|
رد: برجاء مساعدتي في مازدا 97 عاوز اشتريها
العربية دي معروفة باسم مازدا فاميلي، ودي قطع غيارها فعلا في القاهرة غالية وقليلة، ولو عايز تجيبها يبقى تعمل حساباك على مشوارين في السنة لبورسعيد، لأن قطع غيارها موجودة هناك وبسعر كويس. يعني بصراحة لو أنا داخلة في دماغي العربية دي وناوي أخليها معايا، هأنزل بورسعيد كل فترة أجيب كل حاجة الصيانة الدورية بتاعتها بكميات، بحيث ما أحتاجش أشتري من القاهرة. لو حضرتك عندك استعداد تعمل كدة يبقى توكل على الله، العربية جيدة جدا وممتازة على الطريق.
وفي حاجة كمان مهمة لازم تسأل عليها كويس: في عربية صيني اسمها هايما، العربية دي نازلة بنفس أبعاد الفاميلي، حتى أبواب الفاميلي بتركب عليها، وده حصل قدامي عند السمكري إلا بأصلح عنده، وحتى ماتورها هو ماتور الفاميلي، وده ممكن يخلي قطع غيارها تتحرك شوية، عموما اسأل كويس وما تتسرعش لكن عموما لو عايز نصيحتي، ممكن تجيب عربية صني موديل 94 مثلا، هتبقى في حدود السعر ده وبحالة جيدة، بس دور كويس، وربنا يوفقك |
رد: برجاء مساعدتي في مازدا 97 عاوز اشتريها
المازا دى عربية جميلة جدا وثابتة اكتر من الانسر على الطريق كمان بس ملهاش سوق وواحد صاحبى لسى جايب واحدة مو 98 العربية جميلة وشاريها حالتها حلوة فول اوبشن اتوماتيك
بس على راى استاذ حازم لو فية الخير ماكانش رماة الطير قطع غيارها مش موجودة فى اى حتة وكمان هاترمى فلوس كتير فى تصليحها انا من راى استاذ حازم دورلك على اكسيل او اكسنت عربية مش هاتزهقك وبالنسبة للامكانيات هاتبقى كويسة والقرار بتاعك فى الاخر وربنا يوفقك انشاء الله |
رد: برجاء مساعدتي في مازدا 97 عاوز اشتريها
انا عندى مازدا الفاميلى موديل 97 وصراحة العربة ممتازة جدا واللى بيقول قطع غيارها غالية هى مش غاليه قوى قريبة من الهونداى اكسيل جدا وقطع غيرها معمرة جدا جدا انا كان الاكصدام الامامى انكسر اشتريتة استيراد ب 400 جنية يابانى اصلى وموجود على فكرة جديد بس كورى ب 300 جنية والخلفى ب 350 جنية تيل الفرامل ب 75 جنية طقم المساعدين 500 جنية الكبالن الصينى ب 220 جنية اليابانى ب 550 جنية الكشاف الامامى ب 300جنية اعتقد دى اسعار معقولة جدا ومش غالية ولاحاجة الشكل جميل جدا وكل قطع غيارها موجودة فى الحرفيين يابانى اصلى السيارة راكبها بقالى سنة بسم اللة ماشاء اللة مفيش ابرة حطيتها فيها لان قطع غيارها ذى مابقول يابانى اصلى معمرة جدا رغم ان الموضوع قديم لكن شعرت ان الكثير متحامل على هذاالموديل رغم انة من احسن موديلات للمازدا حتى الماتور لو باظ ممكن تريح دماغك وتسقط غيرة وبكام يابلاش ب 2500 استيراد خلاصة الكلام العربية لا عايزة ابن باشا ولا ابن امير علشان يصرف عليها ذى مابعض الاشاعات يطلقها الميكانيكية مش عارف لية |
رد: برجاء مساعدتي في مازدا 97 عاوز اشتريها
الاخ hany- elkashef موديل 97 مثل موديل 98 وياريت تعرفنا اسماء واماكن بيع قطع الغيار الجديدة والاستيراد بتفصيل اكثر لاني عايز اشترى موديل 98
|
رد: برجاء مساعدتي في مازدا 97 عاوز اشتريها
ساعات الصناعية بيرددوا الكلام اللى بيسمعوة وخلاص ،،، زى الفورد كلة عامل يقولى قطع غيارها مش موجود وغالية ، وبعد الشراء لقيت قطع غيارها رخصية ومتوافرة وارخص من قطع غيار العربيات الصينى ، دة حتى طبة الجنط موجود اللى بتركب وتغطى المسامير ،، اعمل زى انزل اى تجمع قطع غيار وخش واسئل عن قطع غيارها بالكامل ولو معقولة ومتوافرة جبيها احسن ما تركب عربية صينى او كورى
|
رد: برجاء مساعدتي في مازدا 97 عاوز اشتريها
هو حضرتك اشتريت فورد ايه يا MFM باشا و عامله معاك ايه عشان انا كمان كنت ناوى على الفورد او مازدا 98 بس قلقت من قطع الغيار و الميكانيكيه اللى نش بيفهموا فى الفورد ياريت تطمنى يا باشا
|
| الساعة الآن 12:00 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017