مصر موتورز مجتمع السيارات - حيره بسبب الكريستاله

مصر موتورز مجتمع السيارات (https://www.masrmotors.com/vb/index.php)

- متسوبيشى Mitsubishi (https://www.masrmotors.com/vb/forumdisplay.php?f=29)

- - حيره بسبب الكريستاله (https://www.masrmotors.com/vb/showthread.php?t=18292)

رد: حيره بسبب الكريستاله

هيا اسعار الكريستاله كده في السوق مش مبالغ فيها ولا حاجه
لما تيجي تجيب اللانسر ال 2001 حتلاقي النضيف منها من 60 الي 65
و كان فيه عربيه مكواه متباعه قدامي ب 69 بس كانت حالتها حكايه لسه خارجه من الكرتونه!!!!
و البومه عامله من 65 لل 1300 الهاف اوبشن النضيف لحد 95 الفف موديلات 2009
يبقي منطقي جدا ان الكريستاله النضيفه تعمل 50 الف و 47 و الاسعار دي

انا بقول الكلام دا للي بيقول اسعارها مبالغ فيها
و للعلم انا شاري عربيه موديل 98 من 6 شهور ب 50 الف و تكييف و باور فقط
بس فابريقه بره و جوه بسم الله ما شاء الله
و كل اللي يشوفها يقولي هيا غاليه الفين او تلاته بس علشان حالتها انا دفعت الزياده دي
و للعلم انا اشتريت من غير ما ابص علي العربيه يدوب شفتها من بره فقط و ما بصتش عليها
غير لما دفعت فلوسها و ركبتها و بدات ابص عليها من جوه كويس!!!!
اما بالنسبه ليك فالاستاذ علي جمال جابلك من الاخر
الكريستاله افضل ما يمكن شراؤه بهذا الثمن
اعتماديه و شكل ممتاز و ثبات و مكونات داخليه متميزه و قطع غيار باسعار معقوله
و جديد و استعمال و اوريجنال و ياباني و تايواني
يعني لو باي فلوس حتصلحها حتصلها
حتي لا قدر الله لو الموتور بتاعها وحش بتجيب موتور ب 2000 جنيه او 2500 و تركبه
بس بحاله الزيرو !!!!!!!!!!!!!
من رأي دور علي كريستاله نضيفه و خد معاك حد بيفهم من قرايبك او اصحابك
و قبل ما تشتري خلي سمكري شاطر يبص علي العربيه دي مافيهاش حاجه

رد: حيره بسبب الكريستاله

طب ايه الفرق بين الخليجي والمصري في الكريستاله
في كريستاله 1500 سي سي انجكشن؟؟؟
ايه الاحسن فيهم

رد: حيره بسبب الكريستاله

ياسلاااام اخيرا المنتدي رجع
ياريت ياجماعه تردوا علي سؤالي عشان خلاص بشتري
بس فيه واحده من الاتنين 99 بس 1500 cc والتانيه 1300 عادي
ايه الفرق بين العربيتين
هل في الموتور بس ولا في فرق في حاجه تاني ؟

رد: حيره بسبب الكريستاله

اقتباس:

المشاركة الأصلية كتبت بواسطة funnymickey (المشاركة 120415)

طب ايه الفرق بين الخليجي والمصري في الكريستاله
في كريستاله 1500 سي سي انجكشن؟؟؟
ايه الاحسن فيهم

فيه منها 1500 انجكشن فعلا
و ال1300 كربيراتير
الاتنين كويسين و ال1500 اقوي من ال1300
عموما شوف حاله العربيتين
و الحاله الافضل توكل علي الله
بالنسبه للفرق بين الخليجي و المصري مافيش اي فروق
المصري اساسا كانت بتنزل بمواصفات خليجيه لسبب بسيط
ان مافيش معايير للسيارات المصريه فالوكيل كان بيجيب المواصفات الخليجيه

