رد: ايه الأفضل ؟ نيسان صنى ولا أوبترا؟؟؟؟
 

سلام عليكم
انا معايا نيسان 2010 سوبر صالون
بجد عربيه ممتازه جدا وشديت كذا مره مع السيراتو والكروز والالنترا والحمد لله يعني كلهم تراجعوا
بس هي عايزه منك ديما الاهتمام بيها
وهي بجد عربيه ممتازه وسع شنطه رهيب وكده
وكمان عشفه تمام ومتور قوي وابشن اعتقد انها كافيه جدا
وتكيف جميل جدا
بس يعيبها بس ضيق الكنبه الخلفي
بس ده يعني معتقدشي عيب قوي لبعض الناس
فبتمنالك التوفيق
لكن الالنترا بحسها عربيه كده هاتعوم مع السرعه وانها مش قد كده
ده رايي مش اكتر يعني فيها وكده
بالتوفيق لك في الاختيار

رد: ايه الأفضل ؟ نيسان صنى ولا أوبترا؟؟؟؟
 

انا عايز اقولك يا زيزو ان كلام مومو بيرسونا صح ... فعلا البيرسونا عربية جميلة جدا انا شخصيا معجب بيها كل مشكلتها معايا هو الوكيل وسعر اعادة البيع هما دول الحاجه الوحيده اللى ممكن تلاقى فيها مشكلة
وعلى فكرة السوبر صالون مافيهاش اى اختلاف عن ex فى الشكل من بره
الفرق كله ان الكونسول بتاع التابلوه ابانوس وكمان الكاسيت فى cd changer دا طبعا فى السوبر صالون
على فكرة عفشة السوبر صالون تحفه بس التانيه فيه ناس بتشتكى من عفشتها
انا مع د/ عمرو فى ان شكل 2007 / 2008 احسن من شكل 2009/2010 بس هو دا اللى موجود دلوقتى بالذات لو هتشترى قسط
على فكرة العربية دى كانت معايا من سنتين وموضوع التفقيل المصرى دا مش مشكلة خالص بجد العربيه حلوه وكمان راسية على الارض انا جبت بيها لغايه 190 و 200
من الفروق التانيه ان الex فيه منها مانيوال واتوتوماتيك اما السوبر اوتوماتيك بس
وex فيه منها موديلات بدون اير باج و abs بس السوبر صالون كلها فيها الحاجات دى
بص نصيحه لو هتشترى السوبر صالون اللى فى حدود 95000 فيه حاجات تانيه افضل كتيير فى السعر دا
ارجوا انى اكون افادتك

رد: ايه الأفضل ؟ نيسان صنى ولا أوبترا؟؟؟؟
 

الإختيار صنى وبعد مرور سنوات حتحس بالفرق ومين اللى ح تفضل ماسكه نفسها أداء وكفاءة وشكل
اليابانى يابانى حتى لو كان تقفيل مصرى

رد: ايه الأفضل ؟ نيسان صنى ولا أوبترا؟؟؟؟
 

رد: ايه الأفضل ؟ نيسان صنى ولا أوبترا؟؟؟؟
 

الحمد لله انو احنا اقناعك .......وانشاء الله تكون افضل معاك وتكون موفق في الشراء وما تنساش الاستخارة

رد: ايه الأفضل ؟ نيسان صنى ولا أوبترا؟؟؟؟
 

رد: ايه الأفضل ؟ نيسان صنى ولا أوبترا؟؟؟؟
 

شكرا على المعلومات القيمه دي يا ميدو باشا
حضرتك بتقول ان في عربيات في نفس سعر السوبر صالون واحسن منها
ياريت تقولي زي ايه لاني تقريبا قربت اخذ قرار بالسوبر صالون وحاسس ان مافيش زيها بنفس السعر
فلو عندك معلومات عن عربيات احسن منها وبنفس السعر ياريت تلحقني قبل ما اشتريها
وشكرا ليك