مصر موتورز مجتمع السيارات - ممكن تدلونى اشترى نوبيرا جديدة ولا لأ

مصر موتورز مجتمع السيارات (https://www.masrmotors.com/vb/index.php)

- نوبيرا (https://www.masrmotors.com/vb/forumdisplay.php?f=157)

- - ممكن تدلونى اشترى نوبيرا جديدة ولا لأ (https://www.masrmotors.com/vb/showthread.php?t=2260)

رد: ممكن تدلونى اشترى نوبيرا جديدة ولا لأ

اقتباس:

المشاركة الأصلية كتبت بواسطة AboNoRa (المشاركة 5374)

يا باشا ربنا ما يجيب تدبيس

زى ما قال الاخوة الافاضل قطع الغيار موجوده وهتفضل موجودة متقلقش لان مصانع تصنيع قطع الغيار مبتبطلش تنتج قطع الغيار لما العربية يقف تجميعها لان الطلب على قطع الغيار موجود وبكثرة ده غير المصانع اللى بتعمل القطع التقليد فى الصين خاصة القطع المستهلكة زى الفوانير والشبكة والاكصدامات الخ الخ

وعايز اقولك كمان الكلام ده مش للنوبيرا بس او الانوس ده حتى المويلادت الاقدم زى الاسبيرو وال Cielo مصانع قطع غيارها شغالة لحد دلوقتى

بالسعر ده والكماليات ديه والفئة مفيش حاجة منافسة للنوبيرا خالص

لاكن فى نفس السعر بغض النظر عن الفئة ممكن تفكر فى الاتى

هيونداى جيتز 1.6 مانيول جميع الكماليات 74 الف
رينو لوجان 1.6 مانيوال سيدان كاملة 75 الف
وطبعا الفيرنا والافيو

الف شكر لردك الوافى يا ابو نورا بس ايه معنى الجملة دى

اقتباس:

والفئة مفيش حاجة منافسة للنوبيرا خالص

تقصد يعنى انها الافضل فى فئتها

وشكرا لاهتمامك مرة تانية

رد: ممكن تدلونى اشترى نوبيرا جديدة ولا لأ

اقصد ان اللى فى الفئة بتاعتها الاوبترا - السيراتو بس طبعا من حيث السعر بتتقارن بحاجات اقل

رد: ممكن تدلونى اشترى نوبيرا جديدة ولا لأ

من ناحيه قطع الغيار ما تقلقش
حتلاقي قطع غيار
لكن انا من رايي انها موديل قديم
لو تقدر توصل لل 80 الف هات الكيا ريو 1400 سي سي افضل بكتير

رد: ممكن تدلونى اشترى نوبيرا جديدة ولا لأ

و ممكن كمان لو تزود و عاوز حاجه في حجم النوبيرا هات اوبترا

رد: ممكن تدلونى اشترى نوبيرا جديدة ولا لأ

والله النوبيرا ممتازة جدا مع ناس كتير اصدقاء وقرايبى بس هيا بتحتاج انك ايدك تبقى فيها على طول صيانة دورية متهملش فيها وخاصة الفرامل وحاجتها رخيصة مش مضلعة

رد: ممكن تدلونى اشترى نوبيرا جديدة ولا لأ

اقتباس:

المشاركة الأصلية كتبت بواسطة hazem_khidr (المشاركة 5412)

و ممكن كمان لو تزود و عاوز حاجه في حجم النوبيرا هات اوبترا

طيب ياباشا لو انا وصلت للمبلغ بتاع الاوبترا متهيألى اجيب تويوتا ياريس افضل ولا أنت ايه رأيك

رد: ممكن تدلونى اشترى نوبيرا جديدة ولا لأ

اقتباس:

المشاركة الأصلية كتبت بواسطة MosTafaFox (المشاركة 5432)

الف شكر على اهتمامك ياباشا والله انا دماغى خلاص ورمت من كتر التفكير انا لسه بايع عربيتى من اسبوع وحاسس انى اعرج من غير عربية وخايف فى نفس الوقت من التسرع فى الشراء احسن ادبس وبصراحة مش معايا غير فلوس العربية الجديدة يعنى لو اتدبست مش حعرف اعمل حاجة وتبقى مصيبة