|
رد: ما هي العيوب و المشاكل الناتجة عن اقتناء سيارة ؟
اقتباس:
ههههههههههههههههههههههههه بوط العلاقه يااحمد ولا يهمك مصر ام الدنيا والفراعنه اول ناس ساقوا عربيات |
رد: ما هي العيوب و المشاكل الناتجة عن اقتناء سيارة ؟
و الله يا أخي الفاضل أنت قلبت علينا المواجع .. بسؤالك عن المشاكل بسبب اقتناء سيارة .. أن يكون شغلك في وسط البلد و متلقاش مكان تركن فيه .. أو تكون رايح البنك لقضاء اعمالك و تضطر تقف فى الممنوع .. و كفاية تعب اعصابك لما تسمع صوت الونش .. و هو بيمر في الشارع اللي أنت واقف فيه .. وحاجة من أثنين أما كلابش أو سحب السيارة .. و معاك ربنا .. أو لما ترجع البيت و مضطر تنزل بعد ساعة و مش لاقي مكان تركن فيه .. و مضطر تروح للجراج تكون استهلكت نصف الوقت اللي أنت محتاجه قبل نزولك مرة أخرى .. و كفاية الضغط العصبي بسبب المارة في الطريق اللي بيمشوا متجاورين بعرض الطريق .. أو تكون راكن السيارة في أمان الله و ييجي واحد يقف صف تاني بجوارك .. يطلع قدام و يرجع للوراء و أخير يخبط لك الرفرف و الأكصدام بدون ذنب جنيته .. أو.. أو .. الى أخره .. ربنا يرحمنا من شوارع القاهرة و مطباتها .. و من الحفر في مطالع الكباري و منازلها .. أو يكون خلفك مباشرة سيارة نقل أو أتوبيس نقل عام يلازمك كظلك .. شوف أنت ممكن يتعب أعصابك أد أيه .. |
رد: ما هي العيوب و المشاكل الناتجة عن اقتناء سيارة ؟
نفسي ارد واقول قصة بس معنديش عربية
بس مش معني كدة اني معنديش مشاكل اولا : المشوار اللي بياخد ربع ساعة باخده في ساعة بهدلة بين الموصلات ثانيا : تستني ميكروباص او اتوبيس نص ساعة ثالثا : بردة بتطر تتخانق ساعات رابعا: تحكمات بتوع الميكروباص لو الطريق واقف ويقولك نهايو الخط قبل المكان اللي المفروض يروحة خامسا: الاعباء المالية في الاتنين قريبة مش فارقة يعني انا لو العربية 1000 سي سي هادفع 2 جنية ونص بكتيرة ولو العربية 1300 هادفع 3 او 3 ونص وانا بروح موصلات ب3جنية دة لو ميكروباص فمابالك بتاكسي لما اكون مستعجل اوي سادسا: سواقين العربيات كلها بوجه عام معندهمش صبر ان اي حد يعدي الشارع عايزين الناس تقلع تجري في وسط الشارع زي المجانين عشان يفرحوا ويحسوا انهم بيتخاف منهم وعندهم هيبة عجيبة ولو كلمت اية واحد منهم هايقولك متاخر ومستعجل وكان اللي ماشي في الشارع مش متاخر و مش وراه التزامات يعني سواء موصلات او عربية خاصة فيه مشاكل مش بتفرق كتير |
رد: ما هي العيوب و المشاكل الناتجة عن اقتناء سيارة ؟
انا لما كان عندي 128 مستعملة كنت ممكن اركنها في نص الشارع عندنا واطلع انام وساعات كنت بسيب كمان الباب مفتوح والزجاج علشان العربية تتهوي ومتعرقش وهيه نايمة من ساعة ما جيبت الفيرنا ببقي نايم علي كف عفريت وهيه مركونه تحت جابتلي جنان واستبحس وبالنسبة للاعباء طبعا العربية بيت مفتوح وممكن يكون بيت عيلة كمان مفتوح مصاريف وتامين وحرقة دم واعصاب وساعات بتقلب بجنان وسرحان واستحمام وبلاوي زرقة واشي بنزين سعره غلي واشي مصاريف توكيل وصيانة ومصناعية واشي تغير زيت وفلاتر واشي العربية تتخبط وتروح تبيت بيها اودام بيت السمكري
|
رد: ما هي العيوب و المشاكل الناتجة عن اقتناء سيارة ؟
كالعادة عندنا مقدرة عجيبة في تحويل اي اختراع مفيد لسبب و اداة تعذيب
|
رد: ما هي العيوب و المشاكل الناتجة عن اقتناء سيارة ؟
كفاية ! .. .. حرام ! إيه كل ده مش كده براااااحة شوية خلينا نقول الحمد لله علي كل حال ودلوقتي نتجه للنص التاني إيعه مقترحاتكوا لحل المشاكل دي أكيد في حل مش ممكن تبقي الحياة كده أرجوكوا يا جماعة لازم نلاقي حل |
رد: ما هي العيوب و المشاكل الناتجة عن اقتناء سيارة ؟
ههههههههههههههههههههههه
الحمد لله لسه معنديش عربية انا اكيد نفدت بجلدي |
| الساعة الآن 05:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017