشغيل للمحرك فى الصباح الباكر ولا يتكرر ثانيا طوال اليوم إلا إذا برد المحرك تماما ولم أقم بتشغيله لمده تزيد عن ثلاثه ساعات أو أكثر .. أسف على الإطالة أخى الكريم وكثرة أسئلتى فأنا لم يشجعنى على ذلك سوى إستبشارى بك وبنصائحك خيرا . أشكر أخى الكريم على نصائحك وأدعوا الله تعالى أن يديم عليك موفور الصحة وراحة البال والغنى عن السؤال.. وأن يهبك خير ما فى السيارة وخير ما وراءها وأن يجنبك شرها وشر ما وراءها... وأن يديم عليك من فضله ونعمائه بدون حساب وأن يبارك لك فيما رزقك ووهبك وأن يحفظك الله بكلماته التامه من كل عين لامه ومن كل شيطان وهامة. أخيك فى الله محمد عبد المجيد |
رد: البوتون ساجا
السلام عليكم
محمد باشا الف الف شكر على الدعاء 1 الاريال قابل للرفع والخفض وماتخفش 2 استيكرز للزجاج درجه 3 يعنى اسود فاتح محدش بيتكلم عليه انما اسود غامق متشوف مين الى ورا الزجاج ده ممنوع عموما بتاع الاستيكرز قله عاوز درجه متتسحبش فيها الرخصه 3 استيكرزعلى الاكصدام بالكامل اول طبقه وبعدين طبقه استيكرز لون العربيه عليه كل بتوع التاكس الجديد بيعملو كده بس بيخلوه اسود عنوان الراجل طريق برج العرب القديم بعد محطه البترول على الشمال وقبل مدخل شركه المياه الدوسات الى بقصدها دواسه عاديه ولكن لها حواف مرتفعه عن باقى جسم الدواسه بحوالى 2 سم بتعمل زى الدرج التراب والطين بيفظلو فيها مش متنطورين فى كل حته واحسن من دوسات العربيه عشان موضوع الشفه ده 5 مكان الحساس بتاع الاير باج انا معرفش هو فين بالظبط ولكن فى الغالب بيكون على بعد 20 سم من صدر العربيه فى الموتور (الحوض)وليس صالون السياره اما الفيشه الى اسفل المقعد دى بتاعه حزام الامان واللمبه الى فى التابلوه 6 الشمس بتغير لون العربيه فى اول 6 اشهر من الانتاج 7 الغطاء الوتر بروف المبطن افضل عتى عند احتكاك احد بالسياره لانه بكثافه حولى 3 مم يعنى عامل زى البطانيه الرفيعه ولكن عليها طبقه مشمع 8 الدواره والار بى ام اول ما تدور العربيه بيطلع ويرجع مرة واحده ويثبت على رقم واحد ويفضل ثابت على 1 وده الطبيعى انما لو بيلعب 1 ثم 2 ثم 1 ثم 2 ده فى حاجه غلط فى حساس دخول الهواء (ايدلر والاير ماس ) وده بلغ بيه التوكيل عاوز تكون على يقين اعمل التجربه دى دور العربيه وسخن العربيه 20 ثانيه حط الغيار الاول وشيل رجلك براحه بدون الضغط على البنزين . لو فضلت ماشيه على سرعه ثابته بدون الضغط على البنزين كده العربيه تمام ولو بتقطع وتنخع كده فى حاجه غلط السياره اتو جرب نفس الكلام على الدرايف d او الال L لو العربيه ثابته فى المشى بدون تقطيع كده تمام ولو بتطلع وتنزل ( تنخع ) كده غلط وربنا معاك وطمنى عليك متتدبح حاجه للعربيه . ادبح ارنب لوجه الله مش للعربيه ROSE4U |
رد: البوتون ساجا
اقتباس:
بس أنا ليا إستفسار صغير: ياريت حضرتك تقولى حجزتها منين و إستلمت فى قد إيه؟ شكراً |
رد: البوتون ساجا
اقتباس:
الله يبارك فيك ياباشا وعقبالك إنت كمان عن قريب إن شاء الله تعالى أنا حجزت العربية دى من توكيل عز العرب اللى داون تاون أمام كارفور ... أكيد إنت عارفه لو إنت من إسكندرية .. لما حجزت قالولى إن الاستلام على اول مارس 2011 بالنسبة للأتو لكن المانيوال موجود منها كتير وللأسف كنت مضطر إنى أنتظر لأنى فعلا عشقت العربية دى وقررت إنى ماجيبش غيرها وأوتوماتيك ولو هستنى سنه كاملة .. المهم ... قلت للمندوب فى التوكيل ..... مع كلمتين حلوين طبعا ..... لو ظهرت قدامك عربية اوتو إبقى قولى .. الكلام ده كان العيد الكبير اللى فات ..... وفعلا بعدها بعشر أيام لاقيته بيتصل بيا ويقولى لاقيتلك عربية واحد كان حاجزها ورجع فى كلامه وجاب جين .... لكن العربية دى فى القاهرة ولونها أبيض ....قلتله أوكى هاتها على ونش وإستلمتها والحمد لله .... المندوب أصبح صديقى جدا جدا وهو فى غايه الادب والاحترام وخدوم جدا .... لو ناوى قولى وانا هعملك اللى أقدر عليه .... مع خالص تحياتى محمد عبد المجيد الاسكندرية ساجا - أبيض - أوتو (6/12/2010) 0116007025 |
| الساعة الآن 02:54 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017