رد: فيات جراند بونتو ولا سيراتو
 

i think cerato is better for u

رد: فيات جراند بونتو ولا سيراتو
 

انا قصدت من اني معايا A5 اني معايا عربيه ثابته وعايز عربيه ثابته زيها او قريبه من ثباتها ...

علي فكره انا قريت موضوعك و كان ممتاز بصراحه , بس ماتينساش انك اتكلمت عن الحدفه الشمال في العربيه و دلوقتي انت بتقول انها معموله للناس اللي عايزه منظره و تنطيط ...


انا مش كده خالص انا عايز عربيه أسافر بيها 60ك علي الزراعي كل يوم و مفكرش ابيعها غير كمان 5 سنين ... يعني عايز عربيه تستحملني ....

علي فكره انا سني صغير بس ركبت عربيات كتير و مش أقل من 200ك اي عربيه فيهم
يعني عندي خبره اقول عليها معقوله مش اكتر


لو عندك معلومات عن الفيات ياريت تفيدني بيها يا دكتور ...

رد: فيات جراند بونتو ولا سيراتو
 

أولا :- أنت شخصيآ غير مقصود بأى كلام قد تعتبره غير ملائم ولكن أنا بأقصد الناس اللى بتهاجم

لمجرد الهجوم أو لاظهار مدى معرفتها بعالم السيارات على غير الحقيقه !

ثانيآ : - أنا لما بأتكلم عن الخبره قصدى واحد زيى قاد سيارات و عمره 9 سنوات وركب جميع أنواع السيارات

داخل وخارج مصر على مدى 45 سنه وعمل عشرات العمرات و تغيير لكل أجزاء السيارات بأنواعها !

ثالثا:- بالنسبه للتنطيط والمنظره قصدى ان كل الحوادث اللى حصلت للسيراتو أعتقد سببها الجرى والتنطيط

والمنظره وبعد كده يقع اللوم على السياره ( الا فيما ندر ) !

رابعآ :- الفيات سيارات جميله و معمره لكن قليله فى البلد دلوقت يعنى المرسيدس أكثر منها ! و ده بيؤثر على

قطع غيارها و صيانتها وسعر اعادة بيعها !

خامسآ :- عادة كلامى صريح و مباشر بس أحيانا بأضطر أضع أشياء تفهم من بين السطور فقط !

Dr. Bolbolan ptmnlo123per122

رد: فيات جراند بونتو ولا سيراتو
 

انا اسف لو كنت فهمت غلط .....


و انا مش قصدتش من كلامي انك بتقصدني بكلامك ... الفكره الفكر انك فلت وجهة نظرك و انا برد عليها من خلال ظروفي علشان تعرف ظروفي و تديني النصيحه الصح ...


انا معاك ان الفيات شويه في البلد وده اللي مانع الناس عنها خوفهم من عدم الانتشار ..

بس انا رأي ان الواحد يشتري العربيه المناسبه ليه ولظروفه بغض النظر عن الانتشار ..

يعني انا مثلا لو حفكر اجيب عربيه نتشر ه ممكن اجيب النترا سعرها مناسب و اعاده بيع مناسبه ..

بس واحد زىيى محتاج عربيه ثابته و فرامل ABS علشان السفر الكتير و الجري .. لكن لو واحد حيحتاجها داخل المدينه بس معتقدش ان الحاجات دي اهم حاجه ليه .... حتكون اهم حاجه ليه مثلا التكيف و انها تكون اتوماتيك علشان الزحمه ... وده مجرد رأي

رد: فيات جراند بونتو ولا سيراتو
 

انت كده وصلت الى مربط الفرس واللى أنا أقصده ! كل واحد بيشوف احتياجاته ايه وايه اللى يتلائم مع ظروفه

و متطلباته العمليه واليوميه والنفسيه ! ولا يمكن الناس كلها ح تتفق على رأى واحد ! فيه ناس وأنا منهم ممكن

تعمل بعض التنازلات فى سبيل ارضاء غايه معينه ( طالما لم أؤذى أحدآ ) ! وفيه ناس لا ترضى الا بالكمال من

وجهة نظرها ! ولا ترضى الا بالمكسب الكامل و عدم التنازل عما تعتبره حقها و عما تعتبره شطاره و مهاره !

وفى الحالتين مافيش مشكله ! المشكله بس فى اللى بيصمم على رأيه وعايز الناس كلها تعمل زيه و تمشى وراه !

Dr. Bolbolan ptmnlo123per122

رد: فيات جراند بونتو ولا سيراتو
 

عارف ايه اكتر حاجه عجبانى فيك حكايه د.بولبولان الى بتحطه فى اخر كل رد فكره حلوه

اولا السيراتو فعلا عربيه جميله وشكل خارجى فقط ومنقولش انها وحشه حلوه وكل حاجه مش زى الفيات خالص وبص كمان الى يقولك ديه 1400 سى سى و 77 حصان والتانيه 124 حصان و 1600 سى سى شوف الاول ديه تقدر تجيب سرعه كام وديه تجيب سرعه كام على فكره على ورق الجراند بونتو السرعه الفصوى 180 تقريبا ال 77 حصان هه بص 1600 و كمان 124 حصان السرعه القصوى برده 180 والاتنين ممكن يجيبوا اكتر من كده يبقى المسأله مش مسأله حصان وحمار
البونتو التسارع بتاعها 11.4 ثانيه السيراتو 12 ثانيه دا احنا بنتكلم على الماتور الاستوك الى فى الجراند بونتو امال الماتور التربو بقى ديه السيراتو قدمها لمؤخزه 128 بص بقى الماتور التربو الى 120 حصان التسارع فى 8.9 ثانيه اقصى سرعه 195 وهو ده الفرق بين الايطالى و الكورى بس خلاص انا طولت عليك ولو كلامى غلط يا استاذ عبد السلام او دكتور بولبولان ياريت تصحح لى المعلومه

رد: فيات جراند بونتو ولا سيراتو
 

معلش ممكن حضرتك تغير المقارنة

الجراند بونتو حلوة بس اولا هى هاتشباك ثانيا لو بعتها هتخسر جامد

السيراتو برده كويسة بس كثبات مش هتكون ربع الاوكتافيا انا بقترح على حضرتك تختار مابين الكروز و الابيزا لو تحب هاتشباك

http://www.contactcars.com/NewCars_P...?EngineID=2108

http://www.contactcars.com/NewCars_P...?EngineID=2317