رد: -O( كرسى الاعتراف )O-
 

جالى زبون تانى الحمد لله ptmnlo123per154

اولا يا باشا تكلمنى فى اى وقت انا مش ممكن انشغل عنكم ابداً

ثانيا يا باشا تقل براحتك زى ما انت شايف من ساعة ما قعدت على الكرسى ومحدش عايز يسأل باين الناس خايفة تسألنى ولا ايه مش عارف

نيجى بقى للرد على الاسئلة

1-انت كنت شغال قبل كدة فى شركة c&co بتاعة النضارات؟؟

انا استشارى لمجموعة شركات منها شركة سى اند كو بالاضافة لمجموعة تانية من الشركات بس مينفعش اقول اساميها كلها هنا لو تحب تعرف هابعتلك على الخاص

2-انا لاحظت انك متحيز للنيسان بانواعها زى التيدا والصنى ...صحيح الكلام دة ولامجرد احساس غلط منى؟؟
منكرش انى معجب بشركة نيسان عامة وبتطورها فى الفترة الاخيرة بعد الاندماج وتحت قيادة كارلوس غصن وبالتالى كل موديلاتها الجديدة بدا من التيدا الى GT-R

من ناحية تانية تقييمى للعربيات دايما براعى فيه انى يكون تقييم شامل للجوده والاداء والتصميم الخارجى ومواصفات الامان والسعر والنواحى الاقتصادية والتوكيل طبعا وديه حاجات متوفرة فى نيسان

3-انا برضوا زيك بكرة التويتا كلها...مع انها ماركة محترمة واسم تثق فية بس لو افترضنا معاك 150 الف هتشترى اية فى الحدود دى ؟؟ ماذا-سيفك-لانسر اية اكس-نيسان تيدا http://www.masrmotors.com/vb/images/...042%5B1%5D.gif ولا استرا ولا اية؟؟ولية
مش هقولك التيدا http://www.masrmotors.com/vb/images/...042%5B1%5D.gif

سؤالك ده اصعب سؤال اتسألتة لحد دلوقتى بجد

بص يا سيدى لو فعلا معايا 150 بصراحة عينى هتزوغ على انى اجيب جولف او جيتا واقسط الفرق ptmnlo123per1104

او لو 150 بالظبط هبقى محتار شوية بين السيات ليون وبين السيفيك بس فى الاخر هشترى السيفيك ptmnlo123per193

الانسر والتيدا فى فئة 120 حرام تحطهم مع العربيات ام 150

لاكن لو فى الفئة ديه برضو مش هختار التيدا http://www.masrmotors.com/vb/images/...042%5B1%5D.gif (مش علشان وحشة ابدا بس علشان ميولى وجيناتى ورغباتى وهفواتى هتتجة للامبريزا ptmnlo123per1104

4-انت لية مش موافق على حكاية الاستيكرات......http://www.masrmotors.com/vb/images/...4FDA%7E117.gif........؟؟

علشان سبب اساسى للخلافات فى نايل كان الاستيكرز وان اختلف اسلوب التطبيق بين اللى اقترحتوه وبين اللى بيتعمل هناك بس الموضوع ده واى موضوع فيه لم فلوس بيعملى حساسية ptmnlo123per127

5-اية اخر اخبار موضوع المجلة ووصل لغاية فين؟؟

والله يا صديقى المجلة حاليا مقفولة خالص ضبة ومفتاح

اولا لان الادارة الحالية رايها ان لازم نركز فى حاجة واحدة يا المجلة يا المنتدى

ثانيا لان عندنا لستة طويلة من التطويرات فى سوفت وير المنتدى نفسة وبعدين فى الواجهه بتاعة الموقع وعايزين نضيف برامج تانية غير المنتدى للموقع وفى الاخر المجلة هتلم كل ده فى صفحة واحدة فالمفروض نشتغل من تحت لفوق

على اى حال قدامنا مباشرة دلوقتى موضوع تحديث المنتدى ونقلة لسيرفر اقوى واداريا فيه انتخابات تجديد الادارة واختيار المشرفين وبأذن الله تطوير المجلة هيكون من اهم المواضيع اللى هتتناقش فى الدورة الادارية الجديدة

رد: -O( كرسى الاعتراف )O-
 

اوباااااااا كرسي الاعتراف في منتدي سيارات
متابع باهتمام

رد: -O( كرسى الاعتراف )O-
 

ليه ابو نورا مش ابو اسلام ptmnlo123per1147

ليه اخترت مجال الكمبيوتر ليه متخصصتش فى العربيات مثلا بدام بتحب العربيات اوى كده

رد: -O( كرسى الاعتراف )O-
 

ماشى يا دكتور تابع براحتك بس خد بالك ممكن اختارك انت على الكرسى بعدى ptmnlo123per1116



ابو نورا علشان نورا الكبيرة وانا اتعرفت بالاسم ده وبحبة برضو وبعدين المنتدى فيه اسلام جلال واسلام شاهين واسلام (بوب ) وانا كمان هبقى ابو اسلام


مدخلتش مجال العربيات علشان مفركتش ساعتها خالص فى كده يعنى نصيبى جه كده

رد: -O( كرسى الاعتراف )O-
 

ازاى يعنى مش فاهم ممكن توضح طبيعة العمل دى اكتر

على فكرة انا بدرس تقريبا نفس المجال بتاعك ... ادارة ونظم معلومات وعلوم كمبيوتر
Businessman Administration,Management Systems,computer Science

