|
رد: صيانة الـ 10 الاف للانسر 2010
اقتباس:
|
رد: صيانة الـ 10 الاف للانسر 2010
ميشو باشا
انا عملت صيانة الـ 80 الف فى مركز خدمة غمرة و الناس كانو سايبينى عادى خالص و فضلت واقف جنب العربية و جابولى شاى و عملناها سهراية و قعدة عرب و هم فعلا مش بيدوك باقى الزيت بس بيحاسبوك على سعر الجالون كله , زميلى معاه نيسان صنى بيحاسبوه فى غيار الزيت على 3 لتر بس , قطع الغيار انا شايف انها غالية حبتين فعلا فى صيانى ال80 الف انا مش شايف ان كان فيها حاجة محتاجة صنعة او حرفية عالية انا كنت مقتنع [ت الى حضرتك بتقوله , ان الصيانة لازم تتعمل فى التوكيل مهما حدث , بس لقيتهم فى الاخر معملوش الى كنت عاوزه و اخدوا مصنعية .... 600 جنيه !!!! ان شاء الله , انا ناوى اجيب قطع الغيار الاصلية و اركبها برة متشكرين على اضافتك و رأيك الى افادنى شخصيا :waving: |
رد: صيانة الـ 10 الاف للانسر 2010
اقتباس:
لكن بالنسبة لى الموضوع محير شوية يعنى انا جايب العربية بضمان وانت عارف طبعا ً ان الفرق بين الضمان والخليجى بدون ضمان فرق كبير ولو مرحتش التوكيل كل 10 الاف كم الضمان بيتلغى ويبقى اللى دفعتة ملوش لازمة - ان شاء الله منحتاجش للضمان اصلا ً - كمان العربية انا مكنتش حاسس انها محتاجة ضبط لانها والحمد لله كانت مضبوطة تماما ً وانا افتكر لما اشتريت الاكسنت سنة2001 طبعا ً حضرتك عارف انها تجميع مصرى ( وهذا من فضل ربى ) وانا مروح كنت ماشى بسرعة 60 :70 كم/س علشان التلين واول ما اكملت 1000 كم ( وانا لسة فالطريق موصلتش البيت ) قلت افتح شوية وبجرد ما وصلت سرعة 90 حسيت انى راكب وابور زلط وكل ما اهدى شوية وارجع اجرى الاقى المشكلة بتذيد رعشة فالدركسيون وحدفة عايز واحد معاك يمسك التارة وطبعا ً تخيل النكد اللى حصل ومكنش فية حل غير انى ارجع كل المشوار دة تانى علشان ارجع العربية وحصل ولما رحت الصالة صاحبها كان قبض خلاص وقلى انت لازم تروح التوكيل بيعملولك صيانة الالف ويظبطولك العربية واخدت فالموضوع دة 3 ايام يعلم بيهم ربنا والعربية كانت محتاجة ترصيص وضبط زوايا وعملوها مجانا ً فالتوكيل الرجوع والموقف كان متعب جدا ً اما بالنسبة للانسر فالموضوع مختلف لان العربية بتيجى مضبوطة تماما ً اما موضوع انى اعمل الصيانة برة التوكيل دة ممكن بعد ما اخلص فترة الضمان وتبقى الصيانة الخفيفة فقط اما تغيير سيور او صيانة كبيرة تبقى فالتوكيل ان شاء الله |
رد: صيانة الـ 10 الاف للانسر 2010
اقتباس:
|
رد: صيانة الـ 10 الاف للانسر 2010
والنبى انا عاوز اعرف اجيب الانسر اليابانى ولا كروز شفروليه ولا سيراتو الكوري انا بفضل الانسر عشان انا معايا ميتسوبيشى جالانت موديل 86 مواصفات خليجة وبصراحة عربية محترمة بس انا عاوز اجيب لانسر 1600 بومة 2010 من باب التجديد انا بحبها بس مش عارف اى حاجة عن الموديلات الجديدة
|
رد: صيانة الـ 10 الاف للانسر 2010
اقتباس:
http://www.masrmotors.com/vb/showthread.php?t=15592 وفالموضوع هتلاقى مواصفات وصور الانسر 2010 و 1600 بالفتيس الجديد اما موضوع المقارنة فأنا حسمتها بالنسبة لى وجبت الانسر وان كنت شايف ان الاوبشن الموجود فالسيراتو الجديدة رهيب لكنى فضلت الانسر فالنهاية وانا ممكن اقول لحضرتك مميزات وعيوب الانسر ودة موجود فالموضوع السابق وممكن حضرتك من خلال الزملاء فالمنتدى تعرف ( ودة متوفر بكثرة ) مواصفات وامكانيات السيراتو وامكانيات الكروز وتشوف حضرتك انت بتفضل اية ويكون الاختيار لك وياريت وانت بتقارن تسمع الكلام من الناس اللى راكبة العربية فعلا ً مثل دكتور عبد السلام عامل تقرير عن السيراتوا هايل جدا ً انما موضوع انا سمعت او اتقلى دة مش دقيق لانى شايف ناس كتير مثلا ً بتكلم عن السيراتو مش كويس مع انى شايف انها بها امكانيات ممتازة لكنى لو سألتى اكيد هدافع على اختيارى للانسر واكيد لما اشترتيها كان لى وجهة نظر مع تمياتى لك بالتوفيق واى استفسار بخصوص الانسر انا فالخدمة |
رد: صيانة الـ 10 الاف للانسر 2010
متشكر يا ميشو بيه وربنا يسهل انا ناويت اجيب الانسر ال1600 بينى وبينك لما شوفت الكلام استريحتلها وكمان فى الاول ولا فى الاخر يبانى مش كورى زى الكروز والسيراتو مع اختلاف الاوبشن قدام هدفع 115000 ادفعهم فى اليابانى واسمه على الزيرو يعنى مش الاستعمال اتلعب فيه
|
| الساعة الآن 09:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017