رد: عايز اجيب عربية من 55 الى 65 الف قديم او جديد
 

باشا منورنى
كلامك يتفق مع ما أراه فى حال الناس ان اللى نعرفه احسن من اللى ما نعرفوش وان احنا نختار الشىء حتى لو مليان عيوب لاننا خلاص عرفناها واتعودنا عليها ونعرف نصلحها بغض النظر عن كم وكيف هذه العيوب بس مش عارف ليه طالبة معايا تمرد على المبدأ ده بصراحة حاسس انه كفاية كده ولا انت ايه رأيك ptmnlo123per193
شكرا يا باشا على مشاركتك بس انت برضه ما قولتش رأيك ايه ولماذا ؟ يهمنى اعرف

رد: عايز اجيب عربية من 55 الى 65 الف قديم او جديد
 

ايه يا جماعة مفيش حد النهارده ولا ايه

رد: عايز اجيب عربية من 55 الى 65 الف قديم او جديد
 

والله انا اتخنقت من شكل ام اللانوس ده اللي موجود من التسعينات زائد كمان انها مش عربية حلوة اساساً و ماتورها تعبان و بيعد يكركر..
انا مش مجرب العربيات دي (الا اللانوس طبعاً) بس من القراءة و البحث انا شايف ان احسن عربية في السعر ده هي البروتون ساجا عربية شكلها انيق (متكلف يعني) و اوبشاناتها حلوة و سعرها هايل الصراحة و شركة بروتون محترمة فوق ما تتصور بس بقى الله يعينك من التوكيل و مراكز الخدمة و قطع الغيار مش رخيصة و مش منتشرة (يعني لو حبيت تجيب تيواني ولا حاجة مش سهل تجيبه مش زي اللانوس) و سعر اعادة البيع لو بتحب تغير العربية كتير سعر اعادة البيع هتفرق معاك اما عن نفسي انا.. انا بيجيب عربية تعد معايا 5 سنين ولا 6 او اكتر طبعاً فسعر اعادة البيع مش هيفرق معايا و قطع الغيار عمري ما بجيب قطع غيار من برا التوكيل علشان العربية متتنيلش و اسعار قطع غيار التوكيلات كلها قريبة من بعض
ناقص بس التجربة...
و بعديها انا شايف الاسبرانزا A5 مع ان شكلها مش لاطيف اوي بس الطابلو بتاعها حلو و القعدة فيها مريحة جداً و واسعة و كل حاجة و اختبار الامان بتاعها كويس انا شوفته و عفشتها ناعمة في المطبات (عن تجربة الكلام ده انا والدتي معاها العربية بقالها 3 سنين و داخلة على الرابعة) بس خلي بالك ان العربية بتميل للاستخدام الحريمي اكتر او العناية علشان عفشتها ضعيفة يعني بيتهيألي الشباب بياخدوا العربيات يهبدوها فالعربية دي مش بتاعت هبد فبيعيبوا عليها كده فهي عايزة استخدام افضل في المطابات و كده و بس غير كده عربية هايلة و بالذات في الراحة و العزل و صوت الماتور غير المسموع
ده عن الجديد.....
اما الفديم فانا شايف ان افضل حاجة نوبيرا 2003 مانوال و عن تجربة برده العربية دي من اقوى العربيات اللي شوفتها هنا في مصر ماتورها في السحب شديد و بيديك صوت رياضي تحس انك راكب عربية بورش و شكلها تحفة بيجمع بين الفخامة و الشبابية شكلها انيق جداً و عفشتها قوية جداً بتستحمل ياما اكلت مطبات و شافت اسوأ الظروف من نقر و حجر حاجات كتيرة و العربية بقالها 7 سنين و لسة الحمدلله روحها فيها و بتدي الاداء المطلوب.. بس خلي بالك ان فيه بعض العربيات النوبيرا فيها عيوب صناعة ده على حد ما سمعت فلو هتشتري عربية مستعمل عايزك تكشف عليها كويس اوي و عموماً سعر النوبيرا موديل 2003 بيبقى في حدود 50-54 كده يعني هتوفرلك فلوس قشطة.
اسف على الاطالة

رد: عايز اجيب عربية من 55 الى 65 الف قديم او جديد
 

رد: عايز اجيب عربية من 55 الى 65 الف قديم او جديد
 

تويوتا كورولا 2002 اتوماتيك عربيه عملية واسعة من جوة سعر اعاده بيعها ممتاز يابانى انا عارف انها فى مصر 1300 سى سى بس لاكن فى المستقبل ممكت تسقطلها ماكينه 1800 سى سى وعلى فكره فيه كتير هنا فى الامارات عملو الموضوع ده ملحوظه العربية ديه هنا مطلوبة اكتر من ال 2008 و 2009 انا اقصد طبعا من 2002 الى 2007

رد: عايز اجيب عربية من 55 الى 65 الف قديم او جديد
 

يا باشا طوووووووووووووووووول تسلم ايديك وشكرا على الرد الجميل
هى دى الردود اللى انا عايزها رأى مفصل ومفسر
وربنا يسترها على النوبيرا من المطبات ( شكلك كده شقى وبتاع حركات ):HAPPY_~211:

رد: عايز اجيب عربية من 55 الى 65 الف قديم او جديد
 

العفو يا حبيبي والله انا بيعجبني في النوبيرا بالذات شكلها بحس انه ستايل عربيات السبعينات كده استايل قديم مع العلم اني بحب اوي العربيات القديمة و يا سلام بقى لو تركبلها جانت 16 كده بس يكون شياكة
انا عندي نوبيرا بيضا و جنوط 16 سودا و مقولكش بقى اوعى وشك P: