رد: مرسيدس عيون
 

رد: مرسيدس عيون
 

ههههههههههههههههه
ولا يهمك يا باشا ....
e معناها الفئة دى من مرسيدس و زى ما اتفقنا هى السيدان المتوسطة
200
230
240
280
320
430
500
55 AMG
هى غالبا ما تعبر عن السعة اللترية للمحرك السى سى بتاع العربية يعنى زى ما بنقول عليه
يعنى 200 مثلا معناها ان العربية دى 2000 سى سى و 320 معناها 3200 سى سى
و فيه منها komprissor و ده بيبقى محرك اقوى شوية من العادى .... يعنى E200 komprissor اقوى بنسبة 20 % تقريبا من E200 العادى

بس قاعدة السعة اللترية دى مش ثابتة دايما ... يعنى مثلا ممكن تلاقى 320 و 350 .. هما الاتنين سعة لترية واحدة بس مع اختلاف الاوبشنز

و غالبا كل ما الرقم اللى جنب حرف E ما بيكون اكبر كل ما السعة اللترية بتكبر يعنى الموتور بيبقى اقوى و الاوبشنز اللى فى العربية كمان بتكتر


اما عن E55 AMG فهى الاقوى على الاطلاق فى هذه الفئة ... طبعا انا بتكلم عن الموديلات القديمة لأن الموديلات الجديدة بقى فيها لحد E63 AMG

و فئة AMG عموما من مرسيدس هى الفئة الرياضية الفخمة المختلفة تماما عن سيارات مرسيدس العادية فى قوة المحركات و انظمة التعليق و الفرامل .... يعنى من الاخر بتبقى اصدارات رياضية خاصة
بس يا باشا ده باختصار كدة و يا رب اكون افدتك

رد: مرسيدس عيون
 

لا مؤاخذه يا عم الحاج ...... سقطت مني الجملة دي

شكرا على التوضيح يا زعيم