مصر موتورز مجتمع السيارات - نفسى افهم لييييييييييه؟؟؟؟

مصر موتورز مجتمع السيارات (https://www.masrmotors.com/vb/index.php)

- جمارك السيارات (https://www.masrmotors.com/vb/forumdisplay.php?f=140)

- - نفسى افهم لييييييييييه؟؟؟؟ (https://www.masrmotors.com/vb/showthread.php?t=23874)

رد: نفسى افهم لييييييييييه؟؟؟؟

يانهار ازرق يااحمد دول بيفنطوها زى مانجيب الريحانى كان بيفنط فى الفيلم

رد: نفسى افهم لييييييييييه؟؟؟؟

حتدفع حتدفع
فية ناس كبار معروفين بالاسم عشان خاطر عيونهم ممكن الشعب يجوع ودة عادى
اللة يخرب بيت ال00000

رد: نفسى افهم لييييييييييه؟؟؟؟

اقتباس:

المشاركة الأصلية كتبت بواسطة Ahmed Anwer (المشاركة 164273)

عشان احنا معندناش شوارع مجهزة لهذا الكم من السيارات

و عشان الحكومة بتعتبر السيارات ،، رفاهية

فبالتالي اللي عاوز يدفع

و عشان تشجيع التجميع المحلي اللي من غير حماية مش هيستمر يوم واحد

نوعا ما شايف ان في وجهة نظر منطقية

لآ طبعآ يا سعادة اللواء ! انت شايف ان وجهة نظر الحكومه منطقيه ؟ شايف ان السيارات رفاهيه ؟

يعنى بتعتبر الفيرنا رفاهيه ؟ تعرف انك بثمنها ممكن تركب كورولا أو تزود حاجه بسيطه تركب كامرى !

ايه الآفضل من وجهة نظرك ؟ تركب كامرى و ما تصرفش عليها مليم لمدة 5 أو 7 سنوات ! أم فيرنا تبتدى

تصرف عليها من تانى سنه وفى آخر ال7 سنوات حيكون اللى صرفته عليها هوه ثمن الكامرى ! وجهة نظر

أخرى ! 70% من السيارات فى مصر مضى عليها 30 سنه تقريبآ و بتستهلك اصلاح و بنزين مثل ثمنها سنويآ

غير العطله فى الشوارع وقلة مزاج المواطنين ! هل هذه هى الرفاهيه ؟ اللى عاوز سياره صغيره ولتكن ماروتى

تستره و تستر عيلته من زحمة المواصلات هل لو جابها ب 38000 غير الترخيص تبقى دى الرفاهيه ؟؟

بتقول كم هائل من السيارات فى الشوارع ؟ دى مش ذنب المواطنين ! ده ذنب اللى بيعملوا شوارع ضيقه و بيسمحوا

بالعشوائيات وبيتصالحوا فى ارتفاعات المبانى ولديهم نقص فى تخطيط المدن وقلة سيوله فى مصاريف بناء شوارع

و جراجات لآن السيوله تحتاجها مشاريع أخرى ! التجميع المحلى اذا لم تكفى 40 سنه ليقف على قدميه يبقى بلاها تجميع

وتبقى زى أى مشروع أو مصنع حكومى فاشل يباع فى الخصصه ! أو الحكومه نفسها تسخر جهودها لبناء صرح

للتجميع تحت لوائها و حمايتها ! بس بلاش الحمايه السلبيه التى تزيد من شقاء المواطن !

أخيرآ ! سعادة اللواء ومع حبى الشديد لك ! انت ح ترشح نفسك للوطنى امتى ؟؟

ملحوظه : معلش أنا مخنوق شويتين ! سيبونى أفش نفسى شويه صغيره !

Dr. Bolbolan

رد: نفسى افهم لييييييييييه؟؟؟؟

ياسلام عليك يا دوك باشا والله
بعدين ماليزيا معندهاش جمارك وبتدعم بروتون إيجابيا يعني بتدفع لها فبتكون عربيات بروتون أرخص في ماليزيا والعالم وهي قالت انها خلاص هاترفع الدعم السنة دي وهو ده اللي خلا بروتون بالقوة دي
الدعم مش بيكون بالطريقة الساذجة دي
خصوصا أن العربيات التقفيل المصري فوق انها سيئة فهي غالية يعني ما عملناش حاجة

رد: نفسى افهم لييييييييييه؟؟؟؟

سؤال بعد اذنكوا وبرجاء الرد
انا عندي كورولا 2008 xliمواصفات خليجي يعني بدون فتحة سقف فتيس اتوماتيك زجاج كهرباء وتم تسجيل الفاتورة وشهادة شراء من مكان البيع بالقنصلية وحصلت علي شهادة المرور بس شهادة المرور لا تسجل بالقنصلية اعتقد لان ختم المرور لا يعتمد من الغرفة التجارية وبالتالي لا يعتمد بالقنصلية للتصديق عليه؟؟؟
المهم اسف علي الاطالة انا عايز اعرف جمركها كام لو ربنا سهل ونزلت بيها اخر السنة يعني علي نوفمبر 2010 ؟ هذا بالاضافة ان فرق السيارة الياباني من الجنوب افريقي بمصر كبير جدا ولصالح مصر من حيث الكماليات وقوة الموتور؟
وبرضه لو لقيت الجمرك كتير عليا ممكن اللي عايز يشتيرها يتصل بي وانا انزلهالو لو هو عايزها ؟؟

رد: نفسى افهم لييييييييييه؟؟؟؟

http://www.facebook.com/profile.php?...25264804174634

كن إيجابي .. بلاغ للنائب العام ضد "النصب" على المواطن في جمارك السيارات

ياريت نشارك يا جماعة بمعلوماتنا ومجهودنا يمكن نقدر ناخد حقوقنا