وارجوا منك اعادة النظر فى الموضوع مصر موتور .. محتاج دعايا اكتر من كده ‏بخصوص حكاية الاستيكرات وشوف اقتراحى ..؟وكمان اقتراحات بعض الزملاء..ويارب توافق على موضوع الاستيكرات دة........انا بقول كدة علشان بصراحة انا شايف انو المنتدى دة مظلوم شوية وعلشان ياخد حقة عاوز وقت كبير واحنا مش هيكون اعتمادنا على حكاية الاستيكرات دة اساسى ..دة احد العوامل وكمان موضوع الاستيكرات دة هينمى روح التعاون و الانتماء للمنتدى وانة مش من السهل انة يتنسى..وكمان بلاش حكاية تجميع الفلوس دى ممكن واحد او اتنين بس يقوموا بالموضوع دة مع مساعدات غير مادية من بقية الاعضاء ...والفلوس هترجعلهم زى ما اتدفعت بالضبط بدون اى ربح مادى لهم...................... ......................... .......ptmnlo123per115

رد: -O( كرسى الاعتراف )O-
 

والله يا باشا مينفع اتكلم بالتفصيل علشان ديه خصوصيات شغل

بس عامة الشركة ديه تصنف فى شغلنا على انها retail business ودول بيبقوا محتاجين مجموعة حلول زى

النظم المحاسبية ونظم ادارة الموارد ونظم ادارة البيع بالتجزئة ERP Solutions / Back/Front office Point of sale الخ من البرامج المحاسبية ونظم قواعد البيانات

شبكات ربط بين الفروع لتدوال بيانات النظام المحاسبى

نظم باركود

نظم مراقبة وكاميرات ونظم تامين البضائع ضد السرقة

بالاضافة للاحتياجات الطبيعية لاى شركة من سيرفرات وداتا سنتر والصيانة الدورية والانترنت المفلترة والمدارة مركزياً نظم التليفونات VOIP ونظم التحكم فى الاتصالات الهاتفية نظم ادارة شئؤن العاملين الخ الخ

كل الحاجات ديه مع بعض هيا نظم المعلومات وانا شغلتى تصميم النظم دية وتشغيلها وتدريب الموظفين عليها ثم الاشراف على عملها بعد كده

بس ديه شغلتى عامة


اما موضوع الاستيكر وان مصر موتورز مظلوم

فاولا انا فخور بتجربتى فى مصر موتورز تماما ويكفى انة بيخدم الناس بجد بدون اى مقابل

ويكفى ان المنتدى الحمد لله متخصص بجد ونسبة الموضوعات الاجتماعية فيه مكملتش 100 موضوع على بعض من اجمالى 1800 موضوع

ويكفينى ان اعضاء المنتدى بيتعاملو مع بعض بمنتهى الاحترام بجد بدون مزايدات او نفاق او تكبر لا من الاعضاء بينهم وبين بعضهم ولا من الادارة ومفيش جو المشاحنات والمشاكل السخيفة زى المنتديات التانية

ويكفينى ان الادارة هنا ادارة منتخبة وسيعاد انتخابها دوريا كل 3 شهور طبقا لميثاق المنتدى يعنى تجربة ديموقراطية حقيقية واتحدى ان اى حد اساسا يحس بفرق بين عضو فى الادارة او عضو عادى

متقلقش يا مشاكس مصر موتورز لسه مباقلهوش شهرين تلاتة والحمد لله وصلنا لاكتر من الف عضو حقيقيين والزيارات ومعدلات القراءة وكل الاحصائيات اكثر من ممتازة ومفيش حاجة بتنجح بين يوم وليلة

لاكن بغض النظر عن قناعتى الشخصية فانا بكرر دايما ان المنتدى اعضاء مش ادارة وانا بعتبر ان المنتدى ده من الناس وليهم واذا كنتوا شايفين انكوا محتاجين الاستيكرات فعلا هتتعمل

بس تعالى نحسبها بالعقل اقل كمية ممكن تطبع 1000 مش كده

طيب جمع لى انت فى استفتاء او اى حاجة اسماء 100 عضو بس عايزين استيكرات وانا اوعدك انى اطبع الاستيكرات على ميزانية المنتدى وتتوزع مجانا كمان

بالمناسبة المنتدى ليه ميزانية محترمة الحمد لله ومخصص منها جزء للدعاية والمفروض ان فيه اعلانات مدفوعة هتنزل قريب جدا فى مكان مهم جدا على الانترنت مقدرش اصرح بيه دلوقتى

علشان كده صدقنى انا مش ضد الاستيكرات بس نعملها والناس عايزها فعلا ويشرفنا ان الناس تحط استيكر مصر موتورز على عربيتها وبكرر مجانا

لاكن حرام نعملهم ويترمو ولا ايه يا صديقى يبقى الاحسن نحط فلوسهم فى اعلانات على الانترنت مثلا او فى هدايا للاعضاء المتميزين مثلا (ديه فكره مطروحة حاليا فعلا) او اى حاجة تفيد بشكل مباشر

والحوار مفتوح دايماً وفى انتظار اسئلتكم ليوم كمان قبل ما اختار الزبون الجاى ptmnlo123per157

رد: -O( كرسى الاعتراف )O-
 

اوباااااااااااااااااااا لا انا اجري من هنا بأه ptmnlo123per160