رد: تسقيط الموتور والمرور
 

بص ياريس انا اللي انتا بتقول علية دا شبة عملتو فعلا ههههههههه

اول حاجة بخصوص اللون مينفعش تغيرة غير في شهر السماح بتاع الرخصة بمعني
رخصتك هتخلص في يناير 2010 مثلا بيبقي معاك شهر سماح لحد اخر فبراير يعني 30 يوم زيادة ... دا مسموح بية انك تغير لون العربية .. او ممكن تغير والرخصة سارية بس مش تمشي بيها يعني تغير وتروح المرور علي طول تثبتها في الرخصة

بخصوص بقي الموتور يامعلم

اول حاجة مينفعش موتور من غير افراج جمركي
انتا اساسا لما بتروح لبتوع قطع الغيار وبتشتري الموتور لو تاجر كبير وفاهم بيسالك عايز تحول الافراج دا علي اي مرور تقول مرور الجيزة مثلا ... بعد شهر تقريبا بتروح تاني للتاجر تاخد صورة الافراج الجمركي والفاتورة وتطلع علي المرور اللي اتحول علية الافراج تسال هل الافراج وصل ولا لأ

لو وصل بتروح بقي تعمل شاهدة مخالفات ...وتجيب اورنيك فحص ... وتعمل فحص للعربية وتقلو انك غيرت الموتور ودا صورة الافراج وتقلو انو وصل فعلا المرور ... بس هيكملو معاك الاجرائات عادي وهيثبتهولك في الرخصة

ابعتلي علي الخاص لو في اي حاجة علشان مش بدخل نت كتير