رد: عاجل 000000 الى البروتانية
 

ياباشا الصوت اللى بتتكلم عنه احتمالية ان يكون ايه حاجات كتيرة اولا لو داخلى اى داخل العربية من جوه ممكن قفل الكنبة فعلا او جزء فى الباب او جلد الباب او ماكينة الازاز

ولو خارجى ممكن رمان بلى العجل ناشف
جلد العفشة الخلفية ناشفة انا رائ الشخصى تروح لعفشجى يفحص العربية كويس

وعند اقتراح سهل كمان اطفى العربية وانزل اضغط بايدك على الجنب اللى فيه الصوت وانت بره طبعا وحتعرف مصدر الصوت او على الاقل المنطقة اللى بيطلع منها وياسلام لو معاك حد يضغط على العربية وانت تسمع عشان تركز وتعرف تحدد الصوت وبالتوفيق

رد: عاجل 000000 الى البروتانية
 

ألف شكر أخى بدر بسيونى على ردك الرائع
أجبتك على مشكلتى أراحتنى كثيرا وأعرفك أن الصوت خارج السيارة لأنى حينما أقوم بغسلها فى المغسلة يختفى الصوت الى أن تنشف العربية من المياة ويعود الصوت مرة أخرى
أذا كان أحد هذه الأسباب التى ذكرتها فهى بسيطة أن شاء الله لأنى كنت خايف تكون حاجة كبيرة
فلك ألف شكر

رد: عاجل 000000 الى البروتانية
 

بص يباشا أنا عندي برسونا فهجوبك من واقع خبريتي فيها

الصوت ده كان عندي فعلا أول ما اشتريت العربية ولما قولتلهم عليه قالو من تربيك العفشة وفعلا راح لما عملت صيانة 1000

لو انت أصريت أن الصوت لازم يروح هايفحصوا العربية أحسن لحد ما تلاقي حل وده اللي أنصحك بيه

بالنسبة لموضوع الصيانة اللي هما قالوه هو فعلا اللي بيتعمل في صيانة الخمسة بس نص ساعة قليل كان المفروض تراجع عليهم وتتأكد أنهم راجعوا تربيط العفشة

بالنسبة للاتزان وضبط هواء العجل دول أنصحك تعملهم برة التوكيل وخصوصا الاتزان لأنك هاتتأخر جدا وهايحطوا عليك تكلفة عبيطة
وضبط هواء العجل الصح أنت تعمله كل أسبوعين

أخيرا كل أعمال الصيانات موجودة عندك في كتيب الصيانة مع العربية والمفروض هما بيعلمولك عليها ويختموها في كل صيانة والأحسن تحتفظ بكل أوامر الشغل اللي بتاخدها بعد كل صيانة عشان لو حصل حاجة يكون ضمانك محفوظ

وعموما التوكيل محترم بس بيكون محتاج منك اصرار انهم يشوفو مشكلتك كويس والماركة حلوة قوي وان شاء الله مش هاتندم على العربية دي

رد: عاجل 000000 الى البروتانية
 

والله يا أخ أبراهيم لك منى ألف شكر على هذة المعلومات الرائعة ديه دا الواحد مكانش فاهم حاجة كانوا يستلموا العربية وأنتظر فى الأستراحة حتى أفاجأ بأن العربية أتعملها صيانة وأتغسلت حتى مفيش حد من بتوع الصيانة يتعب نفسة ويسلمنى العربية ويشيكلى على الصيانة التى قاموا بها
وأنما الذى يقوم بتسليمها لى بتاع المغسلة بعد ما يغسلوا العربية وأنا لو مأخذة من عبطى أقول لهم كلة تمام يقولون كلة تمام وأخد العربية وأمشى
ولكنك أنرت لى عقلى فلك الشكر

رد: عاجل 000000 الى البروتانية
 

والله يا أخ أبراهيم لك منى ألف شكر على هذة المعلومات الرائعة ديه دا الواحد مكانش فاهم حاجة كانوا يستلموا العربية وأنتظر فى الأستراحة حتى أفاجأ بأن العربية أتعملها صيانة وأتغسلت حتى مفيش حد من بتوع الصيانة يتعب نفسة ويسلمنى العربية ويشيكلى على الصيانة التى قاموا بها
وأنما الذى يقوم بتسليمها لى بتاع المغسلة بعد ما يغسلوا العربية وأنا لو مأخذة من عبطى أقول لهم كلة تمام يقولون كلة تمام وأخد العربية وأمشى
ولكنك أنرت لى عقلى فلك الشكر

رد: عاجل 000000 الى البروتانية
 

رد: عاجل 000000 الى البروتانية
 

أحب أن أوجه شكرى الى كل الأخوة الذين أفادونا بهذه المعلومات الرائعة وأن كان كثير منا يقع فى دوامة التوكيلات
فأنا على حسب نصائح الأخوة الكرام ذهبت الى ميكانيكى فقام بفحص العربية كويس ووجد أن العفشة كلها مفكوكة وقام بتربيطها والحمد لله الصوت راح
أمال فى التوكيل بيعملوا أية وهذا دليل على أن التوكيل نصابين وحرميه وليس عندهم مصداقية فى أى شىء لأن فى صيانة ال5000 كيلوا أخبرتهم بالصوت الذى يصدر من العربية وأخبرونى بأنهم سيقومون بتغيير الزيت والفلتر وتربيط العفشة ولكنهم لم يقوما بتربيط العفشة كما قالوا وأنما قاموا بتغيير الزيت والله أعلم هل غيروا الفلتر ولا لأ
مع أن المفروض أن يتم كل شيىء فى التوكيل بكل دقة وبكل أمانة حتى يكسبوا ثقة العملاء فى التوكيل وفى العربية التى أستوردها التوكيل وأن تكون قطع الغيار متوفرة بسعر مناسب ليس فيه مغالاة
ولكن تجد العكس معاملة زى الزفت وليس هناك مصداقية فى عمل الصيانة وقع الغيار غالية جدا وتلاقيها برة أرخص بكتير جدا
الفانوس الخلفى أتكسر منى فأتصلت بالتوكيل علشان أعرف سعرة فوجدتة ب 870 جنية سألت علية برة وجدت التيوانى ب 280 جنية الفانوسين والفانوس الواحد الأصلى الماليزى ب 500 جنية
شفتوا الفرق أد أية من 870 جنية ل 500 جنية وبعدين التايوانى مالة ما هو زى الأصلى دا معرض للكسر ودا معرض برضة للكسر يعنى مفيش فرق ألا فى الثمن وبعدين فى التوكيل بيشتغلوا بالساعة يعنى لو الموضوع أخد ربع ساعة أو نصف ساعة هيتحسبوا عليك ساعة ب 75 جنية يعنى الفانوس بالتركيب 870+ 75 = 945 جنية +10% ضريبة مبيعات يعنى تقريبا 945+95= 1040 جنية دا الفانوس الواحد فى التوكيل يعنى بثمن فانوسين أصلى ماليزى لو هتشتريهم من برة
شفتوا الفرق قد أية