رد: ياريت حد يساعد الجولف دي
 

انا متشكر جدا لتعاون حضرتك
كده تمام اوى ان شاء الله هبتدى واحده واحده فيها
بس انا حاسس ان 3000 خيسعو معايا بس ربنا يكرم
والف شكر مرة تانيه

رد: ياريت حد يساعد الجولف دي
 

طبعاً محمد قال كل حاجة ومتابع معاك من الاول فمحدش ينفع يرد قبليه ولا بعديه لانه اكترنا خبرة فى العائلة الفولكسية كلها :)

بس حبيت اوضح شوية نقط مع حضرتك

اولاً بما انك عايز فيجوال ابجريد يبقى الافضل تعمل بدى كيت كاملة فممكن تروح الحرفيين وتخلى بتاع الفيبر يصبلك الاكصدامين بالشكل اللى تختاره ويعملك جوز عتب وممكن هوايات كمان بس الكلام ده ممكن يخش فى 800 جنية

http://www.rsbodykits.co.uk/newimage...P1%20kopia.jpg

http://img138.imageshack.us/img138/3...g9sizedta8.jpg

http://www.mijnalbum.nl/Foto-MBZ4CNX3.jpg


ثانياً بالنسبة لتهبيط العربية لا ينصح بيه الا لو حالة العفشة جيدة وقص السوست يفضل انه يكون على سوست جديدة والقص يبقى على البارد مش بالتسخين
لكن عامة ده هيظبط شكل العربية خاصة مع الجنوط والكاوتش المناسبين لكن كاداء يفضل عفشة سبور كاملة

ثالثاً بالنسبة للدهان الميتاليك عادى مفيهوش مشاكل ورخيص دلوقتى كمان بس لو تقصد تداخل الوان يعنى كرونا لوك او تعمل العربية لونين ده هيتكلف اكتر وممكن تخش فى 2000 جنية دهان بس فخد بالك ان بند الدهان مكلف وانت لازم ترش بعد شغل البادى كيت

بالنسبة للاكسسوارات خليها فى الاخر خالص لما تخلص شغل فى بدى العربية والعفشة والدهانات وبالنسبة للفوانيس التفصيل هتلاقى كتير وفيه ناس كتير بتعدل الفوانيس فمحلولة ان شاء الله

بالنسبة للباور زى ما قال محمد الافضل انك لو هتمد ايدك تحت الكابوت تغير الموتور خالص وتبداء مشروع متكامل performance upgrade

رد: ياريت حد يساعد الجولف دي
 

الف شكر يابو نورا على المعلومات والنصايح دى ptmnlo123per171
ربنا يجازيكو كل خير .............. فعلا منتدى الخبرة
بس انا سمعت ان صبات الفايبر دى بتحتاج ترخيص من المرور الكلام ده صح ؟؟؟؟
كمان هو تهبيط العربيه بيأثر شكليا بس ولا بيأثر كمان على ثبات العربيه لان انا عايز اهبط عشان العربيه مش ثابته فى السرعات العاليه ؟؟؟؟؟؟؟؟
بالنسبه للدهان انا اصلا الرخصه لونين احمر واسود بس انا عايز اخلي لونها اسود وادخل الاحمر معاه بشكل حلو بس كده

اما بالنسبه بقى لموتور العربيه هو 1600 وما شاء الله كويس جدا وكمان انا لسه شادد العفشه من 4 شهور والدركسيون مش تقيل اوى بس بصراحه انا عايز اركب الباور رفاهيه مش اكتر ptmnlo123per193
عموما انا متشكر على اهتمامكو جداااااا :angel2W22:

رد: ياريت حد يساعد الجولف دي
 

تسقيط العربية او توطيتها بيديها ثبات اعلي كتير لانها بتبقي اقرب للارض و بتقدر تقاوم دوامات الهوا اللي بتتكون تحت العربية في السرعات اللي بتساهم في رفعها لفوق و بالتالي تحس بعدم ثبات العربية و خلي بالك انت عربيتك خفيفة جدا 790 كيلو يعني الهوا يلعب بيها لعب و دي الجولف الوحيده علي مدار سنين طويلة من موديلات الجولف اللي نزلت بالوزن الغريب ده

رد: ياريت حد يساعد الجولف دي
 

اها طيب تمام كده اوى ........
بس يا محمد حضرتك ما شاء الله عليك فى معلوماتك وخبرتك فى العربيات :clapW15: مش بحسد والله :angel2W22:
طيب وحوار صبات الاكصدامات الفايبر ده محتاج ترخيص من المرور ؟؟؟؟؟؟؟:joy23:

رد: ياريت حد يساعد الجولف دي
 

ربنا يخليك يا باشا:)

و ملهاش علاقة بترخيص العربية ولا المرور شباب مصر كلهم تقريبا عاملين بودي كيت و كساحات و الكلام ده لو هيدفع عليها رسوم او هتعمل مشاكل في الترخيص مكانتش انتشرت بالطريقة دي

رد: ياريت حد يساعد الجولف دي