رد: حيره بسبب الكريستاله

اقتباس:

المشاركة الأصلية كتبت بواسطة funnymickey (المشاركة 120293)

احلي سلام علي احلي ناس في المنتدي
انا اخوكم صبحي
من القاهره
وواقع في حيره شديده جدا
بسبب اسعار الكريستاله في السوق
بجد زهقت من الناس المبالغه في سعرها اوي اوي
يعني انا من خلال الحاجات اللي قريتها هنا معاكو
لاحظت ان افضل كريستاله تتجاب glx 2000 او 1999
طيب اوكي
دورت
لقيت اقل حاجه مثلا بنتكلم في 47 والمفروض ان دي حاله تعبانه
علي كونتاكت كار وسوق السيارات يوم الجمعه الاسعار دي
ولاحظت ان الناس اللي علي كونتاكت اغلبهم هما هما بتوع السوق
وطالبين بقي اسعار خرافيه
50 51 كده
والله اعلم بحاله العربيه وصراحه بقي انا شفت عربيات من اللي معروضه دي وبصيت فيها وانا مدفعش فيها اكتر من 40 وده بالعين المجرده كده مجرد بصه وانا مبفهمش اصلا في العربيات ما بالك بقي اما تتترفع
وناس بقي حاطه اسعار عجيبه 66 و58
ومش قادر افهم يعني علي ايه
مهما كان العربيه موديلها من 10 سنين
يعني قديمه
ازاي طالبين الاسعار دي مهما كانت الحاله
انا بجد مش عارف اوصل لكريستاله حلوه بسعر كويس
علي فكره انا كلمت همام اللي في صقر قريش امبارح وقاللي ال2000 تعمل في حدود 45 والراجل ده فعلا محترم جدا وتسلم ايد اللي دلني عليه
مش عارف ازاي
مع اني شايف ال2000 كله مش اقل من 50
وممكن تبقي حالات تعبانه
انا بجد مش عارف اعمل ايه
انا فعلا ابتديت اكنسل الموضوع وادور علي عربيه تانيه بالفلوس الي معايا
انا مقدرش ازود عن 50
وخايف اجيب كريستاله وادفع ال50 وتيجي تحتاج مصاريف مش حقدر اعمل فيها حاجه فعلا وحركنها
يبقي حرام ابقي جايب عربيه جديده واركنها
تاني حاجه بقي انا خايف من موتور العربيه
لانه 1300 وطبعا لو متهان ولا ضعيف ولا ماشي كتير مش حيدي كفاءه للتكييف
سؤالي بقي
لو ملقيتش كريستاله بالسعر اللي انا عاوزه
اجيب ايه
انا فكرت اجيب كيا سيفيا 99 او 2000تجميع كوري وحتبقي كويسه
وحاله وكبيرها اوي 48
انا بعشق حاجه اسمها كريستاله
وبحب شكلها جدا
بس ما باليد حيله في الاسعار المبالغ فيها دي

ياريت اقتراحتكم كده وفكروا معايا تعملوا ايه لو معاكو 50000 الف اقصي تقدير وده بالعافيه كمان
تجيبوا ايه
ملحوظه
معروض عليا كريستاله 97 ب43 وخايف تكون حالتها بقي تعبانه واعاني من اللي خايف منه واقعد اصرف عليها وبتاع
ده غير انها مش كامله ناقصها ازاز كهربا
انا رغيت كتير وصدعتكو معايا بس انا فعلا في حيره كبيره ومش عارف اعمل ايه

الكريستالة عن تجربة سابقة 10/10 ممتازة فى جميع النواحى

رد: حيره بسبب الكريستاله

فعلا خلاص
بصمت بالعشره ان الكريستاله احلي
واجمل وكل حاجه في الدنيا
قريب اوي حفرحكو ان شاء الله

رد: حيره بسبب الكريستاله

ربنا يكرمك و تجيب عربيه كويسه
و ابقي فرحنا معاك