رد: اريد تسقيط موتور 1800 لجولف 4
 

معلش وايه علاقة الموتور بانه اتقلب؟ اكيد كان بيجري وخد ملف بسرعة او حاجة زي كده.....وطبعا اخي لو موتورك سليم يفضل عدم تغييره لأتك مش هتغيره هو بس لو عايز شغل صح يبقي عفشة وفرامل والعدادات لو تحب تكون فابريكة

رد: اريد تسقيط موتور 1800 لجولف 4
 

يعنى لو الجولف 4 ماستحملتش المواتير ديه ايه الهيستحملها, للأسف كلامك غلط يا أخى الجولف أساسا معمولة عشان المواتير ديه و أعلى منها كمان (1800 تربو 150 حصان تقريبا - 1800 تربو 180 حصان - V5 2500 سى سى تقريبا و بتتكلم فى حاجة بتاع 250 حصان), الفكرة مش فى الماتور لا الفكرة انك تسقط الماتور بعافشته و جنوطه و كاوتشاته و فرامله, يعنى من الأخر تجيب عربية استيراد و تنزل كل الفيها عندك لأن كل موتور و ليه متطلباته.

رد: اريد تسقيط موتور 1800 لجولف 4
 

جولف 4 متستحملش مواتير كبيره !

امال ايه اللي يستحمل !

جولف 4 بتشيل ال r32 و ده وحش كاسر 3200 سي سي 240 حصان غير الv5 ال5 سلندر !!

و لو صاحب الموضوع لسه عايز يسقط 1800 ممكن نجيبهولك من واحد معرفه في فيصل كان عنده نص جولف 4 كامل بس المكنة اللي فيه 1800 تربو 150 حصان لو عايزها قولي و اسألك اذا كانت موجوده ولا لا

و الابيزا نفس النظام لانها نفس الشاسيهات و بتشيل vr6 و اظن ده غني عن التعريف 2800 سي سي 175 حصان 235 نيوتن !!

و الموتور ملوش علاقه بأنه اتقلب او لا و اساسا مفيش حد يجري في المطر ده غلطه هو مش ذنب العربية يا باشا

رد: اريد تسقيط موتور 1800 لجولف 4
 

عاوز تسقط مواتير 1800 سي سي
بص يا معلم
اشتري نص جولف 1800 سي سي بالعفشه و التابلوه و الفتيس و الشكمان و ضفيره الكهرباء و التكييف النص ده يقطعله حوالي 15000 جنيه
تزهب الى محمد سمير في الحرفيين ورا حديقه بدر يسقط الكلام ده في العربيه طبعا يكون هو قايل رأييه في النص و المكنه قبل التسقيط طبعا هاياخد مصنعيه حوالي 2000 جنيه او اكتر
طبعا المكنه تاخد صيانه عاديه و الي هيا عاوزاه سيور و بوجيهات و فلاتر و اسطوانه و ديسك لو عاوزه طرمبه بنزين طرمبه زيت ماتبخلش عليها
كده دخلنا في حوالي 20 الف جنيه
استنى عربيتك اسبوع لحد ماتخلص
انا بقولك التسقيط الصح علشان تستمتع بعربيتك صح
عاوز جنط عاوز عفشه كوني ده زوقك
انا بس بقولك عن خبره 6 سنين فولكس فاجن بس كنت بفكر اسقط ماتور لعربيتي بسات و كنت سألت عن تسقيط الجولف فبقولك عن الي انا فاكره و للتاكد روح لمحمد سمير لان ماحدش هايسقطه صح غيره

رد: اريد تسقيط موتور 1800 لجولف 4
 

رد: اريد تسقيط موتور 1800 لجولف 4
 

محتاج اعرف عنوان مركز عماد الخواجة عشان عندى نتشة فى الفتيس بين 2 و3 فى العربية جيتا 2006 وانا كنت شريها مستعملة ومحتاج اراء الاخوة الافاضل شكرا
مهندس هانى صلاح
0121151949

رد: اريد تسقيط موتور 1800 لجولف 4
 

انا فى انتظارك يوم الجمعة زى ما اتفقنا عماد الخواجةROSE4U